Hvað eru menn að spyrja um það sem er leyndarmál ?

Og hvað eru þessar strákaskammir, Bjarni og Sigmundur, að láta gamla og fótaveika konu.

Marg skakklappast upp í ræðustól til að svara einhverju sem aldrei stóð til að svara neinu. 

Þetta er svo mikið leyndarmál að frúin man varla til að Árni Páll sé í ríkisstjórninni. 

Og fljótlega ekki að hann hafi nokkurn tíma verið þar. 

Svona eins og leynimakkið um kaup og ráðningu Más Guðmundssonar í Seðlabankann. 

Þá var það vart að frú Jóhanna kannaðist við þennan Má.  

Og frétti nánast hjá fjölmiðlum að Már væri kominn í Seðlabankann.

Og Guð komi til, að hún hafi þá heyrt eitthvað af launakjörum hans.

Bara ALDREI.  Vissi sko ekki hvaðan á hana stóð veðrið yfir öllum þessum spurningum. 

Ja var það nema von?  

Seinna var svo upplýst á bakherbergisfundi í Samfylkingunni.

Að það var bakaradraugurinn á Bessastöðum sem samþykkti launin hans Más. 

Ekki nein vofa í stjórnarráðinu eins og menn héldu.  

 

Þingmenn og fjölmiðlar komnir fram úr sér

Eru bara að rýma fyrir golfvelli.

Þetta var leiðrétt á opnum stjórnsýslu leynifundi Samfylkingarinnar í gærkvöldi.

Kínverjar eru bara að róta fyrir nýjum golfvelli þarna í Brasilíu.

Misskilningur, bara alls ekkert að óttast sagði Jóhanna sjálf.

Og þetta var svo staðfest af sjálfum heimsmanninum frá Siglufirði, Kristjáni L. Möller.  

Svo ekki verður um það deilt.

Kínverjar eins og nýlenduherrar

Eins og hver önnur húsverk bara.

Það höfum við oft rætt femínistarnir í VG.  

Þess vegna erum við Steingrímur að hugsa um að fara bara í kynskiptiaðgerð. 

Svo við höldum ráðherrastólnum áfram.    

Skurðlæknirinn sagði að við yrðum kannski ekki eins og sætir, og Kata, og ekki smáfríðir kannski. 

En þriflegir kvenmenn sem einhver gæti glapist til að kjósa.  

Sjónvarpslausir bændur og kvenmannslausir sveitamenn ættu að duga.  

Sem betur fer þá muna kjósendur ekkert frá degi til dags.  

Það höfum við oft notfært okkur án þess að upp kæmist.   

Og þá er bara eftir að ákveða nöfnin.  

Steinfríður Jóhanna, Jóhanna Gríma, Steinhanna, Steina....

Hvað finnst ykkur kæru dúmufélagar?    

Hafa ekki gaman af kynlífi

Íslendingur af indverskum uppruna.

Það er svolítið annað en Kínverski kommúnistaflokkurinn.

Það er vel hægt að setja upp ferðaþjónustu á Þingvöllum.

Og ekkert nema gott um það að segja.  Frábært bara.

En aðeins fábjánar trúa að það séu miljarða tækifæri í að spila golf á Grímstöðum á Fjöllum. 

Og að þetta ljóðskáld sé ekki á vegum kínverskra yfirvalda.   

Indverskur fjárfestir hyggur á ferðaþjónustu í Skálabrekku

Bönkunum er skítsama um fólkið í landinu.

Bankarnir eru ekkert að hugsa um viðskiptavini sína yfirleitt.

Ekki hikað við að vaða yfir viðskiptavini sína, telji þeir það henta.

Aldrei hafa þeir til dæmis samið við lögmannsstofur um afslátt fyrir viðskiptavini sína.

Það er þessa nokkru sem hafa lent í vanskilum, t. d. undanfarin ár.  

Þá er ekki uppi sá fagurgali sem er í auglýsingum bankanna. 

Þannig gaf t. d. dómstólaráð út viðmiðunarreglur um málskostnað er dæma skyldi í innheimtumálum.

Lögmannsstofur bankanna eru alltaf að nota þar sömu formin á innheimtubréfum og stefnuskjölum.

Ritarar lögmannanna útbúa þessi skjöl í þúsundavís og senda lögmennina með þau í héraðsdóm. 

Aldrei hefur það hvarflað að nokkrum banka að semja um afslátt á þessari verksmiðjuinnheimtu fyrir viðskiptamenn sína.

Þeir borga allir fullan prís.

Og svo svindla sumar lögmannstofur þar að auki og bæta við kostnaði við að fara með stefnuna héraðsdóm.

Þó að dómstólaráð segi það innifalið í tildæmdum málskostnaði.

Ríkisstjórnin var með eina blekkingu, af mörgum, nú eitt árið eftir hrun.

Blés í lúðra og sagðist hafa sett hámark á innheimtukostnað svo að færri færu nú til Noregs.

En þetta var blekking eins og allt annað á þeim bænum.

Gilti um svokallaða fruminnheimtu og milliinnheimtu en ekki löginnheimtu. 

Ekki um lögmenn sem ekki kunna annað en innheimta hjá þeim er liggja í rennusteininum fyrir utan bankanna.  

Eða kunnu það því ritararnir sjá um þetta eins og ég sagði. 

Kappinn Sturla Jónsson sýndi mér svolítið af skjölum á dögunum. 

Þar sem innheimtu lögmenn bankanna höfðu ekki einu sinni nennt að skrifa nafnið sitt sjálfir undir innheimtuskjölin.  

Ritararnir gerðu það eins og annað.   

Sturla er einn af örfáum görpum búsáhaldabyltingarinnar sem ekki hefur gefist upp.

En fær líklega ekki fálkaorðu eins og hinir viðskiptavinir Sérstaks saksóknara; bankastjórarnir.  

Þeir sem skulda eru náttúrulega "...ekki þjóðin..." frekar en þau í Háskólabíó forðum.     

-------------------------------

Þó ég hafi ekki mikið álit á lögmönnum sem eingöngu hanga í innheimtu fyrir bankanna.  

Tek ég skýrt fram að ég hef átt prýðilegt samstarf við á annað hundrað lögmenn um daganna.

Sumir öndvegismenn, aðrir prýðismenn og enn aðrir síðri, rétt eins og í öllum stéttum.

Og svo alveg í sérflokki, kennarinn minn úr lagadeildinni, Lára V. Júlíusdóttir.

Sem kenndi mér sifjarétt á fyrsta ári í lagadeild HÍ og samningarétt á öðru ári.

Og tók, fyrir mig, að sér mál sem hún sagði "...alveg borðleggjandi..."

Greiddi þeirri frómu frú kr. 160.000. en aldrei heyrt í henni meir.

Það var leitt, eins og þetta var skemmtileg kona eins aðrir nemendur vita.   

Frétti svo af frú Láru í ferð með lögfræðingafélaginu á Indlandi.

Guði sé lof að hún var þá heil á húfi og peningarnir hjá bágstöddum. 

Næst heyrði ég svo af þessari stofuprýði lögmannastéttarinnar í vinnu hjá forsætisráðherra.  

Það fannst mér vel við hæfi.   

Svona sætar og blíðar konur með klassa sem alla langar í.  

En ekki einhverjar bráðómerkilegar snobbhænur eða pakk að leika yfirstétt og fínar frúar.

Það er mestur munurinn.        

Sturla boðaður til sérstaks saksóknara

Viðunandi fyrir fólkið í landinu eða skilyrði ESB ?

Það er nánast súrrealískt að heyra gamla kommann Steingrím J. Sigfússon segja það grundvallaratriði.

Að gæta að miklum hagsmunum banka og stórfyrirtækja.

Það var honum efst í huga þegar hann dró saman ganginn við fjárlagagerðina. 

Skyldi kvöldkaffið ekki hafa hellst niður hjá einhverjum í VG ?

Sem héldu að VG væri einhver útvörður fyrir velferðarkerfið í landinu.

Sem hugsaði um fólkið í landinu, við fjárlagagerðina, en ekki skilyrði þau sem ESB setur.

Auðvitað er það grundvallaratriði í þjóðfélaginu að atvinnulífið sé sem blómlegast.

En það á þó fyrst og fremst við fyrirtæki í verðmætasköpun og gjaldeyrisöflun.

Ekki stór fyrirtæki frekar en lítil og alls ekki sníkjudýr á þjóðarlíkamanum eins og bankar.

Það er þó vissulega einnig nauðsynlegt að bankar standi traustum fótum og hafi hæfilegan hagnað.

En að heyra, af öllum, Steingrím J. Sigfússon bera hag bankanna á hægra brjóstinu er stórkostlegt. 

Það var nefnilega maður sem líka hét Steingrímur J. Sigfússon er fyrir fáeinum misserum.

Taldi að bankar væru eiginlega uppfinning andskotans og að allir þar væru hans árar.  

Og enn einn hét á árum áður Steingrímur J. Sigfússon er var í Alþýðubandalaginu gamla og skrifaði í Þjóðviljann sáluga.

Og þar voru nú stórfyrirtæki ekki beint í hávegum höfð, frekar en heildsalar, mogginn og íhaldið.     

En þessi Steingrímur kýs líklega Sjálfstæðisflokkinn og LÍÚ.

Þau eru heppin þar.   

Viðunandi heildarniðurstaða

Stuðlar að réttaröryggi og er til bóta.

Þó að það hafi ef til vill gengið vel að skipta ört um forseta Hæstaréttar. 

Þá fylgir því hætta á lausung að skipta sífellt um forstöðumenn stofnanna.

Auk þess eru menn misgóðir stjórnendur. 

Forseti Bandaríkjanna tilnefnir forseta hæstaréttar þar í landi. 

Sem situr svo sem forseti þar til hann segir af sér.

Æskilegra er þó að rétturinn sjálfur velji forseta og varaforseta frekar en stjórnmálamenn. 

Mál sem einn dómari dæmir í héraði eru venjulega flutt í Hæstarétti fyrir þremur dómurum hið minnsta. 

Hætta er á misvísandi dómum í sambærilegum málum séu slík mál dæmd af mismunandi hópum dómara. 

Forsetar sem sitja lengur á forsetastól, gætu betur gætt að slíku.   

Sérstaklega á þetta við ef einstakir dómarar eru í sérstakri krossferð á einstökum sviðum lögfræðinnar.  

Hæstiréttur bregður af venju í forsetakjöri

Það þarf aðra skýrslu um núverandi eigendur bankanna.

Af hverju seldi ríkisstjórnin andlitslausum og óþekktum aðilum tvo af íslensku bönkunum á gjafakjörum? 

Eitt af öllu sem ríkisstjórnin hefur svikið er loforðið um opna stjórnsýslu og engin leyndarmál.

Sem varð lokuð stjórnsýsla þar sem allt er leyndarmál ef hægt er.

Af hverju fær þjóðin ekki að vita hverjir eiga bankanna sem fengið hafa veiðileyfi á fólkið í landinu?

Til dæmis hvort það séu sömu glæpamennirnir í einhverjum vogunarsjóðum. 

Sem sífellt gerðu aðsúg að íslensku krónunni, og þar með þjóðinni, til að hagnast með þeim aðferðum. 

Þeim aðferðum sem alls staðar ættu að vera bannaðar og stranglega refsiverðar hjá siðuðum þjóðum. 

Að hægt sé að kaupa sér tryggingu fyrir því að einhver fari á hausinn.

Og græða svo á því að koma honum á hausinn er bara aðferð sem hvergi á að líðast. 

Hvað þá að alþjóðlegir glæpamenn geti leikið sér þannig að hagkerfi heillar þjóðar. 

Og alþjóðasamfélagið sem við tilheyrum.   Evrópusambandið eða löndin í Norður Ameríku.  

Virðast bara engan áhuga hafa á því að uppræta þennan ósóma.

Ekki við að búast af Bandaríkjamönnum.

En að Evrópusambandið blessi aðferðir eins og það sóðalegasta í afleiðuviðskiptum, skortsölu o. s. frv. 

Sýnir best að það eru glæpamennirnir sjálfir sem stjórna þessum löndum Evrópusambandsins og því sjálfu. 

Jón Baldvin ætlar áreiðanlega að leggja höfuðáherslu á að það voru bankareglurnar frá ESB sem komu okkur í hrunið.   

Fáránlegar reglur sem leyfðu pínulitlu landi að vera með risastórt bankakerfi. 

Sem stjórnlaust þandist út þar eð engar reglur fylgdu til að halda aftur af því.  

Þannig að á endanum botnaði enginn neitt í neinu.

Hvorki bankamennirnir, fjármálaeftirlit, seðlabanki og hvað þá landstjórnendur. 

Og ein stofnun mátti ekki vita það sem hin vissi, þannig að á endanum vissi enginn neitt um heildarstöðuna.    

Nema þeir sem notuðu þessar ónýtu reglur ESB til að tæma bankanna að innan. 

Fóstursynir Samfylkingarinnar sem fjármagna enn, bæði hana og stefnumál hennar.     

Námskeið um Rannsóknarskýrsluna

Ættu að borga tvöfalt. Lúxus að vera laus við RÚV.

Mikið eiga blessaðir bændurnir gott að ná ekki ríkissjónvarpi ríkisstjórnarinnar.

Og geta því heldur varið tímanum til að lesa heimsbókmenntir eftir helstu hugsuði mannsandans.

Eitthvað annað en skipulagða forheimskun. 

Þar sem vitlausir fréttamenn taka gagnrýnislaust við lygaþvættingi frá ennþá vitlausari stjórnmálamönnum. 

Þó eru bændurnir svo óheppnir að ná útvarpinu. 

Eins og ég var t. d. áðan, of seinn að loka fyrir útvarpið í bílnum.

Þar sem þorpsfíflið á Siglufirði var að bjóða Kínverjanum Nubo að fleka sjálfa fjallkonuna ef hann vildi líta svo lágt.  

Svo mætti hr. Nubo haga sér eins og Haraldur Noregskonungur hárfagri.

Sem aldrei fór fram hjá bæ, án þess að líta við og fara upp á heimasætuna. 

Þetta er mikill höfðingi Kristján L. Möller og gestrisinn, þó hann sé auðvitað fífl. 

En þó ekki vitlausari en svo.

Að hafa út úr þjóðinni sjö miljarða göng til Siglufjarðar fyrir þessi 700 sem þar búa í alvöru. 

Eða eru það hinir sem eru fíflin að hafa látið það viðgangast???  

Er daglega sitja svo þúsundum, eða tugþúsundum saman, fastir á Miklubrautinni í Reykjavík???

 

Um 80 sveitabæir ekki með RÚV

Árni Páll vitkast. Von að Jóhanna vilji losna við hann.

Frú Jóhanna Sigurðardóttir er ekki lengur fagráðherra.

Er kunni ekkert í stjórnmálum annað en að heimta meiri útgjöld til sinna málaflokka.

Hvar taka átti peninganna varðaði hana aldrei um, enda annarra vandamál. 

Svo verður konan forsætisráðherra án þess að hafa neina kunnáttu en þessa að heimta eitthvað.

Og sjálf að auki algerlega stefnulaus á einhverjum alvarlegustu tímum í sögu þjóðarinnar.   

Og því varð Jón Baldvin Hannibalsson að átrúnaðargoði Jóhönnu.

Hún fann nefnilega gömlu stefnuskrána hans og gerði að sinni.  Án þess að botna þó nokkuð í henni heldur.  

En það var þó allt í lagi, bara að halda áfram í því eina sem hún kunni.   Að heimta og heimta. 

Að þessu sinni að þjóðin færi í einu og öllu eftir því sem Jón Baldvin sagði.

Ganga í ESB og eftir það færi frú Merkel létt með að hugsa fyrir þær báðar.  

Og svo setti frú Jóhanna bara undir sig hausinn og reyndi að tuddast yfir allt sem fyrir varð.

Nú eru það Jón Bjarnason og Árni Páll Árnason sem skulu jarðaðir í hinu pólitíska feni frúarinnar. 

Árni Páll tók nefnilega upp á þeim óskunda að hugsa sjálfur. Það er nefnilega bannað.  

Úr því að frú Jóhanna getur það ekki, þá mega aðrir það ekki heldur. 

Og alls ekki að fara að botna neitt í neinu.  

Það á frú Merkel að sjá um.    

Hurð skall nærri hælum