Níunda uppsuða af stefnuskrá Alþýðuflokksins.

Árið 1994 hljóp Jóhanna Sigurðardóttir úr Alþýðuflokknum og stofnaði Þjóðvaka.

Og leiddi þar með Framsóknarflokkinn til valda á Íslandi, með hörmulegum afleiðingum. 

Hún hefur því ekki getað sagt mikið við Róbert Marshall, hann sá ósköpin til hennar sjálfrar. 

Annars er Róbert einungi að reyna að tryggja sér áframhaldandi þingsetu.

Hann sér að Samfylkingin er að hrynja út af innanmeinum. 

Hann sér hins vegar ekki að Samfylkingin er einnig að hrynja út af rangri og sviksamlegri stefnu í Evrópumálum. 

Og það eru aldeilis krásirnar sem Björt framtíð ætlar að bjóða kjósendum upp á. 

Í pottinum er stefnuskrá gamla Alþýðuflokksins upphituð upp í 9. sinn. 

1. suða var auðvitað hjá Alþýðuflokknum sjálfum árið 1916.  

2. er Kommúnistaflokkur Íslands klofnaði út úr Alþýðuflokkum árið 1930. 

3. er  Sameiningarflokkur Alþýðu - Sósíalistaflokkurinn, klofnaði að hluta út úr Alþýðuflokknum árið 1937. 

Þar fengu kommarnir nýtt nafn til að dylja tengsl sín við Kominterm í Moskvu. 

4. er Málfundafélag jafnaðarmanna klofnaði út úr Alþýðuflokknum árið 1956. 

Stofnuðu kosningabandalagið; Alþýðubandalag, með kommunum. 

5. er Málfundafélag jafnaðarmanna varð að Samtökum frjálslyndra og vinstri manna árið 1968.

Vildi ekki vera lengur með kommunum þegar Sósíalistaflokkurinn varð að Alþýðubandalaginu. 

Í það skiptið var nokkrum óþekkum framsóknarmönnum bætt úr í pottinn.   

6. þegar Bandalag jafnaðarmanna klofnaði út úr Alþýðuflokknum árið 1983. 

7. þegar Þjóðvaki klofnaði út úr Alþýðuflokknum árið 1994. 

8. er Alþýðuflokkurinn varð að Samfylkingu á árunum 1998-2000. 

Þessi uppsölujafningur var bragðbættur með femínistum og nokkrum stofukommum úr Alþýðubandalaginu. 

Alvöru kommúnistar -sem nú voru farnir að dulbúa sig með femínisma, náttúruvernd og þjóðernishyggju-  

urðu eftir í Vinstri hreyfingunni - grænt framboð.

Björt framtíð  (það má nú nærri geta) árið 2012 

Á þeim bænum er eldasveinninn, Guðmundur Steingrímsson, enginn nýgræðingur í pólítískri moðsuðu.

Innfæddur í fjósi Framsóknarflokksins þar sem hann hefur legið í flórnum, í þrjá ættliði frá 1934.    

Þar sem erfðagóssið Framsóknarflokkurinn, og stefnuskráin, eru endanlega viðbrennd.     

Ætlar Guðmundur nú að kokka ofan í okkur mauksoðna stefnuskrá Alþýðuflokksins. 

Það er í 9. skiptið sem reynt skal að láta okkur gleypa kasúldnar krásirnar úr kamínu kratanna.   

Bara að engum verði nú bumbult.     

Róbert til liðs við Bjarta framtíð

Ættum að skammast okkar.

Var þetta mál rætt við Yoko Ono og Lady Gaga? 

Hefur femínistin Jóhanna Sigurðardóttir sent mótmæli? 

Eða er frelsið til að tjá sig og mótmæla aðeins upp á punt?

Hér má sjá Nadezhda Tolokonnikova með barnungri dóttur sinni:

http://mikkipedia.tumblr.com/post/29823515250/fuckdudeskilldudes-derekexcelcisor-pussy

Hún á að sitja inni í tvö ár ásamt Mariu Alekhinu.

Fyrir að gagnrýna stjórnvöld skulu jafnvel ungar mæður sitja í fangelsi í Rússlandi.

Það er Íslendingum til skammar en mest þó femínistum að mótmæla ekki kröftugar.

Íslenskir aðgerðasinnar og femínistar ættu að höfuðsitja rússneska sendiráðið í Reykjavík.

Og þangað hefði átt að bjóða þeim Ono og Lady Gaga. 

Það er nauðsynlegt fyrir einræðisherrann Pútín að vita að heimsbyggðin fylgist með honum.

Skömm og svívirða. 

Ein úr Pussy Riot látin laus

Af hverju ekki lengur en nokkrar vikur?

Enginn raunverulegur vilji var hjá stjórnvöldum til að rannsaka svokallað hrun.

Þegar Íslenska ríkið átti bankanna eftir hrun var ekkert gert í því að skoða bókhald þeirra erlendis.

Brotlegir þurftu enga eftirvinnu við að láta gögn hverfa, breyta gögnum og sammælast um atburði.

Að einhver bankaforkólfur hafi verið símahleraður í nokkrar vikur.

Þegar komið var á annað ár eftir svokallað bankahrun.

Er bara til að hlæja að því svo aumt sem það er.  

Eða gráta.  

Sá sem réð yfir eignarhlut Íslenska ríkisins í bönkunum á þeim tíma hét Steingrímur J. Sigfússon.

Sá hafði galað um það á Alþingi að brotlega bankamenn ætti að sko að rannsaka, dæma, fangelsa og jafnvel bannfæra. 

Kyrrsetja átti eignir þeirra og þjóðnýta.

Þá sjálfa ætti að setja í farbann, gapastokk og varðhald, helst í dýflissu, á meðan rannsókn færi fram. 

Og hvað gerði svo Steingrímur af öllu þessu?  Þegar hann hafði fengið rannsóknarvöldin að nokkru.  

Ekkert. 

Nákvæmlega ekkert.

Takið eftir því, háærðuverðugir kjósendur.

Þeir kjósendur sem ekki eru æruverðugir, eða hvað þá háæruverðugir, geta svo kosið Steingrím áfram. 

Það var eðlilega ekki hægt að ætlast til að Steingrímur þekkti lagaframkvæmd svona mála í landinu.

Eftir að hafa verið í dagvistun á Alþingi í einhver 30 ár. 

En það sem hefði verið hægt að gera;  t. d. að senda einhvern til Lúxemborgar. 

Gerði Steingrímur ekki heldur.   Samfylkingin bannaði það, þar sem hún þoldi ekki skoðun. 

Vesalingur minn.

Eini embættismaðurinn sem sýndi lit og vilja til að fara til Lúxumborgar var skattrannsóknarstjóri. 

En hann fékk ekki að fara.  

Af hverju skyldi það hafa verið? 

Sími Sigurðar hleraður í 9 vikur

Íslendingar eru hvatvísir og ofvirkir að upplagi.

Fyrir meira en þúsund árum sigldu forfeður okkar á örsmáum bátskænum yfir Atlantshafið.

Með konur sínar, börn og önnur húsdýr til að leita sér að betri heimkynnum. 

Þeir sem létu sér til hugar koma annað eins feigðarflan voru auðvitað prýðilega hvatvísir. 

Og snarlega ofvirkir að hafa tekist að koma undir sig fótunum í áður óbyggðu landi. 

Þeir sem hvorki voru hvatvísir, eða ofvirkir, voru einfaldlega kyrrir á sínum stað heima.  

Engum þarf því að koma á óvart að við Íslendingar greinumst meira hvatvísir eða ofvirkir en aðrar þjóðir. 

Og notum því meira af lyfjum við slíku en aðrar þjóðir.

Það er eðlilegt.  

Því miður fylgir þessum einkennum einnig athyglisbrestur sem leiðir til sóunnar á mannauði þjóðarinnar. 

Peningar til að niðurgreiða þessi lyf mun því nýtast þjóðinni margfalt.

Færri munu í æsku hætta í skóla og leiðast út í neyslu vímuefna, afbrot o. s. frv. 

Nýlega kom fram í fréttum að þessum lyfjum er því miður smyglað til landsins í verri tilgangi en lækninga. 

Þar kom hluti af skýringunni á misnotkun lyfjanna, er læknar SÁÁ hafa vísað til.   

Ekki er hægt að komast í vímu nema með skammvirkandi gerð þessarra lyfja.

Sú gerð heitir Ritalin og er notuð fyrir börn en ekki fullorðna.   

Ritalin hefur engu að síður bjargað æsku og velferð margra barna sem annars voru ekki í húsum hafandi. 

Ekki aðeins að þau gætu ekki stundað sitt eigið nám heldur spilltu stórlega öllu skólastarfi og námi annarra.  

Börn og unglingar sem í verstu tilfellunum enduðu í Breiðuvík í mínu ungdæmi. 

Eða í enn verri málum en það. 

Auðvitað væri yndislegt ef ekki þyrfti að láta bólusetja börnin sín og ekki þyrfti að nota lyf eða bætilefni. 

En það er bara ekki sú veröld sem við búum í. 

Enn eru engin lyf til handa þeim sem halda það. 

Því miður. 

 

Ekki hætt að niðurgreiða ofvirknilyf

Þakkir.

Fyrir það hugrekki að stíga fram og lýsa þessu fyrir okkur.

Og einnig að stappa því stáli í fólk.

Að þrátt fyrir erfiðleika sé hægt að komast í gegnum svona veikindi.

Og brýna fyrir fólki að fara strax til læknis.

Eða um leið og einhver óútskýranleg veikindi steðja að, eða verða óeðlilega þrálát.

Var hvött til að bíða með skoðun

Kominn á "nýjan" Volvo.

Ingvar Kamprad hóf ferilinn á reiðhjóli og seldi eldspítur.

Lengi var talað um að hann æki um á eldgömlum Volvo bíl.

En einhvern tímann hefur hann náð að endurnýja bílinn.

Hann ekur nú um á Volvo 240 árgerð 1993, sem er auðvitað sama sem nýtt.     

 

„Of upptekinn til að deyja“

Rússar voru líklega fyrstir með fjórhjóladrifinn fólksbíl.

Það var Pobeda frá GAZ verksmiðjunum.   Pobeda var forveri Volga bílanna sem eldri Íslendingar muna vel eftir.   

GAZ verksmiðjurnar framleiddu einnig GAZ69 sem hérlendis voru afar þekktir, einfaldlega kallaðir Rússajeppar.    

Af þeim sem seldu bíla til Íslands, voru GAZ verksmiðjurnar þær bestu austan tjalds.    

Nú eru Vestur Evrópubúar búnir að yfirtaka bílaframleiðsluna tæknilega í fyrrum austantjaldslöndum. 

Fyrst fréttist hingað af því að VW verksmiðjurnar hefðu tekið hinn tékkóslóvaska SKODA í gegn.

Sá er kannski orðinn betri en VW ef eitthvað er.

Eftir að járntjaldið féll fóru Slóvakar að framleiða fyrir bílaframleiðendur frá vesturlöndum og Asíu.

Svo sem þýska VW; (Polo og Touareg), Audi; (Q7), franska Peugeot og Citroën,  kórenska Hyundai; (Kia).

Enn seinna fyrir Porsche sjálfan. 

Tékkar hófu einnig að framleiða fyrir Peugeot og Citroën en einnig fyrir hið japanska Toyota, í viðbót við SKODA fyrir VW.  

Síðar fóru Tékkar einnig að framleiða bíla fyrir Hyundai og Iveco trukka.   

Pólverjar fóru að smíða bíla fyrir hið bandaríska General Motors (GM) byrjuðu á að framleiða Opel.

En seinna einnig VW, Chevrolet, Fiat og Ford.  

Og stóra bíla frá MAN, Neoplan, Scania og Volvo. 

Ungverjar framleiða Audi bíla, Suzuki, Fíat og sjálfan Mercedes Benz.   

Auk þess vélar og skiptingar í Audi og GM.  

Rúmenar hafa svo verið í samstarfi við Renault síðan árið 1966 en Frakkarnir stjórna nú alfarið  hjá Dacia.  

Rúmenar hafa einnig framleitt Ford bíla.   

Renault hafa einnig verið með bílaverksmiðju í Slóveníu sem áður tilheyrði Júgóslávíu eins og Serbía.

Slóvenar hefja framleiðslu á Smart bílum fyrir Mercedes Benz, árið 2014.  

Serbar framleiddu fyrrum Zastava sem ekki þóttu standa sig vel í rigningunni og saltinu á Íslandi. 

Nú framleiða Serbar Fíat bíla.  

Verksmiðjur og tæknifólk sem áður framleiddi Trabant og Wartburg, framleiða nú fyrir fínni vestur Evrópskar tegundir.

Bandarískur bílaiðnaður var lengi kenndur við borgina Detroit í Michigan fylki. 

Þar byrjuðu sinn feril ekki minni kallar en Henry Ford, Walter Crysler, Dodge bræður og Packard. 

Nokkrum árum áður hafði sjálfur Edison séð um ljósvæðingu borgarinnar með ljósaperum sínum.  

Nú er talað um austur Detroit og er þá átt við bílaframleiðslu í Póllandi, Tékklandi, Slóvakíu, Ungverjalandi og Rúmeníu.

Evrópsk bílaframleiðsla hefur í síauknum mæli færst til þessarra landa.  

Hér má sjá bílakynningu frá  László Gomboczhttp:

//www.slideshare.net/cleibige/eastern-europes-car-and-truck-manufacturers-1196443

Hann hikar ekki við að segja að Dacia hafi verið lélegir bílar áður en Renault yfirtók verksmiðjurnar alveg. 

Frakkarnir hjá Renault og Japanir hjá Nissan fóru í samstarf fyrir allmörgum árum.

Það verður fróðlegt að sjá hvort þeim tókst eins vel til með Dacia eins og Þjóðverjum hjá VW með SKODA.  

Mér skilst að sömu aðilar hafi tekið að sér LADA bílanna sem Íslendingar þekkja vel.

Gaman að sjá hvort innflutningur á LADA verður næsta útspil þeirra hjá BL.  

Kannski að ESB reglurnar hindri bílainnflutning frá Rússlandi?  

Stærstur hluti Rúmeníu tilheyrði fyrrum helstu hámenningarríkjum Evrópu allt frá dögum Karla Magnúsar. 

Var hluti af hinu Heilaga rómverska ríki, síðast hluti af Austurrísk Ungverska keisaradæminu til ársins 1918.

Auk Austurríkis, Ungverjalands, Bosníu, Herzegoviníu, Króatíu, Tékklands, Slóvakíu og Slóveníu.

Og stór hluti Serbíu og smærri hluta af núverandi Svartfjallalandi, Póllandi og Úkraínu. 

Austurríki framleiðir allra bestu bíla heimsins og þess allra bestu hluti sem fáanlegir eru í bíla og flugvélar.

Svo sem Steyr-Daimler-Puch og Magna Steyr.  MAN trukka, G jeppann fyrir Mercedes Benz o. fl.  

Vélar í BMW, íhluti fyrir Benz, Jagúar, Volvo, Scania, Audi, Rover, Renault, Porsche, GM, VW, Toyota, Ford, Bosch o. fl.    

"Draslið" sem hinar þjóðirnar náðu að framleiða er vitnisburður um hina lamandi hönd kommúnismans.

Það er því ákaflega gleðilegt að sjá að Rúmenar séu farnir að framleiða frambærilega bíla.   

Nýtt útspil með fjórhjóladrifi

Og hver er svo mæliaðferðin? Nákvæmni með tveimur aukastöfum?

Sá sem tók saman þessar niðurstöður sagðist hafa aflað sér þessarra upplýsinga á netinu. 

Það sem viðkomandi þjóðir sögðust lesa gleraugnalaust af mælitækinu? Eða var það frúin?

Það er með ólíkindum að hægt sé birta svona niðurstöður í sentimetrum og TVEIMUR AUKASTÖFUM.

Það er ekki bara nákvæmni upp á millimetra heldur tíunda hluta úr millimetra sem er eins og þvermál á hrosshári.    

Í fréttinni segir:  

"...í Bretlandi er að meðaltali 13,97 sm í fullri reisn, 13,46 sm í Frakklandi...  

... íslenska karlmenn en getnaðarlimur þeirra er að meðaltali 16,51 sm..."

En það eru nú kannski saklaus mistök blaðamanns við að umbreyta þessum stærðum úr tommum í sentimetra. 

--------------------

Skv. wikipedia sýndi athugun á 3.300 Ítölum, samlöndum sjálfs Giacomo Casanova, meðaltal upp á 13,0 cm.  

Svona mælingar og samanburður eru auðvitað fráleitar þar sem líkamsstærð þjóða er mjög mismunandi.

Ef karlar einhverrar þjóðar eru mjög litlir eru konurnar það líka.  Og eðlilega einnig kynfæri beggja kynja. 

Kannski erum við Íslendingar bara, á allan hátt, þetta stærri en t. d. Ítalir.  

En þegar við getum ekki lengur sagt að við séum bestir Evrópubúa í kaupmennsku og bankarekstri. 

Er auðvitað huggun að geta sagt öllum að við séum með stærsta typpið. 

Það var þó.    

Íslendingar „stærstir“ í Evrópu

Setja ætti hitalagnir í flugbrautir og lengja braut út í Skerjafjörð.

Það er hreint óráð að við höfum efni á að flytja Reykjavíkurflugvöll um okkar daga.  

Nær væri að sættast við völlinn og bæta hann.

Lengja ætti flugbrautina sem snýr út að Skerjafirði og setja Suðurgötuna þar í stokk.  (Braut 31)

Þannig væri hægt að minnka stórlega lágflug yfir byggð á Kársnesi og miðbæ Reykjavíkur.  

Svo ættum við auðvitað að setja hitalagnir í flugbrautirnar.

Og setja upp sæmilega flugstöð á flugvellinum.

Mættu vera byggingar úr einingum sem hægt væri að flytja síðar ef það huggar einhvern.  

Ferðaþjónustan er okkar helsti vaxtabroddur um þessar mundir.

Við erum að fljúga frá Reykjavík út á land, til Færeyja og Grænlands.

Nestum út ferðamennina úr einhverjum skúrræksnum á Reykjavíkurflugvelli.

Sem mesta furða er að enn hangi uppi.

Voru ónýtt rusl þegar ég vann eitt sumar á flugvellinum fyrir meira en 30 árum.  

En hafa verið stagbættir slag í slag.   

Mætti kannski vera einhver munur á því húsnæði sem ferðamönnum er boðið upp á eftir aðstæðum.

En þarna er allt sprungið fyrir löngu, aðkoma bíla, hvort sem er hópbíla, leigubíla, bílaleigubíla eða einkabíla.

Á háannatíma þyrftu sjúkraflutningamenn að skilja sjúkrabílinn eftir svona eins og 50-80 metra frá flugstöðinni.

Og hlaupa svo með sjúkrabörurnar í gegnum umferðarteppuna og gæta þess að láta ekki aka yfir sig. 

Aðstaðan þarna er í rauninni ekki boðleg fyrir neinn hvorki starfsfólk eða ferðamenn. 

Allt út af heimsku eða barnaskap í einhverjum draumóramönnum.  

Sem kunnugust mannvirki eru rennusteinarnir í miðbæ Reykjavíkur.    

Þar sem þeir ýmist skriðu eða lágu áður en bjórinn var leyfður. 

En eftir komu bjórsins ná þeir að slaga um talsvert stærra svæði á milli fleiri húsa.

Og vilja því eðlilega flugvöllinn burt svo þeir geti stækkað sjóndeildarhringinn frekar. 

 

Flugfélagið má ekki malbika

Öðru vísi mér áður brá. Er þetta ekki Renault?

Menn hafa misjafnar minningar um austantjaldsbíla. 

Skoda, Pobeta, Zastava, Lada, Moskvitch, Volga, Wartburg, Autobianchi, Trabant, NSU Prinz, og pólskan Fíat.

Sumum tókst að eiga ágæt samskipti við bíla sína frá þessum löndum.

T. d. Pobeda, Volga, sumar gerðir af Lada og Skoda og einnig GAZ69 jeppanna. 

Fyrir aðra voru bílar þessarra landa hreinasta martröð.  

Einhverjir bílanna voru afar óáreiðanlegir, svokallaðir mánudagsbílar.

Auk þess sem stálið í þeim var hræðilegt rusl.

Komnir hingað í saltrokið ryðguðu þeir niður á áður óþekktum hraða.

Reyndar voru Frakkar ekki barnanna bestir á því sviði í þá tíð.

Ýmsar ítalskar, spánskar og breskar bílategundir voru heldur ekki alltaf að gera sig í íslenskri veðráttu.   

Nú skilst mér að þessi Dacia verksmiðja sé dótturfyrirtæki frá hinu franska Renault.

Því verður fróðlegt að kynnst hvernig til hefur tekist. 

BL kynnir nýtt bílamerki – Dacia