Gleðileg jól.

Við höfum það bara alveg ágætt í austurborginni í Reykjavík.

Gleðileg jól. 

Snarvitlaust veður í Reykjavík

En af hverju ekki þá sem gista heima, Steingrímur?

Þetta er auðvitað ekkert nema linkindin hjá Steingrími mínum.

Að sleppa þeim við skatt sem sofa í svefnpokaplássi á farfuglaheimilum eða í leitarmannaskýlum.  

Þar sem sú gisting er ódýrari en á Sögu, ættu svefnpokamenn að greiða heldur 200 kr. skatt. 

Að ekki sé nú minnst á þessa sem sofa bara heima hjá sér.

Þeir ættu auðvitað að greiða 300 kr. á nóttu. 

En þeir sem eru að heiman, út af vinnunni,  eins og Steingrímur minn sjálfur. 

Hann á lögheimili á Gunnarsstöðum í Þistilfirði.

Þeir eiga auðvitað ekkert að greiða.  

Vona að Steingrímur minn fái örugglega allar landsbyggðauppbætur þingmanna utan af landi.  

Þar sem hann hefur þurft að dvelja hér allar götur eftir stúdentspróf, einhvern tímann á síðustu öld.   

Vona að systkin hans séu ekki að gramsa of mikið í herberginu hans á Gunnarsstöðum. 

Þar hlýtur allt að vera óhreyft á meðan hann skreppur svona af bæ.

Gagnrýnir ferðaþjónustuna harðlega

Hvar var gæðaeftirlitið í ESB landinu Frakklandi ???

Það er með algjörum ólíkindum að slíkt skuli hafa gerst í Evrópu og það í Frakklandi sem er í ESB. 

Að slíkar vörur, framleiddar í lækningaskyni, gætu árum saman sloppið í gegnum gæðaeftirlit.

Falsaðir púðar voru framleiddir frá árinu 2001 og m. a. seldir til Þýskalands, Spánar, Ítalíu, og Bretlands. 

Þá er bara hægt að loka og henda, öllum gæðastöðlunum, reglugerðunum, vottunarstofunum og eftirlitsstofnunum. 

Var þetta kannski af því að 80% af framleiðslunni fór til Suður Ameríku?  

Frönskum yfirvöldum varð svo mikið um að þau ætla að borga skipti á fölsuðum púðum í Frakklandi.

Að fullu fyrir þær konur sem fengu púðanna af læknisfræðilegum ástæðum á vegum hins opinbera. 

Kostnaðurinn verður um 60 miljón evrur enda þykir Frökkum vænt um konurnar sínar. 

Samt ekki svo að þær sem fengu sér sjálfar púða í fegrunarskyni verða að borga umskiptin sjálfar. 

Bresk yfirvöld eru ekki á þeim buxunum að borga neitt en segjast virða afstöðu Frakka.

Bretar gefa lítið fyrir að silikonið var framleitt fyrir raftæki, landbúnað og gólfmottur en ekki konur.

Og að Frakkar segja aukna hættu á að púðarnir rifni og valdi ertingu, bólgu og verkjum.

Þeir svartsýnustu telja væntanlega að efnaertingin endi með að valda krabbameini sem er mögulegt.  

Átta konur í Frakklandi fengu krabbamein í brjóst og voru með þessa iðnaðargerð af silikoni í brjóstapúðum.

Gæti verið slembin stærðfræði en aðrir en Frakkar virðast ætla að taka þá áhættu.  

Skurðlæknasamtök í Suður Ameríku eru lítt uppnæm fyrir því að skipta þurfi um þessa púða. 

Væntanlega ekki von á greiðslu.  

Iðnaðarsilikonið í púðanna kostaði aðeins um 10% af því sem viðurkennt silikon í fólk kostar. 

Franski slátrarinn fyrrverandi, stofnandi PIP, og félagar græddu alls um einn miljarð evra á þessu svindli.

Hann og samstarfsmenn hans eiga von á allt að fimm ára fangelsi í Frakklandi.

Þýsk vottunarstofa TUV í Rheinland þykist móðguð yfir því að franska fyrirtækið hafi blekkt sig. 

Þeir hafi aðeins átt að fylgjast með framleiðsluferlinu en ekki sannreyna gæði hráefnisins. 

Hvaða gagn er af slíkri vottun?  

Hvaða gagn er af vottun yfirleitt ef ekki einu sinni er hægt að treysta þýskri vottun?

Getur einhver útskýrt þetta frekar? 

Létu franskir embættismenn múta sér? 

Interpol leitar að sílikon-manninum

Fangelsi og glæparíki í boði Kínverska ríkisins.

Það er alþjóðasamfélaginu til háborinnar skammar að nokkrir glæpamenn geti haldið heilli þjóð í gíslingu. 

Fyrst og fremst er þetta á ábyrgð kommúnistaríkisins í Kína.  

Forystumenn glæpaflokksins í Norður Kóreu hafa sér svo eins og einvaldskonungar miðalda. 

Til að kóróna ósvífnina hafa Kínverjar svo látið þessa glæpamenn komast yfir kjarnorkuvopn. 

Einmitt það sem Gaddafi dreymdi um.  

Svo vilja íslenskir landráðamenn fá umboðsmanna kínverska ríkisins inn á gafl á Íslandi. 

Dulbúinn sem ljóðelskan auðmann. 

Best að trúa bara litlu í einu var gamalt íslenskt ráð frá þeim tímum sem skynsemin réði för. 

Snjómokstur í N-Kóreu

Á aðeins við um ákveðin svæði.

Gamla Reykjavík er byggð á litlum tanga.

Viðvarandi skortur er því á ákveðnum gerðum af eignum á eftirsóttustu svæðunum.

Í fasteignasölufræðum er þetta vel þekkt og á við um miðborgir um allan heim, óháð efnahagsástandi. 

Þetta vita allir þeir er þurftu að stunda nám og þreyta próf til að öðlast fasteignasöluréttindi. 

En eðlilega ekki þeir sem fengu réttindin send heim í pósti. 

Nú í vikunni var sagt frá kaupum rússneskrar stúlku á einhverri dýrustu íbúð veraldar í New York. 

Við suðurenda Miðgarðs með útsýni norðurs yfir garðinn (Central Park).

Það er rangt að telja eftirspurn, eftir slíkum eignum, vísbendingu um fasteignamarkaðinn í heild.

Í áratugi hafa fleiri viljað búa í ákveðnum hverfum Reykjavíkur en rúmast þar.  

Og sé um rétta svæðið að ræða verður smá saman eftirsóknarverðara að búa þar, hvað sem húsnæðinu líður. 

Fyrir aldarfjórðungi þótti, fjársterkari kaupendum, ekki eftirsóknarvert að búa á svæðinu umhverfis Lindargötu. 

Í rauninni alveg frá Skúlagötu til norðurs upp að Sundhöll, frá Snorrabraut og niður á Lækjartorg. 

Sama mátti segja um svæðið við höfnina, Túnin og Norðurmýrina nema Háteigsveg.  

Flest svæði í Hlíðunum, Þingholtunum og kringum Tjörnina og Landakot, voru og eru eftirsóknarverð.  

Sama má segja um Seltjarnarnes og vesturbæinn sunnan Hringbrautar.  

Í austurhlutanum var það Laugarásinn til suðurs, Safamýrin, Fossvogurinn og Endarnir.

Þegar hverfi verða eftirsóttari eru það oft námsmenn og listamenn sem hefja innreiðina. 

Þessi þróun er t. d. núna í gangi í East End í Lundúnum. 

Önnur dæmi sem Íslendingar þekkja vel er af Harlem í New York og svæðinu umhverfis íslenska sendiráðið í Kaupmannahöfn. 

Skortur á lúxuseinbýlishúsum

Þjóðarskömm nútímans.

Við Íslendingar megum skammast okkur vel og rækilega fyrir matarraðir síðastliðin ár.

Í hallærum fyrrum þurfti almenningur að sæta sams konar niðurlægingu þar sem fólk þáði mat utan við höfuðból og biskupssetur. 

Miklir höfðingjar fyrr og síðar hafa ekki talið slíkt til sinna vandamála.

Svo sem Steingrímur frá Gunnarsstöðum og Bárður á Búrfelli.

Kortin draga úr niðurlægingunni

Enn er bullað.

Spunameistarar Samfylkingarinnar eiga greiðan aðgang að mbl.is

Nú birtist enn ein greinin um alla miljarðanna sem Kínverski kommúnistaflokkurinn vill kaupa fyrir hérlendis.

Að vísu fyrir einn fimmta hluta af réttu verði, þar sem eignirnar eiga að fimmfaldast á stuttum tíma.

Svo mikla ávöxtun heimtaði Noregskonungur aldrei. 

Heldur ekki danskir kaupmenn.

Greinilega verra að vera kínverskur nýlenduþræll.   

 

Huang horfir enn til Íslands

Össur þarf að kreista goluna úr fleirum en Jóni Bjarnasyni.

Það er ekki bara Jón Bjarnason sem ætlar ekki inn í ESB á meðan hann dregur andann.

Ég til dæmis ætla ekki að samþykkja inngöngu, frekar en Jón, á meðan ég dreg andann.

Össur þarf því að kreista upp öndina úr miklu fleirum en Jóni.  

Væri miklu einfaldara að Össur, og hans fáu fylgismenn, flyttu bara sjálfir til ESB landa.

Og hættu að spinna þennan lyga-, svika- og landráðavef.

Þar sem meginþráðurinn er að allt sé í himnalagi með ESB og evruna.   

Í Kastljósi kvöldsins var Össur með hægri höndina aftan á baki sér.

Hvað var um að vera, alveg upp á bak eða kannski axlir?  

Sakaður um stalínisma

Takk fyrir það Árni.

Þetta með lýðskrumið vissi þjóðin áður en hún sendi Ólaf út á Álftanesið. 

Þetta er spurningin um að nýta hæfileika hvers og eins. 

Og Ólafur hefur staðið sig eins og hver annar heimsmeistari.

Að berja af okkur handrukkara Evrópusambandsins vegna icesave. 

Og nú rassskellir hann Bandaríkjamenn, forystumenn lýðskrumsins í heiminum. 

Það geta aðeins þeir sem eru sérfræðingar sjálfir, í lýðskrumi því sem stundum er kallað stjórnmál. 

Stundum kallaðir stjórnmálafræðingar, en í þeim fræðum hefur Ólafur tvær háskólagráður.  

Öfugt við ríkisstjórnina, og aðstandendur, þá hefur Ólafur líka hagfræðipróf.  

Á þeim bænum eru menn líffræðingar og jarðfræðingar og sem mest þeir mega, drepa allt og jarða. 

En kærar þakkir Árni fyrir þetta með hvalveiðarnar og ESB.

Enn ein ástæðan til að ganga ekki í Evrópusambandið.

Hvalveiðibann eitt og sér er alveg nægjanlegt til að segja NEI TAKK.

En ríkisstjórninni er frjálst að flytja til Brussel.          

Sakar forsetann um lýðskrum

Árni Páll er vaxandi stjórnmálamaður.

Hann er hættur að lepja upp hundsvitið úr Jóhönnu og Össuri.

Það var einmitt Össur sem lýsti því yfir að hann sjálfur næði ekki hundsviti á bankamálum.

Og er eini stjórnmálamaðurinn í Evrópu sem fullyrðir að allt sé í stakasta standi með evruna.

Frú Jóhanna gerir svo þetta tæplega hundsvit Össurar að sínu.

Bara að það sé ekki of mikið.       

Guðfríður Lilja segir Árna Pál njóta trausts ólíkra aðila