Setja upp vopnaleitarhlið á sjúkrahúsum og byssur með deyfilyfjum.

Það er miklu meira en ólíðandi að á biðstofu bráðamóttöku sitji útúrdópað og snarvitlaust fólk.

Sem þar að auki er yfirleitt vopnað hnífum, af öllum gerðum, bareflum og fleiri vopnum.

Engum á að hleypa inn á bráðadeildir, eða geðdeildir, nema gegnum vopnaleitarhlið.

Starfsfólk bráðadeilda vinnur ekki við að slást við fólk. 

Starfsfólk geðdeilda kann að eiga við fólk sem vill slást. 

En því er ekki bjóðandi að slíkt fólk sé vopnað.

Þar að auki verður að vera nægur starfsmannafjöldi til að sinna slíku.

Nema lögregan sé svo vel mönnuð að geta séð um næga öryggisgæslu á bráðavöktum og geðdeildum. 

Svo fer að koma upp sú spurning hvort starfsfólk spítalanna fari ekki að vera með deyfilyfjabyssur.

Eins og þær sem dýralæknar nota til að ráða niðurlögum villidýra vegna lækninga á þeim. 

Algerlega viðeigandi aðferð við þá sem verst láta á slysavarðsstofunni. 

Suma á aðeins að taka þar inn er búið er að svæfa þá.   

 

Starfsfólk beitt ofbeldi

Athugasemdir

[Anna Dóra Gunnarsdóttir, 24.10.2011 kl. 01:13]

Nöturlegt sem það er, held ég, svei mér þá, að ég sé sammála þér, Viggó. Þjóðfélag okkar er orðið með þeim ósköpum, að reikna þarf með að annar hver maður geti verið vopnaður. Ekki kræsilegt, það.

[Viggó Jörgensson, 24.10.2011 kl. 01:25]

Ég vann um tíma, fyrir margt löngu, á geðdeildunum við að taka á móti þeim sem komu í lögreglubíl.

Það gekk alltaf vel. 

En sama var ekki að segja um þá sem voru að koma í afeitrunarmeðferð eða á slysavarðstofuna.

Þá marga hefði átt að skjóta á færi með deyfilyfjum. 

Dýrvitlaust fólk er sagðist vera með hepatitis C og HIV, hótandi að bíta, stinga og skera.  

[Viggó Jörgensson, 24.10.2011 kl. 01:28]

Stundum ræddum við um net og veiða fólk í þau.

En staðreyndir er sú að við vopnað fólk á að fást með vopnum.