Samfylkingin vill að ESB semji fyrir okkur samningsmarkmiðin.

Hvað eru menn að spyrja frú Jóhönnu um samningsmarkmið okkar Íslendinga?

Um þau veit hún fátt fyrr en forysta ESB finnur það út fyrir okkur.    

Að fregna af þessu var nú erindi frúarinnar til Þjóðverja sem ráða öllu í ESB sem þeir vilja.

Jóhanna treystir ekki Össuri Skarphéðinssyni frekar en aðrir.

Að koma, yfir hafið, skilaboðum sem ekki hefðu skolast til í volkinu.     

Þó Vegagerðina vantaði ráðskonu við Múlakvísl, varð hún að spyrja Merkel sjálfa. 

Hvort við gætum fengið að halda fiskveiðum og landbúnaði til að hafa ofan af okkur og í ???  

Öllum landslýð í ESB hefur Össur okkar, nýlega, nefnilega sagt að þetta skipti okkur engu.

Og okkur, heima, að ESB ætlaði, hvort eða er, að halda okkur uppi í veislu og vellystingum.

Eins og best gerist, hjá öðrum spámönnum trúarbragða, um fyrirheitin lönd.    

Össur, okkar kurteisi veislugestur í Brussel, er eðlilega ekki að þýfga gestgjafanna um veisluföngin.

Það væri ókurteisi eins og menn vita.  

Hitt væri gaman að heyra. 

Hvort við verðum áfram hér heima eða hvort Össur spámaður opnar Atlantshafið og við fylgjum honum til Evrópu.  

Á hlaupum undan Daró.  

Jóhönnu væri nær að spyrja um það.  

  

Spyr hvort Merkel viti meira en Íslendingar

Jökulár eru ekkert grín, straumur, grjót og sandbleyta.

Stöðvi maður augnablik í jökulá.

Finnst samstundis hvernig árin byrjar að grafa frá, og undan, hjólunum.   

Og séu ekki læst drif á báðum, eða öllum, drifhásingum er von á festu í sandbleytum. 

Auk sandbleytunnar getur grjót á botninum stöðvað för.   

Þeir sem eru með koparkúplingsdisk geta kúplað og bakkað tímalega upp úr vandræðunum. 

Þannig trukk átti ég í rúman áratug.  Sá er bara 4 tonna Benz Unimog, hæfilegur í minni jökulár en ekki fljót.   

Samt varð manni ljóst að engir trukkar eru svo stórir að íslenskar jökulár geti ekki léttilega sigrað þá. 

Í þetta skiptið var það 14 tonna sérsmíðaður hertrukkur.  

Svo halda menn að það sé áhlaupsverk að brúa jökulárnar okkar.   

Endalaust má svo minna á að fólksbílar, og jeppar, breytast í báta. 

Þegar vatnið er komið upp undir miðjar hurðir og fyrr að aftan.   

Þess vegna er reynt að aka yfir vöð skáhalt undan straumi. 

Sé mikið í ánni er stundum um hálfgerða siglingu að ræða. 

Það er ekkert fyrir óvana eða þá sem eru einbíla.

Sandurinn í jökulánum er ekki eftirsóknarverður í legur og fóðringar í vélbúnaði.

Svo sem í hjóla-, bremsu- og stýrisbúnað. 

Grjót í ánum getur einnig brotið ýmsan búnað undir bílnum s. s. bremsurör og ýmsar festingar.   

Þess vegna eru góðir jeppamenn sífellt að skoða bílanna sína.  

 

Trukkurinn fastur í Múlakvísl

Við viljum nammi úr Fríhöfninni og 128 metra stálbrú. Komdu heim í hvelli.

Ekki má lukkudís okkar Íslendinga bregða sér bæjarleið. 

Þá sýður súpan upp úr á Höfðabrekku. 

Össur lendir á glapstigu með Hamas, helstu glæpasamtökum heims.

Hringvegurinn fer sundur og Ögmundur sagður sofa niður í ráðuneyti. 

Allt farið í drasl á Bestu hátiðinni og kynnirinn kallaði fjallkonuna hóru.

Ofan í kaupið brann svo útikamar íhaldsins í Garðabæ. 

Þetta eru voða sætar fjölskyldumyndir frá ESB en þú verður samt að koma í hvelli heim. 

Kauptu 128 metra stálbrú af frú Merkel og berðu henni kveðju Guðs og okkar. 

Ein hundert acht und zwanzig metrar og 7 metra breið.  Þarf að þola 63 tonn.  

Brúin verður að vera á VISA rað, af því að Steingrímur er týndur með tómt ávísanaheftið.

Eða á Ölstofunni, hvað veit ég. 

Kauptu svo nammi og kattamatinn í Fríhöfninni. 

 

 

  

Jóhanna fundaði með Merkel

Ráðuneytið ekki með stálbrýr á lager?

Furðulegt hvað við Íslendingar getum orðið hissa og hneykslaðir. 

Á þeim náttúruhamförum sem bitna á okkur sjálfum persónulega. 

Ef ég byggi mér hús á Stórhöfða í Vestmannaeyjum. 

Og rífst svo og skammast í Veðurstofunni og ráðuneytinu út af roki og rigningu.

Og ég sem ætlaði að hafa þarna litla sólarströnd og smá golfvöll í tjaldi. 

Auðvitað er þetta hörmuleg uppákoma um hábjargræðistímann að missa í sundur hringveginn.

En þetta er hluti af ævintýrinu Ísland.  

Í yfir þúsund ár hafa íbúar í Skaftárhreppi, og nærsveitum, átt á öllu von. 

Og það getur ekki verið ríkisvaldinu að kenna, ekki einu sinni ESB.

Steinsteypa tekur nokkrar vikur að ná fullum styrk. 

Það má því þakka fyrir ef ný brú verður tilbúin fyrir réttir í haust. 

Eigi að byggja brú úr stáli, til bráðabirgða, tekur það einnig vikur að koma henni saman.

Vonandi verður hægt að nota þær brúaruppistöður sem ekki sópuðust burt.

En þær verður að kanna rækilega og einnig undirstöður þeirra við árbotninn.  

Að baki brúarsmíð eru miklu flóknari útreikningar en við almenningur hugleiðum dags daglega.

Bæði jarðfræðingar og verkfræðingar þurfa að gæta að jarðvegi, styrk, ísingu, vind- og jarðskálftaálagi.

Og þetta eru flóknir útreikningar þar sem mistök eru lífshættuleg.  

Sumir bílarnir eru einhver 40 tonn með tengivagni. 

Það er ekkert grín að fara yfir eitthvað hrófatildur á sjóferðabæninni einni saman. 

Stærstu fólksflutningabílar taka jafnvel hátt í 70 manns í sæti.  

Að missa hópferðabíl fullan af ferðamönnum í ána, yrði til muna verri landkynning en horfin brú. 

Þá er nú betra að súpan kólni hjá Jóhannesi höfðingja á Höfðabrekku.  

 

Senda ráðherra neyðarkall

Íslendingar ættu að læra af Sviss.

Íbúar Sviss eru líklega þeir snjöllustu í Evrópu.

Þeir hleypa engum inn inn í landið nema á sínum forsendum.

Þeir eru ekki aðilar að neinum nauðasamningum. 

Þeir framleiða aðeins þekkta hágæðavöru og selja hana mjög dýrt. 

Þeir láta ekki stærri þjóðir eða alþjóðasamtök ljúga að sér.  

Þeir stjórna mikilvægum málefnum með þjóðaratkvæðagreiðslum.

Ísland er með Sviss í EFTA en Sviss er ekki aðili að Evrópska efnahagssvæðinu. 

Þurfa þess ekki.   

Svisslendingar ósáttir við ESB

Vilji Íslendinga í skoðanakönnunum á að ráða afstöðunni til Palestínu en ekki ESB.

Eru einhverjir tveir menn á ferðinni í íslenskum stjórnmálum sem heita báðir Össur Skarphéðinsson?

Íslenska þjóðin vildi ekki ganga til viðræðna um inngöngu í ESB.

Íslenska stjórnarskráin heimilar ekki inngöngu í ESB.

Aðeins 1/3 þjóðarinnar hefur kosið stjórnmálaflokk sem vill ganga í ESB.

Meiri hluti þjóðarinnar vill hætta aðildarviðræðum að ESB. 

Mikill meirihluti vill ekki ganga í ESB.

Össur Skarphéðinsson gefur dauðann og djöfulinn í vilja og skoðanir Íslendinga á ESB.

Núna er einhver Össur Skarphéðinsson að þvælast niður í Palestínu

og segist erinda þar eitthvað sem þjóðin vilji samkvæmt skoðanakönnunum.   

Getur þetta virkilega verið sami maðurinn??? 

Ísland sýni Palestínu stuðning

Draumur ESB sinna að komast í drykkju- og vændissvallið.

DSK er holdgerfingur stjórnmálayfirstéttarinnar í Evrópu.

Í áratugi búinn að þvælast milli funda og hótela.

Fullur eða edrú með vændiskonur í eftirdragi. 

Þessi hórkall hefur notið aðdáunar karlkyns stjórnmálamanna í Evrópu. 

Eftir að hafa kynnt sér þessa veröld um langt skeið.

Eru íslenskir kratar algerlega heillaðir.

Og vilja fyrir alla muni að við Íslendingar göngum í ESB.

Svo að þeir geti verið með í þessu svalli. 

Og það mega þeir eiga. 

Að þeir hafa æft sig samviskusamlega.

Að þvælast drukknir um allar jarðir heitir aðlögunarferli.   

Man einhver eftir Kolbrúnu, fyrrverandi ráðherra, sem vildi banna opinberum embættismönnum vændiskaup?

Það er kannski kominn tími til að upplýsa þjóðina um ástæður þess.  

 

 

  

 

Strauss-Kahn í fylgd með ókunnri konu

Svo koma lyfjaónæmir berklar.

Stjórnvöld þurfa að breyta lögum vegna þessa málaflokks.

Skilyrðislaust verður að vera hægt að svipta þá sjálfræði sem ekki mæta í nauðsynlegt eftirlit og meðferð. 

Reynsla annarra þjóða af sjúkum og eftirlitslausum fíklum er ekki góð.

Þess má vænta að þeir þrói með sér sýkingar af völdum sýkla sem eru fjölónæmir fyrir lyfjum.

Þar eru berklar hættulegastir samfélaginu.    

HIV faraldur meðal fíkniefnaneytenda

Það var nú nokkuð snemmt. Spurning um óvirka sýningargripi.

Í þessu einstaka máli eiga sérstök sjónarmið við.

Maðurinn hefur lífsviðurværi sitt af rekstri á veiði- og vopnasafni.

Atvinnufrelsi manna er veitt sérstök vernd í stjórnarskránni, þar sem þau teljast til mikilsverðustu réttinda manna. 

Nú hefur maðurinn misst leyfi til að hafa skotvopn undir höndum.

A. m. k. tímabundið og ekki sjálfgefið að leyfið fáist aftur.

Ekki einu líklegt hafi maðurinn hótað lögreglumönnum með þeim. 

Dómstólar hljóta að taka afstöðu til þess hvort maðurinn verði sviptur byssuleyfi verði gerð um það krafa. 

Ekki einu sinni víst að atbeina dómstóla þurfi til, verði maðurinn sakfelldur fyrir alvarlegt brot á vopnalögum.  

Dómstólar munu í sama máli fjalla um afdrif á þeim skammbyssum sem maðurinn handlék fyrir framan lögreglumenn. 

Verði maðurinn sakfelldur fyrir alvarlegt brot á vopnalögum vera þær líkast til gerðar upptækar.

Um haldlagningu á hinum byssunum 90 þurfa þessi tvö stig stjórnsýslunar að fjalla fyrst. 

Lokaniðurstöðu stjórnsýslunar er að jafnaði hægt að bera undir dómstóla á síðari stigum. 

Hins vegar vakna spurningar hvort hægt sé að afhenda manninum þær byssur sem hafa sýningargildi.

Ef úr þeim væri tekinn einhver slíkur skotbúnaður að þær teldust ekki skotvopn í skilningi vopnalaga.

Og koma þannig til móts við þau sjónarmið að hér er um atvinnu mannsins að ræða.

Þeim sem ekki hefur skotvopnaleyfi má ekki afhenda eða selja skotfæri né efni til skotfæragerðar. 

Vopnalögin gera ráð fyrir að veita aðila skotvopnaleyfi til að reka safn með skotvopnum. 

Slíkt safn gæti þó tæplega verið inni á heimili manns sem ekki hefur slíkt leyfi.

Hvað þá ef hann hefði verið sviptur slíku leyfi fyrir alvarlegt brot á vopnalögum. 

 

 

 

 

Fær ekki vopnin

Og þetta voru Grænlendingar.

Grænlendingar ættu að hafa, af öllum þjóðum, mest vit á hvítabjörnum.

Þeir sáu sér ekki annað fært en skjóta þennan ísbjörn. 

Samt eru alltaf einhverjir Íslendingar stórhneykslaðir á að slíkt skuli gert í mannabyggðum hér á landi.

Grænlendingar telja greinilega ekki að þetta séu einhver gæludýr eins og sumir hérlendis. 

Hvítabjörn skotinn í sumarhúsabyggð