Ég á fiskabúr.

Mínir bankar hafa ekkert afskrifað ennþá af mínum persónulegum skuldum. 

Frekar en hjá þeim sem eru svo vitlausir að borga alltaf, á endanum.  

En nú sér maður nýjan flöt á málinu.

Ef þeir sem eru í sjávarútvegi og fiski fá afskriftir.

Þá þarf ég að tala betur við bankann.  

Ég á nefnilega fiskabúr sem er ekkert nema endalaus taprekstur.

Fyrir utan stofnfjárfestinguna, þar sem ég var kjölfestufjárfestir, þá hefur þetta kallað á viðhald og útgjöld út í eitt. 

Sumir fiskarnir hafa hoppað út á gólf, og leyft sér að drepast þar, án þess að tryggingafélagið tæki þátt í tjóninu.  

Og alltaf skuldu þeir gera þessar gólfæfingar þegar eigendur kvótans eru af bæ.  

Og þannig orðið of seint að setja þá á pizzu, í pottrétt eða súshi.

En það verður áreiðanlega tekið vel á móti mér í bankanum á mánudaginn. 

Þegar ég útskýri að ég þurfi afskriftir eins og aðrir. 

Er alla ævi hafa tapað á fiski.   

Afskrifuðu 10,7 milljarða

En Össur er búinn með ferðapeninganna.

Undanfarin ár hefur Landhelgisgæslan ekki átt fyrir olíu.

Nema þegar skipin eru leigð niður í heim.

Og þá er reynt að kaupa olíuna í Færeyjum.

Þór verður því bara bundinn við bryggjuna, þegar heimferðarolíu þrýtur.    

Össur er nefnilega búinn að eyða öllum ferðapeningum ríkisins í ár.

Þegar við höfum dregið frá rekstur sendiráða.

Þá fær Össur, á næsta ári, fimm til sex miljarða til að delera fyrir í útlöndum.

Og til þess verðum við öll að leggjast á eitt.

Loka sjúkrastofnunum og elliheimilum.  Það lið sér ekkert til að kjósa. 

Leggja lögregluna niður, það er bölvuð íhaldsbúlla sem tekur fasta ferðamenn frá ESB en ekki Ameríku.  

Loka líknardeildum, þar hefur enginn krafta til að krota á kjörseðil.   

Og svo leggjum við niður Landhelgisgæsluna.   Spánverjarnir eru hvort sem er koma til að klára hér fiskinn. 

Allt af því að Össuri finnst svo gaman í Brussel.

Og Jóhönnu að vera laus við hann. 

Þór kominn í höfn

Þær frænkur Jóhanna og Gróa á Leiti.

Eru nú ekki vanar að fara með annað en fleipur.

Sem traustir aðilar treystu henni fyrir í trúnaði.

T. d. Össur, Steingrímur eða aðrir ljúgfróðir menn.

Eins og hún Jóhanna okkar þekki muninn á staðleysu eða staðlausum stöfum.

Hvað halda menn eiginlega?

Að við í Samfylkingunni séum í ruglinu?

Oft hafa því verri hlutir verið sagðir um betri menn.

Það skuluð þið í íhaldinu sko athuga.

Og að við Jóhanna förum ekki fet...inu framar.

Forsætisráðherra fer með rangt mál

Ætti ekki að óttast þá sem tjá sig en kannski hina.

Við Íslendingar lögðum niður manndráp á sturlungaöld á mannleysum, óaldarlýð og andstæðingum.     

Menn eru ekki lengur dæmdir til útlegðar eða skóggangs, réttdræpir öllum sem nenntu.

Björn Valdur er innstri koppur í búri Steingríms J. Sigfússonar.

Sá er mesti landráðamaður þjóðarinnar fyrr og síðar.

Icesave samningar Steingríms voru mesta endemi sem sést hefur til íslenskra ráðamanna.

Eða þangað til Steingrímur samdi við erlenda fjárglæpamenn í vogunarsjóðum um skuldasöfn bankanna. 

Og lét þá hafa skuldabagga íslenskra heimila fyrir 30 silfurpeninga eða minna. 

Skuldabagga sem þegar hafa fært hinum glæpsamlegu vogunarsjóðum óheyrilegan hagnað.

Og eiga lengi enn eftir að kreista líftóruna úr landsins lýð. 

En gamlir kommúnistar hafa alltaf gefið dauðann og djöfulinn í hag almennings.

Og skiptir þá engu hvort þeir heita Gaddafi, Stalín eða Steingrímur.  Beria eða Björn.   

Jú það er því rétt hjá Birni Val og Steingrími að vera ekkert að þvælast um, þegar degi tekur að halla. 

 

 

Segist hafa fengið líflátshótun

En öll nýju störfin hennar Jóhönnu?

Rétt eftir stjórnarmyndun kynntu þau Steingrímur og Jóhanna 5.300. ný störf í landinu.

Í fyrra sagði Jóhanna að á þessu ári yrðu hér til 3.000 til 5.000. ný störf til viðbótar.  

Veit einhver um einhvern í þessum nýju störfum?

Eða var konan bara að ljúga þessu?

Nú nýlega lofaði frúin svo 7.000 störfum í viðbót. 

Væri ekki rétt að frúin skryppi til læknis? 

Eða er þetta eðlilegt að forsætisráðherra í einhverju landi. 

Geti aldrei sagt satt orð? 

Trúi hún þessu sjálf, er málið bara enn verra. 

Skyldi hún heilsa sér í spegli?  

Fimm flytja úr landi á dag

Og miljónin þá til lögreglunnar?

Frank Michelsen lofaði einni miljón króna þeim er gætu upplýst hvar stolnu úrin hans væru.

Það var fallega gert og ágæt hvatning til að upplýsa málið.

Tryggingafélag Michelsen úrsmiða, og þeir sjálfir, eru að spara allt að 50 til 70 miljónir úr því að lögreglan fann úrin.

Nú finnst manni þá sanngjarnt að Frank Michelsen gefi lögreglunni þessa peninga.

Eða gefi henni einhvern tæknibúnað frá Sviss fyrir sambærilega upphæð. 

Úrin úr ráninu fundin

Vandræðin rétt að byrja?

Líbýumenn hafa enn ekki bitið úr nálinni.

Saif al-islam Gaddafi, "ríkisarfi" er nú að reyna að sleppa frá Líbýu þar sem landamærin mæta landamærum Alsír og Niger. 

Hann hringdi úr gervihnattasíma og var miðaður út.

Yfirmaður leyniþjónustu Gaddafi er á svæðinu að reyna að múta landamæravörðum og yfirvöldum. 

Svo að þeir komist yfir hann og Saif. Líkast nú þegar í Alsír núna.

Gaddafi fjölskyldan hefur í áratugi mútað helstu vandræðamönnunum á valdastólum í Afríku.

Og náð að stela fjármunum sem eru um það bil 10 sinnum hærri upphæð en allt lífeyrissjóðskerfi Íslendinga hefur að geyma.  

Sleppi Saif úr landi þurfa Líbýumenn ekki að búast við að hann setjist á friðarstól. 

Gaddafi fjölskyldan hefur verið í náinni samvinnu við helstu morðvarga og hryðjuverkamenn veraldar. 

Þar fyrir utan eru margir Líbýumenn mjög uggandi yfir Sharia laga hugmyndum Þjóðarráðsins. 

Það má ekki gleyma að þessir helstu tveir í NTC eru fyrrum ráðherrar Gaddafi.

Í tíð Gaddafi voru Líbýumenn nefnilega lausir við múlla og ajatolla. 

Og hafa engan áhuga á að þeir taki við að kúga þá þegar þeir eru loks lausir við Gaddafi. 

Íranir hafa greinilega sterkari ítök í NCT, Þjóðarráðinu en vesturlönd gerðu sér kannski grein fyrir.

En vesenið með líkið af Gaddafi hefur sýnt að herforingjar heima í héruðum ætla ekki að gegna öllu sem kemur frá NTC.

Eins og einn þeirra sagði, og hló við, datt ykkur í hug að við vildum ná Gaddafi lifandi???

Eftir að 16 til 17 þúsund manns hafa dáið píslarvættisdauða til að losna við hann???

Þeir í Misrata ætluðu svo aldrei að senda karlinn frá sér lifandi. 

Þeir viðurkenndu líka að hafa skotið þessa 53 úr bílalestinni sem voru nánastir samstarfsmenn Gaddafi. 

Eða hvar það var sem þeir fundust.  Það voru víst 175 bílar í bílalestinni og farþegarnir fóru í allar áttir.

Enginn dómstóll, yfirheyrslur, saksókn eða vörn.   Bara kúla í hausinn og málinu lokið. 

Og þessir kallar í Misrata og aðrir í Vesturfjallaliðunum ætla sko ekkert að láta NCT gera eitt né neitt nema þeir séu til þess kallaðir. 

Vissu þeir um staðsetningu Saif innan Alsír eða Niger væru þeir vísir til að vaða þangað inn. 

Stillið stólanna og spennið beltin.   Líbýu rússibaninn er rétt að fara af stað.

Lík Gaddafis flutt úr kælinum

Setja upp vopnaleitarhlið á sjúkrahúsum og byssur með deyfilyfjum.

Það er miklu meira en ólíðandi að á biðstofu bráðamóttöku sitji útúrdópað og snarvitlaust fólk.

Sem þar að auki er yfirleitt vopnað hnífum, af öllum gerðum, bareflum og fleiri vopnum.

Engum á að hleypa inn á bráðadeildir, eða geðdeildir, nema gegnum vopnaleitarhlið.

Starfsfólk bráðadeilda vinnur ekki við að slást við fólk. 

Starfsfólk geðdeilda kann að eiga við fólk sem vill slást. 

En því er ekki bjóðandi að slíkt fólk sé vopnað.

Þar að auki verður að vera nægur starfsmannafjöldi til að sinna slíku.

Nema lögregan sé svo vel mönnuð að geta séð um næga öryggisgæslu á bráðavöktum og geðdeildum. 

Svo fer að koma upp sú spurning hvort starfsfólk spítalanna fari ekki að vera með deyfilyfjabyssur.

Eins og þær sem dýralæknar nota til að ráða niðurlögum villidýra vegna lækninga á þeim. 

Algerlega viðeigandi aðferð við þá sem verst láta á slysavarðsstofunni. 

Suma á aðeins að taka þar inn er búið er að svæfa þá.   

 

Starfsfólk beitt ofbeldi

Og bjóðast svo til að stjórna landinu.

Þetta er bara í stíl við annað í stjórnartíð Samfylkingarinnar.

Minnir óneitanlega á klúðrið með kosningarnar til stjórnlagaþings.  

Skammarlaust getur forysta Samfylkingarinnar ekki einu sinni kosið sjálfa sig.  

En er einhver hissa?

Kosning til flokksstjórnar ógilt

Eða sekkur frekar við bryggjuna.

Hriplek fleyta Samfylkingarinnar getur alveg sokkið við bryggjuna. 

Alveg óþarfi að sigla henni út á sjó.  Hvað þá í flestan sjó.  

Enda eru hásetarnir á hörðum hlaupum frá borði.

Búnir að stofna Besta flokkinn sem er dulnefnið á nýju fleytunni.    

Samfylkingin fær í flestan sjó