Sýnir vel ókosti þess að kjósa saksóknara.

Í Bandaríkjunum kýs almenningur saksóknara.

Það hefur gríðarlega ókosti.

Þó að þetta fyrirkomulag kalli á aukin afköst er það á kostnað gæðanna. 

Cyrus Vance jr. aðalsaksóknari New York var nýbúinn að tapa frægu nauðgunarmáli þegar mál DSK kom upp. 

18 klukkustundum eftir þessa atburðarás á hótelinu tók lögreglan upp þetta fræga símtal.

Þeim saksóknara og lögreglumanni sem vildu þá fara hægar í sakirnar, var ósköp einfaldlega vikið frá málinu. 

Og áfram djöflaðist aðalsaksóknarinn í að láta manninn vera í gæsluvarðhaldi.

Þrátt fyrir að þá þegar væri ljóst að farbann ætti að nægja. 

Það er ekki ljóst hvar mestu glæpamennirnir eru í BNA en þeir eru ekki endilega úti á götunni eða í tugthúsinu.

Nú eru líkur á að mansalsmafía hafi flutt þessa konu inn frá Gíneu. 

Hjálpað henni að ljúga nær öllu sem stendur á landvistarumsókninni.

Og falsa fyrir hana skattframtöl, ljúga sig inn í ódýrara húsnæði, nota bankareikning hennar til peningaþvættis og líklegast selja hana í vændi. 

Þetta er nú meiri sorapytturinn þarna.     

 

Lögreglan í New York gagnrýnd

Er Össur happafengur eða Ingjaldsfífl?

Ungan dreymdi þann góða dreng Össur Skarphéðinsson um tvennt.

Að geta sagt eitthvað af viti.  

Og að verða að einhverju gagni. 

Eftir að hafa reynt þetta á æskuheimili sínu fram á unglingsár.

Þótti loks föður hans fullreynt um árangur og sparkaði Össur á dyr.  

Þjóðviljinn, Alþýðubandalagið, og sósialisminn í Evrópu, fengu næst að njóta starfskrafta Össurar. 

Og dóu fljótlega út af án þess að þjást mikið.

Hinn vaski piltur Össur vatt sér þá í þjóðþrifamál og nýtingu á sinni sérfræði. 

Fiskeldisiðnaðurinn fékk þennan happafeng til liðs við sig, þar sem kraftur kom loks í sporðaköstin.  

Á áður óþekktum hraða lögðu þar allir upp kviðinn og ugganna. Óvíst um þjáningar.  

Galvaskur Össur gekk nú í Alþýðuflokkinn er senn varð þá bráðkvaddur.  

Líf sitt má Samfylkingin þakka að Össur hefur mest verið erlendis að undanförnu.

Samtímis hafa Össurar allra landa ráðið Evrópusambandinu heilt.  Enda er þar allt á heljarþröminni. 

Össur Skaphéðinsson var greindur að læra á bókina en fer annars með himinskautum. 

Fastur í draumórum unglingsáranna um hið fullkomna, fyrirheitna draumaland.

Sem fyrst hét Sovét, nú ESB og hvað næst? 

Sem stjórnmálamaður er Össur algerlega dómgreindarlaus nema í sínun Undralöndum.

Og fráleitt að við Íslendingar látum slíkt Ingjaldsfífl stjórna málum okkar.

Af fíflaskap með fjöregg þjóðarinnar höfum við fengið nóg í bili.

Þá væri nær að tjóðra hann á stjórnarráðsblettinum.

Þar þarf ekkert að segja af viti, hinn skemmtilegi Össur myndi gera lukku. 

Og loks eitthvað gagn.  

Undrast orð ráðherra

Það þarf að slá stjórnarráðsblettinn og kötturinn kominn að goti.

Um hábjargræðistímann dettur einhverjum ferðamönnum í hug að húsmóðirinn á stjórnarheimilinu, geti bara hlaupið heim á bæ.

Það á bæði eftir að slá og heyja Arnarhólinn og stjórnarráðsblettinn auk þess sem kötturinn er kominn að goti.

Ofan í kaupið tala svo sumir þessir förumenn ekki almennilega íslensku og jafnvel enga. 

Fólk sem Össur og Óli eru margbúnir að heimsækja, þarf nú varla að vera þvælast þetta. 

Össur á að vísu eftir að heimsækja karlinn í tunglinu, og snjómanninn, en þá er það líka allt komið. 

Okkur langar ekki að hitta neina útlendinga nema Olaf Palme.  Já og Elvis.

Það er bara ein lýgin enn, úr Mogganum að þeir séu dánir. 

Það sagði okkur maður, í Kleppsholtinu, að hann hefði sjálfur séð þá báða.  

Svo þarf að láta stytta ermarnar á nýju kápunni og fara með blússuna í hreinsun.

Kartöfluútsæðið er löngu byrjað að spíra og fótanuddtækið þarf í viðgerð. 

Svo langar Jónínu í heljar ferðalag með stórfjölskylduna eins og gamla daga.

Tökum stöðvarbíl upp að Geithálsi, og jafnvel Lögbergi, ef  íhaldið lætur ekki rigna.

Þá þarf maður að finna til útisokkana og föðurlandið. 

Það yrði þokkalegt ef forsætisráðherrann hefði ekki tíma til að ferðbúa sig.

Yrði svo innkulsa og svo yrði allsherjar héraðsbrestur í haust.   Hvað ætli Mogginn segði þá?

Það sér nú hver maður, að engin stund er aflögu til að víkja góðgerðum að einhverjum sem eru bara á flakki að tefja almennilegt fólk.  

Svangir flakkarar geta bara sést upp á Bessastöðum eins og landssiður er í hallærum.    

Þessir gömlu allaballar, hafa daginn fyrir sér, til að sjá um sína kommúnista  

Ef þeir verða þá ekki í Kína sjálfir eða Abbesíníu.  

Það sem maður situr ekki upp með, fyrir utan gigtina. Svei því bara. 

Annir hjá forsætisráðherra

Björn er okkar helsti sérfræðingur um utanríkis- og varnarmál.

Sem sérstakur áhugamaður um varnarmál, blaðamaður með utanríkismál sem sérgrein og síðar stjórnmálamaður.

Hefur Björn Bjarnason, um áratugi, verið okkar helsti sérfræðingur á sviði utanríkismála og varnarmála. 

Hvaða skoðun sem menn hafa á stjórnmálaskoðunum Björns, er mönnum réttara að viðurkenna þessa staðreynd. 

Það mættu bloggarar athuga vilji þeir vera verðir viðurmælis.  

Ísland varð að skiptimynt í valdabaráttu

Lýsir vandamálum Afríku í hnotskurn.

Landstjórnendur Afríkuríkja hafa yfirleitt aðeins áhuga á eigin málum og ættingja sinna.

Um okkar daga hafa helstu glæpamenn mannkyns verið á valdastólum í Afríku. 

Það ætti því engum að koma á óvart að stjórnarherrar Afríku haldi verndarhendi yfir þessum snarklikkaða Gaddafi. 

Þeim líkar ekki það fordæmi að alþjóðasamfélagið fari að hreinsa meira til. 

Þá kæmi auðvitað röðin að þeim sjálfum, mörgum hverjum.

Yfirstéttin í Afríku vill engu breyta.  

Eitthvað kunnuglegt er það ekki? 

Ætla ekki að handtaka Gaddafi

Sagan gekk aldrei alveg upp - líklegast pólitískt samsæri.

Neðangreint skrifaði ég hér þann 20. maí síðast liðinn: 

Þó er orðið ljóst að stúlkan er kannski svo siðprúð eftir allt saman.

Það lítur út fyrir að hún hafi sjálf skellt sér í vændið með kallinum til að geta svo kært hann.

Hitt er ljóst að hún tengis eiturlyfjum, peningaþvætti og 

skipulögðum glæpum. 

Lögreglan tók símtal hennar við dæmdan glæpamann þar sem ræddi hvað gera

skyldi við gróðann af ákærunni á DSK. 

---------------------------------------------------------------------------------------------------

Þetta var þá samsæri þrátt fyrir allt?

Gísli Svanur Þorkelsson sagði okkur þetta á bloggsíðu sinni í fyrradag:

"...Samsæriskenningin sem virðist hafa mest kjöt á beinunum kom fram á vefsíðu LePost. Þar segir að sá sem fyrstur varð til að tweeta um handtökuna hafi verið Jonathan Pinet, franskur andófsmaður sem starfar fyrir franska hægriflokkinn UMP. Hann tweetaði um handtökuna nokkru áður en hún átti sér stað.

Sá sem var fyrstur til að endur-tweeta um málið var Arnaud Dassier, franskur spunameistari sem áður hefur reynt að breiða út óhróður um DSK og lúxus-einkalíf hans.

Fyrsta vefsíðan sem skýrði frá handtökunni var franska hægri sinnaða bloggsíðan 24heuresactu. Grein birtist þar um handtökuna löngu áður en t.d. The New York Post birti fréttina fyrstur bandarískra fjölmiðla. Pinet sagðist hafa fengið fréttirnar frá kunningja sínum sem vinnur á hótelinu..."

Það eina sem getur skýrt þessa árás DSK er að þessir vinir pólitískra andstæðinga hafi vitað að karlinn væri að bíða eftir vændiskonu upp á svítu sína.

Þeir hafa einnig vitað karlinn myndi stökkva á hana eins og simpansi um fengitíma eins og venjulega á þær stúlkur.

Og þá senda þeir viljandi hina siðprúðu múslimsku stúlku inn til DSK í von um þennan misskilning og að allt yrði vitlaust.

Fyrrverandi saksóknari í kynferðisbrotamálum í New York sagði einu staðarblaðanna þar.

Að hún hefði aldrei í þau 25 ár sem hún var saksóknari, né síðan, vitað til þess að New York lögreglan hefði unnið svona hratt eins og hún gerði í þessu máli.

Vinirnir á hótelinu hafa komið því rækilega á framfæri við lögguna að DSK væri farinn á flugvöllinn.

Kannski minnst á Roman Polanski málið í leiðinni.

Strax á mánudeginum vísaði saksóknari í annað mál DSK frá Mexicó í fyrra.

Frönsku vinirnir hafa upplýst New York lögguna vel og rækilega um feril DSK.

En það verður ekki sagt annað en að DSK hafi hjálpað andstæðingum sínum sjálfur

Ákærum vísað frá?

Draumur forsvarsmanna Samfylkingarinnar að komast í spillinguna.

Ekkert hefur verið fjallað, hérlendis, um skýrslu ESB um gríðarlega spillingu hjá aðstoðarmönnum Evrópuþingsmanna.

Mútugreiðslur upp á margföld laun aðstoðarmannanna.

Það er þetta kerfi sem núverandi forystu Samfylkingarinnar dreymir um að komast í. 

Og endalausar veislurnar auðvitað.  

Nýjasta afrek Össurar er samningur um tollfrelsi við Hong Kong. 

Össur lét þess ógetið að það eru engir tollar í Hong Kong sem okkur skipta.

Það er í þessu Undralandi sem Össur lifir og hrærist, enda barði hann sér á brjóst yfir þessu afreki.   

En auðvitað er eðlilegt að Össur skreppi nokkrum sinnum til Hong Kong til að halda upp á þennan áfanga.

Það er ekki svo oft sem hann gerir meira gagn en þetta.

Gaman væri svo að sjá myndirnar hennar Ástu Ragnheiðar í haust.

Hún fer jafnan í heimsreisur á kostnað ríkisins hvenær sem tækifæri gefst.

Auðvitað til að hjálpa Össuri að finna fyrirmyndarríkið.        

Bara sanngjarnt að við kjósendur hjálpum til og skoðum myndirnar.  

En við viljum bara þessar sem Ásta nær í fókus.  

Vinnubrögð gagnrýnd harkalega

Af hverju gátu þeir keypt miða, af hverju komust þeir á leið um borð?

Þó að þakka megi lögreglu þessa árvekni.

Þá sést vel að landamæragæsla okkar er í skötulíki. 

Ef allt væri hér í besta lagi áttu þessir menn aldrei að geta keypt sér far utan.  

Og alls ekki komast á leið um borða í neinn farkost á leið utan. 

Ef við værum ekki í þessari Schengen vitleysu.

Þá myndu allar tölvur blikka, fyrst þegar kennitala þeirra væri slegin inn í tölvu flugfélaga og skipafélaga. 

Og svo í síðasta lagi við vegabréfaeftirlit ÁÐUR en þeir leggja af stað um borð.  

Þetta á ekki að vera tilviljunum háð.  

Til hvers er eiginlega þessi tölvulesanleiki á vegabréfum?

    

 

Stöðvaðir í Norrænu

Tunnumótmæli ef Hæstiréttur sýknar - augljós umboðssvik.

Tveir héraðsdómarar af þremur sýkna í málinu.

Þetta eru varfærnir og afar varfærnir menn sem ætla greinilega Hæstarétti að taka af skarið í málinu. 

Þriðji héraðsdómarinn sakfellir eðlilega nema af peningaþvætti. 

Svo augljós eru þessi brot, hverjum manni, að búast má við upphlaupi í þjóðfélaginu

sýkni Hæstiréttur menn af slíkum fjárglæpum.

Það gerir hann ekki. 

Allir sýknaðir í Exeter málinu

Hér þarf hvorki banka eða búðir fyrir miljónir manna.

Jón Helgi Guðmundsson er einn af fáum mönnum í atvinnulífinu sem kann fótum sínum forráð.

Maður sem þjóðin hefði átt að fá sem forsætisráðherra á erfiðum tímum. 

Þvert um hug sér hefur hann orðið að þenja út fyrirtækið, þegar kjánar fóru að þenja út Húsasmiðjuna eins og hér byggju miljónir manna. 

Guðmundur H. Jónsson, faðir Jóns Helga, stofnaði BYKO ásamt Hjalta Bjarnasyni.

Þetta voru bændasynir sem höfðu það að leiðarljósi er hafði komið þjóðinni í gegnum aldirnar.

Dugnað, vinnusemi, heiðarleika, nýtni, þolinmæði og forsjá ræktandans sem veit að góðir hlutir gerast oftast hægt, eftir vandlegan undirbúning. 

Ég skildi aldrei af hverju Jón Helgi, einn okkar varkárasti og besti rekstrarmaður, lét glepjast að bankarekstri. 

Bankarnir voru, eins og kunnugt er, reknir og stækkaðir hratt af ungum og fordjörfum reyfurum.

Við gamlir BYKO menn vitum vel að þá koma verstu viðskiptavinirnir hlaupandi.  

Þessir sem aðrir, á markaðnum, vilja ekki út af myrkri viðskiptafortíð. 

Vítt um lönd var slíkum bröskurum tekið fagnandi af unga fólkinu í íslensku bönkunum.

Ungu mennirnir fóru jafnvel sjálfir í slagtog með þessum vafasömu fjárglæframönnum.

Og fóru létt með að lána þeim höfuðstól bankanna út á tún.   

Viðskiptafræðingurinn Jón Helgi Guðmundsson hefur verið í viðskiptum á Íslandi og í Evrópu í 40 ár.

Ef ekki einu sinni hann sá í gegnum rekstur íslensku bankanna, var öðrum vorkunn. 

 

Loka í Kauptúni og segja upp