Allt í himnalagi í Evrópusambandinu.

Út af misskilningi í fjölmiðlum.

Viljum við Össur taka fram að allt er í himnalagi í ESB.

Og við erum sjálfir í sjöunda himni yfir glæsilegri þróun mála hjá sambandinu.

Satt að segja hefur sambandið aldrei verið nærri því að fara til himna.

Þannig að þið eruð vinsamlegast beðin, í guðanna bænum.

Að taka engar fréttir trúanlegar um að Evrópusambandið sé við það jarða sig sjálft.

Bretar einangraðir í Evrópu

Engin atkvæði út á lokað sjúkrahús. Nægt rými heima hjá Steingrími.

Auðvitað lætur enginn stjórnmálamaður sjá sig þar sem verið er að loka sjúkrahúsi.

Það var því borin von að bæjarfulltrúar í Hafnarfirði færu að láta sjá sig þar, að þakka starfsfólki vel unnin störf.

Og þingmenn hefðu bókað sig snarlega á loftslagsráðstefnu á suðurpólnum frekar en að fá mynd af sér við þetta tækifæri. 

Og hvað þá þau Jóhanna mín og Steingrímur.

Enda hefði þá spítalinn verið snarlega opnaður aftur til að leggja þau þar inn.  Á lokaða deild.

Heldur hefur mér nú sýnst um daganna að fólk sem tekið er að kasta mæðinni, eftir ævistarfið. 

Hafi í sínu héraði farið að mjaka sér í átt að heilsugæslu og sjúkrahúsum. 

Bæði út af hækkandi aldri og heilsubresti.  Trúi ekki öðru en að fleiri hafi áttað sig á þess en ég.

Og því miður verður landsbyggðafólk oft að flytja hreinlega á höfuðborgarsvæðið af heilsufarsástæðum. 

Og þá hefði kannski einhver ályktað að mest væri framboðið af stofnanarýmum þar sem sjúkrahúsin eru staðsett.  

En ó nei.  Svoleiðis sjónarmið eru bara vitleysa.  Fólkið á að gefa upp öndina þar sem þingmennirnir ákveða. 

Samkvæmt vef landlæknisembættisins eru nýjustu upplýsingar frá árinu 2008.

Á höfuðborgarsvæðinu eru stofnanarými 107 á hverja 1000 íbúa.   Sjúkrahús í Reykjavík.

Á Suðurnesjum eru stofnanarými 81 á hverja 1000 íbúa. Sjúkrahús í Keflavík.

Á Vesturlandi eru stofnanarými 174 á hverja 1000 íbúa. Sjúkrahús á Akranesi og í Stykkishólmi.

Á Vestfjörðum eru stofnanarými 143 á hverja 1000 íbúa. Sjúkrahús á Ísafirði.

Á Norðurlandi vestra eru stofnanarými 163 á hverja 1000 íbúa. Sjúkrahús á Blönduósi og Sauðárkróki.

Á Norðurlandi eystra eru stofnanarými 156 á hverja 1000 íbúa. Sjúkrahús á Akureyri og Húsavík.

Á Austurlandi eru stofnanarými 148 á hverja 1000 íbúa. Sjúkrahús á Norðfirði.

Á Suðurlandi eru stofnanarými 185 á hverja 1000 íbúa. Sjúkrahús á Selfossi og í Vestmannaeyjum. 

En sums staðar er svo meiri myndarskapur á þessu. 

Þannig eru stofnanarými á Langanesbyggð 383 á hverja 1000 íbúa. 

Og eru aðeins tvö sveitarfélög á landinu með myndarlegra framboð, þó að þar séu að vísu engin sjúkrahús. 

Og fyrir einskæra tilviljun er jú kálgarðurinn þar sem Steingrímur J. Sigfússon sleit gúmískónum einmitt þarna við Langanesbyggð.

Það vantar að vísu nokkuð upp á gleðina.

Nei það vantar ekki kálmaðk eða maðka í mysuna.

En fagmenntað starfsfólk fæst ekki með nokkru móti þarna út við ysta haf.  

Hjúkrunarfræðingar tolla ekki stundinni lengur og það ekki einu sinni þó að þær fái titilinn hjúkrunarforstjóri. 

Titill sem ekki er einu sinni til á Landspítalanum lengur. 

En þetta er jú heimasveit aðalritarans. 

En ómenntað starfsfólk reynir sem best það getur að tína til lyf og pillur í vistmennina. 

Að vísu þarf að senda einn og einn með bláum ljósum inn á Akureyri en það eru bara byrjunarörðugleikar.

Er hafa varað í þessi ár síðan að Steingrímur kom færandi heim þetta myndarlega hjúkrunarheimili. 

En vistmennirnir geta teygt vel úr sér.

Eitthvað annað en þau á göngunum á sjúkrahúsunum. 

Það er rétt hjá þingmönnunum og Steingrími að spyrja aldrei ráða þá sem vit hafa á málunum. 

Það þýðir bara meira röfl og að þá væri ennþá fjóshaugurinn gamli þar sem hjúkrunarheimilið hans bíður heima í sveit.       

  

  

 

Neitaði að yfirgefa spítalann

Og hérna á Íslandi þýðir þetta: Allt í himnasælu með evruna.

Samfylkingin hefur sett upp Þýðingarmiðstöð í Utanríkisráðuneytinu. 

Fyrir smápeninganna sem Össur gleymdi að gefa í þjórfé. 

Þegar svona vitleysa veltur upp úr ráðamönnum í Evrópu. 

Að tilraun út af Evrunni hafi farið út um þúfur eða að allt hafi brunnið við í ofninum hjá Merkel. 

Þá koma þau Jóhanna og Össur alltaf með útgáfuna úr Þýðingarmiðstöðinni fyrir okkur Íslendinga.

Að allt sé í fullkomnu lagi með evruna eftir smávægilega byrjunarerfiðleika í seðlaprentsmiðjunni.

Eða að evran sé á fljúgandi siglingu og hafi bjargað Grikklandi frá hungursneið. 

Og næst að örlitlir tæknigallar séu í skráningu evrunar í kauphöll út af biluðu tölvuforriti. 

Og við Íslendingar höfum varla við að trúa og trúa. 

En alltaf sama lýgin í þessum útlendingum og gott að hafa Þýðingarmiðstöð til að sjá við því.     

Tilraun til samkomulags 27 ríkja fjarar út

Þetta er uppgangurinn hjá Steingrími.

Viðskiptajöfnuðurinn að lagast sagði Steingrímur minn í þinginu. 

Og taldi sér og Jóhönnu að þakka. 

Þau hafa barið saman ríkisstjórn er einkum hefur einbeitt sér að ferðamálum. 

Bæði að ríkisstjórnin sjálf og forseti Alþingis skoði sig um í heiminum. 

En einnig hefur verið boðið upp á þá nýbreytni að menn fái pakkaferðir aðra leiðina, einkum til Noregs.

Og þetta hefur þannig lagfært allar hagtölur í landinu.

Minna skráð atvinnuleysi.

Færri til að eyða gjaldeyrinum og þannig hefur viðskiptajöfnuðurinn lagast við útlönd.

Og af því að þeir sem eftir eru eiga heldur ekkert til að kaupa fyrir.  Það tóku þau í skatta. 

Og eins af því að sumir ferðamennirnir hafa verið svo vænir að taka sínar stórvirku vinnuvélar með sér.

Sem er líka ágætt þar sem slíkar vélar henta ekki samyrkjubúunum sem verða hér í framtíðinni.

Þar verður allt saman mokað með skóflum í handvagna svo að fleiri fái þau störf sem Jóhanna hefur lofað. 

Svo er ágætt að lýðurinn sé aðframkominn af þreytu.  Svo hann sé ekki öskrandi á Austurvelli eftir vinnu.

Segiði svo íhaldsbullurnar ykkar að við kommarnir séum ekki útsjónasamir. 

Vinnuvélar streyma úr landi

En að Jóhanna og Steingrímur hætti?

Jón Ásgeir Jóhannesson, og fjölskylda, gefa út Fréttablaðið fyrir vinkonu sína og styrkþega Jóhönnu Sigurðardóttur.

Í dag hentar að ráðast á ættjarðarvin Íslands númer eitt, Jón Bjarnason.

Ekkert stílbrot þar á ferð.

Útrásarvíkingur númer eitt Jón Ásgeir.

Landráðamaður númer eitt Jóhanna Sigurðardóttir.

Allt eitthvað svo einfalt og fyrirsjáanlegt hjá einföldu fólki. 

Meirihluti vill að Jón hætti

"Nýr og óspjallaður af spillingu fjórflokksins."

Hrópa í gleði sinni fylgismenn nýja framboðsins.

Besta framboðið segist laust við spillingu fjórflokksins í fortíðinni. 

Og að lifandi sönnun þess sé auðvitað Guðmundur Steingrímsson alþingismaður Framsóknarflokksins og Samfylkingarinnar. 

Afi hans var alþingismaður fyrir þennan voðalega fjórflokk frá árinu 1934 til 1967.  

Faðir Guðmundar ólst upp í Ráðherrabústaðnum við Tjarnargötu frá árinu 1934 til 1942.

En þar bjó afinn er var forsætisráðherra fjórflokksins á þeim tíma, auk þess að vera, landbúnaðarráðherra árin 1950— 1953.

Og aftur varð svo afinn forsætisráðherra árin 1956-1958 allt fyrir fjórflokkinn voðalega. 

Faðir Guðmundar var varaþingmaður fjórflokksins árin 1968 til 1971 og alþingismaður fjórflokksins árin 1971 til 1994.

Faðir Guðmundar var svo Seðlabankastjóri fjórflokksins í nokkur ár eftir það.

Guðmundur er svo sjálfur alinn upp á ráðherraheimili fjórflokksins, að vísu ekki ráðherrabústaðnum við Tjarnargötu, heldur á Arnarnesinu.   

Faðir hans var ráðherra fjórflokksins í hálfan annan áratug og forsætisráðherra helminginn af þeim tíma.  

Og fjórflokksmenn af vestfjörðum, og seinna úr Reykjanesinu, aðstoðuðu  við stjórnmálauppeldi Guðmundar.     

Guðmundur varð svo varaþingmaður fjórflokksins árið 2007 og alþingismaður fjórflokksins árið 2009. 

Ekki veit ég annað en að þessir langfeðgar séu sómamenn.  

Þeir langfeðgar hafa því dvalið í reykfylltum bakherbergjum fjórflokksins, eða legið á skráargatinu, nær samfleytt frá árinu 1934. 

Nema þessi ár sem Guðmundur var í heimspekináminu og þar til hann mætti sjálfur til leiks í fjórflokknum. 

Og að hann tengist þá bara ekkert við meinta voðalegu spillingu fjórflokksins í fortíðinni. 

Stenst varla er það? 

Forréttindi byggð á erfðum og ætterni er svo fyrirbæri sem nær aftur á miðaldir og lengra. 

Svo ekki er sú hugmynd svo ný að Guðmundur eigi að erfa þingsæti og ráðherrastól eftir pabba og afa. 

Sú hugmynd að hér byggist upp einhverjar stjórnmálaættir eða sérstök stjórnmálayfirstétt. 

Getur varla verið til þess fallið að minnka spillingu.

Er það? 

Kannski fleiri en einn formaður

Hvaða rugl er þetta.

Í þrjú ár hefur Jóhanna, í hverri ræðu, úthlutað þúsundum nýrra starfa.  

Atvinnulausir gjöri svo vel að líta við í Stjórnarráðshúsinu Lækjargötu virka daga á milli 2 og 14.   

VR krefst aðgerða í atvinnumálum

Frænka fór á fæðingardeildina.

Hún missti bara vatnið.

Þegar hún sá þessa mynd af Guðmundi og Heiðu.

Minnti á hana á Kennedy og Jackie. 

Frænka ætlar sko að kjósa Guðmund.

Maður sem kunni á svona marga takka á hljómborði og harmónikku.

Hafi sko það sem þarf til að stjórna landinu.  

Frænka ætlar líka að skíra krakkan Guðmund eða Jóhönnu.  

Faðirinn er líka úr Samfylkingunni sem er móðurflokkur nýja framboðsins, einhver Starri Kópur eða var það starfshópur?  

Svo sagðist frænka ætla að jafna um mig þegar hún slyppi út af spítalanum. 

Þá var búið að óla hana á börurnar. 

Út af einhverju um að gott væri að fá nýjan flokk úr því að Samfylkingin væri á grafarbakkanum. 

Og að hafa í einum flokki allt vitlausasta fólk landsins í efnahagsmálum.    

Eins og að það væri mér að kenna.

Það var Guðmundur Ólafsson hagfræðingur sem sagði þetta um Samfylkinguna.     

En það var reyndar ég sem bætti við að það væri gott svo að kjósendur gætu varað sig á þeim flokki.

Nema auðvitað þeir sem vilja að landið fari á hausinn aftur, inn í ESB. 

Sumir kunna kannski orðið vel við sig í skítnum?

 

         

Nýtt nafnlaust stjórnmálaafl

En verða kannski kyrrsettar?

Ekki veit ég hvort yfirvöld eiga eitthvað óuppgert við Hannes Smárason.

En standi þar eitthvað út af borðinu hlýtur þessi fjárhæð að verða kyrrsett af yfirvöldum. 

Við Hannes erum gamlir vinnufélagar úr BYKO og ég get auðvitað staðfest eins og aðrir.

Að þetta er einn mesti snillingur sem þjóðin hefur átt, eins og þáverandi tengdafaðir hans útskýrði fyrir okkur. 

Hinn hamingjusami snillingur, Hannes sjálfur, staðfesti fúslega, af alkunnu lítillæti, að þetta væri rétt hjá elskulegum tengdaföður.   

Við dauðlegir starfsmenn, sem ekki vorum snillingar, skildum auðvitað aldrei þessa snilld, sem ekki var við að búast.

En svo flinkur var Hannes að hann átti bara eftir að ganga á vatni, eins og einhver náði að koma því réttilega í orð.     

Það var mikil gæfa fyrir þjóðina þegar Hannes Smárason kom heim frá Ameríku. 

Þar hafði hann lært hina svokölluðu fjármálaverkfræði sem varð oss eitt aðalhjálpræðið á nýrri öld. 

Þegar Hannes var orðinn leiður á að sendast fyrir þáverandi tengdaföður sinn í BYKO. 

Fór hann að vinna fyrir fyrir félaga sinn úr körfuboltanum í Boston.

Sá heitir Kári Stefánsson og var líka að koma nýjum hjálpræðum til landsins á þessum tíma. 

Var það almennt þekkt undir nafninu DeCode sem kannski á eftir að gera fleiri góða hluti. 

Þeir Hannes og Kári, eða félagið, fóru svo að selja hlutabréf í DeCode á svokölluðum gráum markaði.

Það er að selja hlutabréf manna á milli, áður en það fyrirtæki er komið á opinberan markað í kauphöll. 

Liprir piltar í bönkunum aðstoðuðu við þessi nýmóðins viðskipti t. d. Bjarni Ármannsson svo einhverjir séu nefndir. 

Þær flökkusögur komust á kreik í bænum að þetta yrði gróðatækifæri aldarinnar.

Og alltaf kom ein og ein tilkynning frá fyrirtækinu um að nú hefði þetta uppgötvast eða hitt. 

Og hverju sem það sætti, rann nú nokkuð gullæði á almenning. 

Nafngreindur fermdur drengur, í verðbréfadeild Búnaðarbankans, hikaði ekki við að fullyrða að gengið færi í 200.  

Bankaútibústjórar létu, hvaða heimilisföður sem leit við í bankanum, hafa heilar fimm miljónir kr. til að kaupa í DeCode. 

Svo var það dag nokkurn árið 1999, eða 2000, að þeir Kári og Hannes neyddust til að selja áður en gengið kæmist í 200. 

Hvort þeir voru svo óheppnir að eiga eitthvað eftir vona ég ekki, því skyndilega hrundi gengið á bréfunum.  

Hið gráa gengi var þá ekki komið í tæplega 200, heldur aðeins 64 dollara á hlut.

Guði sé lof, þá sluppu þeir Hannes, Kári og fleiri við stórkostlegt tjón, og fyrir horn í grænum dollurum.   

Höfðu vonandi ekki þurft að greiða nema fáeina dollara á hlut í upphafi. 

Nóg samt að missa af þessum mun á 64 og 200.

En hjá hinum nýríku heimilisfeðrum dró nú nokkuð úr gleðinni. 

Er fengu þeir bréf frá hinum ráðhollu bankaútibússtjórum þar sem þeir voru beðnir að líta við í bankanum. 

Já og hafa með sér þessar fimm miljónir og auðvitað vextina. 

Bankinn gat svo sem tekið íbúðina eða húsið upp í, en það var sko meira vesen. 

Og þar hafiði nú námsefnið í fjármálaverkfræði 103, samkvæmt þeim glósum sem ég rýndi í.   

Já og nú var Hannes sem sagt orðinn ríkur út af þessari tilviljun að selja bréfin áður en verðið hrundi.

Og þá fengum að njóta áframhaldandi leiðbeininga, í fjármálaverkfræði, og nýmóðins viðskiptum.

Einhverjir muna kannski eftir Flugleiðum sem varð að FL group, en það tilheyrir eiginlega fjármálaverkfræði 203. 

Ég þarf að finna til glósurnar úr þeim áfanga. 

Hagfræðingurinn sem gaf mér þessar snjáðu glósur var í Háskóla Íslands á umræddum tíma.

En þið skuluð vara ykkur á sannleiksgildinu á þessum DeCode þætti þeirra Hannesar og Kára. 

Þessi hagfræðingur var í stúdentapólítíkinni með Bjarna Ármannssyni, Sigurjóni Árnasyni og Hreiðari Sigurðssyni. 

Og því gætu þið haldið að þetta væri heiðvirður maður.   En það er ég ekki svo viss um. 

Ég hafði hann alltaf grunaðan um að kjósa Röskvu og jafnvel Samfylkinguna. 

Og þá er þetta auðvitað allt saman lygi, djöfuls lygi eða tölfræði hjá manngrýlunni. 

En BYKO þáttinn geta margir borið um, auk þess sem ég sver hann við arfinn eftir ömmu.

(Ég fékk neðri tanngóminn af því að efri gómurinn fór frænku minni svo vel). 

 

Hannes fær 350 milljónir króna

Jón Gnarr forsætisráðherra....

Aðrir ráðherrar verða Glámur og Skrámur, Geir og Grani, Gö og Gokke, Abbott og Costello, Knoll og Tott.

Hjápi oss allir heilagir.

Nýtt stjórnmálaafl kynnt