Velkomin í hópinn Lóa Anna Arthúrsdóttir.

Það er full ástæða til að bjóða Lóu Önnu velkomna í hóp íslensku þjóðarinnar.

Og einnig að óska fjölskyldu hennar hérlendis til hamingju með nýju frænkuna.

Alþingi ætti að veita þessari konu íslenskan ríkisborgararétt ef hún kærir sig um hann.

Lillý Valgerður Oddsdóttir ætti að fá fálkaorðuna fyrir að vinna að þjóðræknimálum. 

Það er vissulega ánængjulegt að vita að Ragna Esther var ekki fyrirkomið með voválegum hætti. 

Léttir fyrir afkomendur þeirra Rögnu og Gavins, ættingja þeirra og yfirleitt alla.  

Hvarf en dó ekki

Er Rússland fasistaríki?

Er Pútín einræðisherra? 

Var Pútín áður stjórnandi hjá KGB?

Lét KGB þá hverfa sem gagnrýndu þáverandi stjórnvöld? 

Hafa stjórnvöld í Rússlandi látið drepa blaðamenn sem gagnrýndu Pútín?

Eru þeir auðmenn í fangelsi sem áttu fjölmiðla sem gagnrýndu Pútín?

Fyrrverandi KGB manni var byrlað geislavirkt efni út í te í London og lést svo nokkru síðar. 

Sjálfur sagði KGB maðurinn að Pútín hefði látið drepa sig fyrir að gagnrýna stjórnarhætti í tíð Pútíns.

Skyldi þessi maður hafa þekkt til vinnubragða Pútíns þegar hann stjórnaði hjá KGB?

Eru Rússar frjálsir menn í frjálsu landi?

Eða er Pútín sjálfur eini frjálsi maðurinn í Rússlandi?

 

 

Amnesty: Réttarhöldin voru pólitísk

Lögreglumenn fái alltaf háar skaðabætur.

Lögreglumenn eiga að fá ríflegar skaðabætur frá þeim sem veitast að lífi þeirra og heilsu. 

Slíkir óaldarmenn eru dæmdir til að greiða sekt í ríkissjóð eða hljóta jafnvel skilorðsbundinn dóm.

Í nýlegum dómi Hæstaréttar má sjá að einhver henti glerglasi í höfuðið á lögreglukonu.

Viðkomandi fékk skilorðsbundinn dóm og var dæmdur til að greiða lögreglukonunni litlar 100.000. krónur.

Lögreglukonan verður mögulega með höfuðverk eða önnur óþægindi út af árásinni.

Oft koma slíkar afleiðingar síðar fram á ævinni og geta orðið varanlegar. 

Lögreglukonan hefur þessar 100.000. krónur til að kaupa sér bland í poka í apótekinu.

Fái hún höfuðverk framvegis gengur auðvitað ekki að hún skrópi á vaktinni.   

Sjálf gerði lögreglukonan sér ekki grein fyrir meiðslum sínum.

Hún sagði lækni að hún hefði verið barin með glerkönnu eða glerglasi.

Síðar taldi hún það rifjast upp fyrir sér að glasinu var í rauninni hent í höfuð hennar.

Fljúgandi glerglas getur einnig hæglega orðið fólki að bana ef verkast vildi.   

Eitt hundrað þúsund króna bætur fyrir slíkan hrottaskap er fráleit upphæð.  

Ríkisvaldið er að senda lögreglukonunni skilaboð um að þetta sé bara allt í lagi.   

Enn standi hún í fæturna og höfuðið þurfi hún aðeins til að festa á það lögregluhúfuna.

Smánarlegt eins og fleira sem ríkisvaldið stendur að um þessar mundir.  

Réðust á lögreglumenn

Þjóðin heiðrar Ólaf en niðurlægir Jóhönnu.

Ólafur Ragnar Grímsson stóð sig glæsilega í sjónvarpinu í kvöld.

Hann beindi umræðunni frá sjálfum sér og að hagsmunum þjóðarinnar í framtíðinni.

Tryggja þyrfti að þjóðinni gæfist betri tími til að kynna sér frambjóðendur framtíðarinnar.

Helst með að tryggja að Alþingi lyki tímalega störfum fyrir forsetakosningar.

Þóra Arnórsdóttir var eðlilega í miklu spennufalli eftir annasamt vor.

Í byrjun hennar kosningabaráttu sýndu skoðannakannanir að hún væri næsti forseti.

Á þeim bæ virtust menn hreinlega trúa því að Þóra næði kjöri.

Sem var frámunalega barnalegt þar sem lítið er vitað um Þóru.

Hvaða námi lauk hún?

Hvað hefur hún starfað um daganna?

Annað en að lesa upp fréttir og spurningar í sjónvarpi?

Eftir að hafa leitað með logandi ljósi í því landráðabæli sem kallar sig Samfylkingu.

Fann forystan þar engan hæfan til forsetastarfa sem ekki var von.  

Og lagðist því á Þóru Arnórsdóttur að bjóða sig fram svo fella mætti Ólaf Ragnar í hefndarskyni. 

Þóra fæddist inn í Alþýðuflokkinn sem núna heitir Samfylkingin.

Allt var þetta afleit hugmynd hjá þeim Össuri og Jóhönnu.

Eins og allt annað.

„Held að úrslitin séu ráðin“

Dýr í mögulegri útrýmingarhættu á öll að gera upptæk, strax og þau finnast.

Ísland er aðili að alþjóðasamningi um alþjóðaverslun með tegundir villtra dýra og plantna sem eru í útrýmingarhættu. 

Samkvæmt honum áttu tollverðir að gera marðardýrið upptækt þegar í stað. 

Sjá:  http://www.althingi.is/altext/125/s/0227.html

Þar fyrir utan getur kvikindið verið með hundæði, fuglaflensu og einhver ósköp af dýrasjúkdómum sem okkur vantar ekki.

Forkastanlegt ef kvikindið hefur sloppið inn í landið.

Hafi maðurinn hent dýrinu fyrir borð hefur það synt til lands. 

Sem gæti þá haft hörmulegar afleiðingar fyrir íslenskt dýralíf. 

Bæði út af smithættu og einnig ef þetta hefur verið hvolpafull læða. 

Rétt eins og þegar minkurinn slapp hér laus.  

Stærsta tegund marðardýra getur orðið 23 kíló að þyngd og getur drepið hreindýr. 

Mann þennan á að handtaka og rannsaka alla hans hagi í samráði við Interpol.

Reka hann svo úr landi með endurkomubanni. 

Marðardýri smyglað til landsins með Norrænu

Á að banna öspina í íbúagötum?

Eftir miðja síðustu öld tóku Íslendingar skógræktarkast sem betur fer vil ég segja. 

Skógræktarmenn reyndu að finna heppilega trjátegund sem gæti vaxið hérlendis.

Meðal annars skoðuðu þeir ösp en blæösp óx víða í Evrópu og kotúnsösp (cotton wood) í Ameríku.

Hákon Bjarnason fyrrverandi skógræktarstjóri fann aspartegund í Alaska sem lofaði góðu hér á landi. 

Öspinni tókum við fagnandi vegar dugnaðar hennar og harðgerðar.

Um páska árið 1963 gerði kuldakast sunnanlands, á einum sólarhring lækkaði hitinn yfir 20°C. 

Þá drápust margar aspir og fleiri trjátegundir sem voru snemma byrjaðar að bruma.  

Eftir það voru gerðar ýmsar kynbætur á þeim trjám sem eftir lifðu með frábærum árangri.

Sum asparklón, eða svokölluð yrki, þola mjög vel ýmis afbrigði af íslenskri veðráttu s. s. rok, skafrenning og salt. 

Á þessum hlekk má sjá upplýsingar um mismunandi yrki af alaskaösp: 

http://www.natthagi.is/Alaskaosp.htm 

Einnig reyndu garðeigendur að rækta reynitré, sitkagreni, birkirunna og víðirunna svo dæmi sé tekið. 

Þar hefur gengið á ýmsu vegna svepps og skordýra sem er önnur saga. 

En í upphafi kunnum við ekki mjög til verka í trjáræktinni heima á bæ.  

Litla sæta grenitréð sem sett var niður undir húsveggnum varð svo stórt að ganga varð í sveig fyrir húshornið.   

Sums staðar voru garðeigendur hver með sína röðina af trjám sem gerðu það sama og grenið góða.

Á hluta lóðarinnar varð nánast myrkur með mosa á flötinni en ekki grasinu sem sáð var til.  

Og bakgarðurinnn ekki annað en skuggalegt moldarflag sem sólin náði aldrei að skína á eftir laufgun trjánna. 

Í annan stað er gróðurinn orðinn svo mikill að garðeigendur njóta ekki verunnar í garðinum vegna sólarleysis.

Ýmist vegna eigin gróðurs eða nágrannans.

Um skemmdir af völdum trjáa: 

Algengustu skóprörin í eldri hluta Reykjavíkur eru steinrör sem eru sex tommur í þvermál eða um 15 cm. 

Eftir fjörutíu til sextíu ár eru þessi rör ónýt þar sem raki hefur skolað ýmum efnum burt úr steypunni í þeim. 

Þau hafa þolað hreyfingar í jarðveginum vegna mörg þúsund lítilla jarðskjálfta, auk frostáhrifa og jarðvegssigs. 

Einn daginn dettur svo hluti af einhverju steinrörinu inn í sjálft sig. 

Rætur trjáa vaxa að sjálfsögðu inn í slík rör og geta gert illt verra en þau eru ekki sökudólgurinn í sjálfu sér.

Stór tré þurfa mikinn jarðveg fyrir rætur sínar en oft vantar jarðveg þar sem stutt er niður á fast berg. 

Í slíkum tilfellum liggja rætur ofarlega og geta lyft gangstéttum eða troðið sér inn í frostsprungna sökkla. 

Allt á þetta við um öll stór tré en öspin hefur helst verið nefnd vegna vaxtarhraða hennar. 

Skólprörin og sökklarnir voru sem sagt þegar ónýt þegar ræturnar fóru að vaxa þar inn. 

Kostir og gallar trjáræktar í þéttbýli. 

Því verður ekki neitað að gríðarlegt skjól er af trjágróðri í borgum og bæjum. 

Auk þess sem þau fegra að sjálfsögu umhverfið.  Einnig minnka trén mengun og framleiða súrefni. 

Á vatnsverndarsvæðum gegnir trjágróður mikilvægu hlutverki við að binda vatn í jarðveginum.

Vantar nýjar reglur?

En glæsilegur árangur í skógrækt og trjárækt í borgum og bæjum er ekki eintóm hamingja.

Setja þarf ákvæði í byggingareglugerð um leyfilegt skuggavarp af trjám í húsgarða.

Ekki er lengur við það búandi að einhver geti myrkvað garð nágrannans í tillitslausri skógrækt. 

Víða þarf að stytta tré eða fækka þeim og nú er svo komið að spyrja má:

Hvort hlutverki asparinnar sé ekki lokið sem brautryðjanda inni í vel grónum og skjólsælum hverfum. 

Kannski ætti að leyfa ösp í 30 ár eftir að lóðum er úthlutað og þá sé skylt að fella þær. 

Og hvað er að segja um hámarkshæð á öðrum trjám?  

Einnig vantar stefnumörkun um trjárækt meðfram þjóðvegum.

Sjálfur er ég algerlega á móti skógrækt sem takmarkar útsýni frá veginum. 

Það er drepleiðinlegt að aka um landsvæði þar sem ekkert sést nema skógur og heiður himininn. 

Þar sem helsta tilbreytingin eru vegaskilti um að varast elgi eða aðrar skepnur.

Eða þá skilti þar sem stendur: Velkommen til Sverige, Velkommen til Norge o. s. frv. 

Og áfram meiri skógur. 

Hér er hlekkur á skemmtilega ritgerð um ösp sem götutré:  

http://skemman.is/stream/get/1946/9275/24531/1/Lokaskjal_bs_Hulda_Davids.pdf

Aspir valda miklum usla í Breiðholti

Össur ætti fara til Súdan.

Það væri tilbreyting í að eitthvað gagn væri af þvælingi Össurar um heiminn.

Hann ætti að hraða sér til Súdan og mótmæla kröftuglega þessari villimennsku.

Ef hann t. d. hótaði að setjast að í Súdan myndu þeir náða þessa stúlku strax.

Og ef það dugar ekki að hóta þá að Jóhanna komi sjálf og þess óski þeir ekki. 

Verður grýtt til dauða

Skrifstofumenn að fljúga.

Flugstjórinn var reyndar ekki í stjórnklefanum en það er annað mál.

Það hefur komið í ljós að flugmennirnir sem voru frammi í stjórnklefanum.

Höfðu ekki fengið þjálfun til að fljúga sjálfir (handfljúga) í farflugshæð. 

Á það getur reynt ef hraðamælar verða óvirkir en þá fer sjálfsstýringin af. 

Og það var það sem gerðist í þessu tilfelli að ísing lokaði tímabundið fyrir hraðamælisinntök. 

Yngri flugmaðurinn sem sat í flugstjórasætinu vildi endilega reyna að leysa málið sjálfur þó að hann gæti það ekki.

Hann virðist óafvitandi hafa haldið stýripinnanum aftur en auk þess notaði hann rangar aðferðir. 

Hann leit ekki í gátlistann heldur reyndi að stilla vélina af með áfallshorni, og vélarafli, sem áttu við lægri hæðir. 

Hann endaði svo tvisvar í ofrisi en hélt lengst af að hann væri á of miklum hraða. 

Yngri flugmaðurinn tók hvorki við leiðbeiningum eldri flugmannsins né leyfði honum að taka stjórnina.

Eldri flugmaðurinn var með mesta reynsluna á þessa vélargerð af flugmönnunum þremur. 

En hann hafði ekki tekið námskeið í að handfljúga í farflugshæð. 

Slíkt námskeið hafði Air France aðeins látið flugstjórann sitja en þau eru í flughermi. 

Eldri flugmaðurinn hugsaði of mikið um að kalla á flugstjórann í stað þess að einbeita sér að fluginu sjálfu. 

Tölvukerfið í Airbus er orðið allt of ógagnsætt fyrir flugmennina. 

Af því að yngri flugmaðurinn hélt stýripinnanum aftur, án þess að flugmennirnir vissu það. 

Þá fór trimmið á hæðarstýrinu einnig í botn, til hækkunar, án þess að flugmennirnir vissu það.

Flugmennirnir finna ekki í stýripinnanum rétt átak frá flugstýrunum utan á flugvélinni, tölvan er á milli. 

Á ofrisinni flugvél af gamla skólanum finna menn að þeir eru ofrisnir, þegar ekkert átak þarf á stýrin.

Yngri flugmaðurinn var að basla við að halda flugvélinni láréttri þar sem hún valt til hliðar inni í óveðursskýi. 

Hefði hann haft rétta tilfinningu frá stýrunum, hefði hann frekar áttað sig á ofrisinu. 

Flugmennirnir gerðu byrjunarmistök strax í upphafi þegar þeir misstu út hraðamælanna og fóru í ofris. 

Með röngum stillingum setti yngri flugmaðurinn vélina í ofris eftir að hafa ranglega hækkað flugið.  

Með því að fara ekki rétt út úr ofrisinu, fóru þeir fljótlega inn í annað ofris sem þeir komust aldrei út úr.  

Í viðbót skellti tölvukerfið á þá um 18 bilanaboðum sem flest máttu bíða eða birtast á öðrum skjám.

Flugmennirnir höfðu um 4 mínútur, til umráða, til að leysa málin þar til þeir skullu á hafinu í flötu ofrisi. 

Ég hef áður sagt að enginn þyrfti að efast um að mennirnir kynnu ekki fljúga en tek það til baka. 

Þeir kunnu það ekki.

Yngri flugmenn Airbus véla hafa aðallega verið að horfa á sjálfsstýringar fljúga vélunum.

Og eru ekki einu sinni sendir á þau námskeið sem þó eru í boði. 

Þökk sé Air France, Airbus og oftrú á tæknina, þá eru þeir einsskonar skrifstofumenn að stilla takka.   

Nú nýlega varð aftur flugatvik hjá Air France þar sem flugmaðurinn gerði svipuð mistök í byrjun. 

Hann sagði hreint út að hann hefði ekki gert sér grein fyrir því að hann var að toga í stýripinnann.

Það er eitthvað mikið að. 

  

Rannsókn á flugslysi að ljúka

Lekandi er bakteríusýking.

"...Gonorrhea ...is a common human sexually transmitted infection caused by the bacterium Neisseria gonorrhoeae..."

 http://en.wikipedia.org/wiki/Gonorrhea

Rétt eins og með ýmsa aðra bakteríusjúkdóma s. s. berkla. 

Er óttast að þessi baktería verði fjölónæm fyrir sýklalyfjum sem yrði skelfilegt.

Mannkynið færi tæpan mannsaldur aftur í læknavísindunum ef sýklar yrðu almennt ónæmir fyrir lyfjum. 

Sýklar eru bakteríur, vírusar og sveppir.

Svo er hægt að sýkjast af einfrumungum, sníklum og príónum. 

Óttast að lekandi verði ólæknandi

Með háþrýsting?

Sir Alex Ferguson lítur út eins og margir sem hafa háþrýsting.

Of hár blóðþrýstingur er eitthvað sem allt of margir vita ekki af. 

Heilablóðfall er helsta ógnunin til að byrja með. 

Rauð húð í andliti, höfuðverkur, svartir dílar fyrir augum eru meðal einkenna.

Sumir fá blóðnasir þegar blóðþrýstingurinn fer upp.

Sumir læknar segja það þó ekki endilega tengjast saman.  

Við höfum misst of mikið af miðaldra fólki vegna ógreinds háþrýstings. 

Sem ætti að vera óþarfi þar sem blóðþrýstingsmælar ættu að vera hluti af tækjum hvers heimilis.  

Ferguson fluttur á sjúkrahús