En styður samt alltaf stjórnina.

Þó að Jóni Bjarnasyni hafi verið rassskelltur og sparkað út úr ríkisstjórninni þá styður hann samt stjórnina.

Og nú þegar hann er að sjá það ennþá betur að allt var þetta fals og lýgi í sambandi við ESB.

Þá styður hann stjórnina samt.

Rétt af honum að hætta í stjórnmálum. 

„Þetta er fullkomlega óásættanlegt“

Persónuverndarlöggjöfin er meinið, hún kemur frá ESB.

Auðvitað á að vera til landsskrá yfir kynferðisglæpamenn. 

Af þeirri skrá á aldrei að eyða neinum upplýsingum fyrr en viðkomandi andast.      

Skráningin á að vera í höndum Innanríkisráðuneytisins eða einhverri stofnun þess.

Allir þeir sem vinna nálægt börnum og unglingum eiga að þurfa að  framvísa vottorði þaðan.

En NEI.  Þetta má ekki því þetta eru svokallaðar viðkvæmar persónuupplýsingar glæpamannanna. 

Persónuverndarlöggjöfin er fyrst og fremst til að vernda glæpamenn enda kemur hún frá ESB. 

Glæpamennirnir eiga meiri réttindi en við hin.

Eða hvað þá börnin.  Á þau hafa kynferðisbrotamenn opinbert veiðileyfi. 

Hvergi hringir bjöllum þó að menn hafi á eftir sér afbrotaslóð í hálfa öld.

Yfirmaður unglinga í bæjarvinnunni, í sértrúarsöfnuði, yfirmaður barna á hólteli, gæslumaður fatlaðra, sjálfboðaliði í kirkju o. s. frv.  

Ekkert því til fyrirstöðu að fara af hverjum brotavettvangnum yfir á þann næsta.  

Á sakavottorði eru aðeins upplýsingar um síðustu örfá ár áður en vottorðið er gefið út. 

Á því eru aðeins tilteknir þeir dómar sem viðkomandi hefur fengið vegna kynferðisbrota. 

Og auk þess aðeins upplýsingar um útgefnar ákærur frá saksóknurum ríkisins.

Ekkert um kvartanir til barnaverndarnefnda, fyrr eða síðar, lögreglukærur, fyrnd brot o. s. frv. 

Sem sagt alls ekkert á sakavottorðin að treysta í þessu sambandi heldur þvert á móti skapa þau falskt öryggi. 

Samkvæmt lögum um persónuvernd er ennþá heimilt að safna upplýsingum er varða almannaöryggi.

Sem er ástæðan fyrir því að ennþá er yfirleitt verið með sakaskrá til málamynda. 

En öryggi barna telst ekki til almannaöryggis í Evrópusambandinu og því mega stofnanir eins og Barnaverndarstofa ekki halda sakaskrár.

Slíkt gæti líka truflað vændissölu með börn sem er vaxandi útvegur í ýmsum löndum ESB.

Í Brussel verða sauðdrukknir kratahöfðingjar að geta fengið nýjustu fréttir með litlu frænkunum frá Balkanlöndunum.   

Opinberlega er ekkert hægt að leita til að fá réttar upplýsingar um þessi mál og yfirleitt ekki skylt að reyna það. 

Samkvæmt lögum á Barnaverndarstofa rétt til þess að fá upplýsingar um einstaka dóma yfir kynferðisbrotamönnum.

En það er með eftirgangsmunum því að Ríkissaksóknari á ekki að senda dómanna sjálfkrafa. 

Auðvitað ekki, þetta er bara út af einhverjum krökkum.  

Samkvæmt barnaverndarlögum skal krefjast sakavottorðs 

"...Við ráðningu til starfa hjá barnaverndaryfirvöldum eða á heimilum eða stofnunum samkvæmt lögunum..."  

Af hverju ekki alls staðar þar sem unnið er með börn og unglinga? 

Í skólum, íþróttafélögum, trúfélögum, hvers konar æskulýðssamtökum o. s. frv. 

Ástandið er ábyggilega hörmulegt í ýmsum sértrúarsöfnuðum, þar sem bannað er að leita út fyrir söfuðinn t. d. til lögreglu.   

Ég þekki konu sem hefur rekið starfssemi fyrir börn. 

Hún hringir í ónefnda opinbera stofnun og gefur upp nöfn á væntanlegum starfsmönnum. 

Þar fær hún svörin já eða nei, frá einhverjum starfsmanni stofnunarinnar. 

Þetta telst vera ólögleg vinnsla skv. lögum um persónuvernd. 

Og eigi þessi stofnun til einhvers konar skrá yfir kynferðisbrotamenn er það einnig ólöglegt.   

Rétturinn er hjá glæpamönnunum.   

Persónuverndarlöggjöfin kemur frá Evrópusambandinu rétt eins og bankalöggjöfin sem það sendi okkur. 

Hvorugt var almenningi í hag. 

Þar fyrir utan á að breyta almennum hegningarlögum.

Þannig að kynferðisbrotamenn séu ekki einungis dæmdir fyrir brot sín heldur skuli þeir vera undir eftirliti ævilangt.

Með ökklaband. 

 

 

 

„Þó ég sé skepna inn að beini“

Brotlegur samkvæmt íslenskum lögum.

Ef flugvél Flugleiða er skráð á Íslandi gilda íslensk lög um borð í vélinni skv. 2. mgr. 4. gr. almennra hegningalaga nr. 19/1940. 

Í lögum um loftferðir nr. 60/1998 eru meðal annars eftirfarandi ákvæði:   

"40. gr. ...  Flugstjóri hefur æðsta vald í loftfari.

... 

42. gr. ... [Farþegum er skylt að fara eftir fyrirmælum flugstjóra eða annarra flugverja um góða hegðun og reglu í loftfari.]...

43. gr. Flugstjóra er heimilt að þröngva mönnum með valdi til hlýðni við sig, enda sé það nauðsynlegt til að halda uppi góðri hegðun og reglu í loftfari.

... 

44. gr. Ef stórfellt lögbrot er framið í loftfari...

... og er flugstjóra heimilt, ef nauðsyn ber til, að setja hann í gæslu uns hann verður afhentur lögreglu á Íslandi eða yfirvöldum er í hlut eiga erlendis."

Að reyna að kyrkja samfarþega sína er áreiðanlega stórfellt lögbrot í skilningi 44. greinarinnar.  

Ef eitthvað er aðhafst um borð í flugvél sem ógnar öryggi flugvélarinnar sjálfrar eru enn frekari lagaheimildir:

"43. gr. ... Ef loftfar er í hættu statt eða annars konar neyðarástand er fyrir hendi er flugstjóra heimilt að beita hverri þeirri aðferð sem nauðsynleg er til að koma á reglu og hlýðni.

Hverjum flugverja er skylt, án þess að á hann sé skorað, að veita flugstjóra aðstoð.

Ef manni, sem neitar að hlýða, er veittur áverki getur hann einungis komið fram ábyrgð af þeim sökum að harðari aðferðum hafi verið beitt en ástæða var til."

Framangreint ákvæði á við um flugrán, afskipti af stjórn flugvélarinnar, skemmdarverk og uppþot.    

.

Kæra flugdólginn

Svona vitleysu þarf að mótmæla harðlega.

 Ísland stendur á tveimur heimsálfuflekum sem eru að reka hvor frá öðrum. (Jarðskorpuflekar er fljóta á möttli jarðar.)

Norður Ameríkuflekinn fer í vestnorðvestur en Evrasíuflekinn í austsuðaustur, árlega um tæpan sentímetra hvor um sig. 

Nærri flekaskilunum (rekbelti) eru því eðlilega umbrot, bæði jarðskjálftar og stundum eldgos.

Við eigum jarðvísindamenn á heimsmælikvaða og þeir vita vel hvernig þetta hefur gengið fyrir sig.

Eða meira en 24 miljónir ára aftur í tímann en svo gamalt er rekbeltið út af Vestfjörðum. (Sem er ekki lengur gosbelti.)

Ísland er ekki að fara að springa í loft upp. Ekki neitt frekar en síðustu 24 miljón árin.

Það er vel þekkt hvar aðaleldstöðvarnar liggja í gegnum landið.

Í sinni einföldustu mynd liggja þær skáhalt norðaustur yfir landið frá Vestmannaeyjum til Axarfjarðar.

Vestmannaeyjar, Eyjafjallajökull, Katla, Hekla, Öræfajökull, GRÍMSVÖTN, Bárðarbunga, Askja og Krafla.  

-----------------

Í Vatnajökli eru Grímsvötn (Þórðarhyrna og út fyrir jökulinn tengjast Lakagígar Grímsvatnaeldstöðinni.)

Í Vatnajökli er Bárðarbunga (Hamarinn) og Gjálp er á milli Grímsvatna og Bárðarbungu.

Út fyrir jökulinn tengist Veiðivatnagoskerfið við Bárðarbungu og er það í raun sama kerfið.  

Skaftárkatlar eru einnig vestast í Vatnajökli á milli Grímsvatna og Bárðarbungu og þaðan kemur vatnið í Skaftá.

Ekki er staðfest að gosið hafi upp úr Skaftárkötlum en þar eykst eldvirkni reglulega og veldur hlaupi í Skaftá.    

Á milli Grímsvatna og Kverkfjalla er eldstöðvakerfi sem ekkert færir sig þó að rekbelti flekanna geri það.

(Kallað heitur reitur (e. plume) þar sem heitt möttulefni kemur upp undir jarðskorpuna og stundum upp úr henni.)

Tengd þessu aðaleldstöðvakerfi, við heita reitinn, eru þau gosbelti sem eru virkust, á landinu, á hverjum tíma. 

Gosbeltin reka svo frá virka svæðinu og verða þar með óvirkari hliðarbelti og á endanum alveg óvirk.

Þegar gosbeltin reka sem rekbelti frá Grímsvatnakerfinu myndast ný gosbelti yfir heita reitnum þar. 

Þess vegna er óvirkt rekbelti út af Vestfjörðum, það var sem sagt gosbelti yfir heita reitnum fyrir 24 miljón árum. 

Annað rekbelti er um Snæfellsnes inn á Arnarvatnsheiði og norður í Húnaflóa.  Það er aðeins gosvirkt á Snæfellsnesi.

Þriðja rekbeltið er vesturbeltið um Reykjanes, Hengil, Skjaldbreið og Langjökul og það er ennþá virkt gosbelti. 

Það fer ekki sjálfstætt norður úr landinu heldur fer það frá Langjökli til austurs yfir Hofsjökul yfir á Vatnajökul.

Fjórða rekbeltið er austur/norðurbeltið frá Vestmannaeyjum yfir Grímsvötn til Axarfjarðar. 

Þetta fjórða og það er stórkostlega mikilvirkast sem gosbelti. 

Fimmta beltið er ekki mjög virkt gosbelti og liggur frá Öræfajökli gegnum Esjufjöll norður í  Snæfell.  

Að auki eru svokölluð sniðreksbelti sem ganga í austur vestur stefnur, annars vegar á suðurlandi og hins vegar fyrir norðan.  

-----------------

Best er að hugleiða þetta myndrænt og hafa kort við hendina.

Sjá:       http://www.visindavefur.is/svar.php?id=6623

F L E K A S K I L I N   Á   M I L L I   E V R A S Í U   O G   A M E R Í K U  Í   G E G N U M    í S L A N D.

Þau eru um Reykjanesið, Hengil, norður um Langjökul, austur um Hofsjökul til Vatnajökuls og norður til  Axarfjarðar. 

V e s t u r r e k b e l t i ð er einnig gosbelti og liggur um Reykjanes og Langjökul. (Flekaskilin milli E og A)

Reykjanesrekbeltið:

En ef við rekum okkur frá suðri þá komum við að Íslandi um Reykjaneshrygginn en þar eru flekaskilin á milli Evrasíu og Ameríku.

Við komum þar að landi við Eldey og Reykjanestá og þar tekur við rekbelti um Reykjanesskagann.   

Reykjanes, Eldvörp, Fagradalsfjall, Svartsengi,  Krýsuvíkur/Trölladyngjueldstöðin og Brennisteinsfjöll (Bláfjöll) eru á Reykjanesbeltinu.

Reykjanesið telst vera virkt gosbelti en þar hefur ekki gosið lengi og ekki líkur á stóru gosi.   

Þar yrði líklegast sprungugos, aðeins með hrauni en ekki ösku, og eru Vallahverfið í Hafnarfirði og Grindavík í mestri hættu. 

Á Reykjanesi var síðast smágos um árið 1340 með 0,3 rúmkílómetra af hrauni. 

Það var rúmlega 2% af því gosefnismagni sem kom upp í gosinu í Lakagígum árið 1783 og 25% af Eldfelli í Heimaey á árinu 1973. 

Árið 1783 kom upp gos á Eldeyjarboða og eftir það hefur oft orðið neðansjávargos út á Reykjaneshrygg.

Frá Hengli í stefnu vestur af Geysi (Laugarfjall) um Langjökul:

Hengillinn er líklegastur til að gjósa en hann er óþægilega nálægt virkjunum og öðrum mannvirkjum. 

Hengillinn er eldstöð, eða eldstöðvar, sem nær í rauninni frá Selvogi til Langjökuls.    

Í Langjökli eru eldstöðvar við Prestahnúk og Þjófadali(Hveravelli).  

Að líkindum yrðu aðeins smágos á vesturgosbeltinu en þau myndu valda einhverju tjóni á raflínum, þjóðvegum eða virkjunum.  

M i ð r e k b e l t i ð frá Langjökli um Hveravelli, Hofsjökul til Vatnajökuls. (Flekaskilin milli E og A.)

Hofsjökull er sofandi og sömuleiðis Kerlingarfjöll (Snækollur) og Tungnafellsjökull (Hágöngur.)

A u s t u r r e k b e l t i ð (norður) er einnig gosbelti og liggur frá Vatnajökli norður í Axarfjörð. (Flekaskilin milli E og A.)

Frá Vatnajökli til Axarfjarðar er rekbeltið og gosbeltið eitt og sama beltið. (Flekaskilin á milli Evrasíu og Ameríku.)

Norðurbeltið hefst við Kverkfjöll (Eystri), og liggur um Öskju, Fremrinámar, Kröflu, og  Þeistareykjabungu út í Axarfjörð.)

Tjörnes þverbrotabeltið liggur þaðan vestur um Skjálfandaflóa milli Húsavíkur og Flateyar. (Sniðreksbelti með þverbrotum.)

Grímseyjar Axarfjarðarbeltið, liggur norðar frá Axarfirði vestur út í Eyjafjarðarál. (Sniðreksbelti.)

Á þessum sniðreksbeltum geta orðið jarðskjálftar allt að 7 stig á Richterkvarða. 

Eyjafjarðaráll er sigdalur á milli Flateyjar Húsavíkurmisgengisins og syðsta hryggjar Kolbeinseyjarhryggjarins.

Um Eyjafjarðarál liggur rekbeltið norður til Kolbeinseyjarhryggjarins og þá erum við komin þangað frá Reykjaneshrygg.  

Ö N N U R   G O S B E L T I   E N   Á  R E K B E L T I N U   Á   M I L L I    E V R A S Í U   O G   A M E R Í K U:

Hliðargosbelti  er frá Snæfellsjökli um Lýsuskarð (Helgrindur) til Ljósufjalla. (Er á Ameríkuflekanun.):  

Snæfellsnesbeltið varð gosbelti fyrir um 15 miljón árum þegar það var nær eldstöðvakerfunum við Grímsvötn og nágrenni. 

Á Snæfellsnesi varð síðast smágos um árið 900 (Eldborg?) með gosefni sem voru 0,2 rúmkílómetrar.

Það eru um 1,4% af gosefnunum úr Lakagígum árið 1783 (Grímsvatnakerfið) en tæp 17% af Eldfelli í Heimaey á árinu 1973. 

Brotabelti er á Arnarvatnsheiði og annað um Borgarfjarðarhérað sem eru ekki gosvirk en orsaka jarðskjálfta.

Suðurlandsbrotabeltið frá Hengli til austurgosbeltisins. (Er á Evrasíuflekanum.)

Það er þverbrotabelti (sniðgengi) frá Reykjanes / Hengilssvæðinu um Grímsnes (Seyðishólar, Kerið) til Heklu og Torfajökulsvæðisins.

Á þessu belti verða hinir stóru og frægu Suðurlandsjarðskjálftar. 

Syðri hluti austurgosbeltisins frá Vestmannaeyjum til norðvesturhluta Vatnajökuls. (Er á Evrasíuflekanum): 

Á hliðarbelti Suðurlands frá Vestmannaeyjum til Torfajökulssvæðisins: 

Eru Surtsey og eldfjöllin Eldfell og Helgafell á Heimaey í Vestmannaeyjum.

Ennfremur Eyjafjallajökull, Katla í Mýrdalsjökli, Hekla og Lakagígar. 

Tindfjallajökull og Torfajökull er einnig á austurgosbeltinu en þeir hafa verið lengi sofandi. 

Katla tengist Eldgjá og er gjáin sú stærsta sinnar tegundar í heiminum af þeim sem eru ofansjávar.

Nyrðri hluti austurgosbeltisins er á flekaskilunum á milli Evrasíu og Ameríku og er einnig kallað norðurbeltið:

Grímsvötn, Bárðarbunga og Þórðarhyrna eru á syðri hluta austurgosbeltinu sem tengist  nyrðri hlutanum um Kverkfjöll (norðurbelti).   

Grímsvatnakerfið tengist Lagagígum þar sem gífurlegt gos varð árið 1783 með 14 rúmkílómetra gosefni.

Loki og Fögrufjöll sem stundum eru kallaður Hamarinn er sjálfstæð eldstöð sem tengist Bárðarbungu.

Norðurgosbeltið, á austurbeltinu, er frá Kverkfjöllum, norður í gegnum Fremri Námar, Kröflu, Þistilreyki og út í Mánársker í Axarfirði.  

Hliðargosbelti  er frá Öræfajökli (þar sem síðast gaus árið 1727) um Esjufjöll (Snæhetta) til Snæfells. 

-----------------

Einfaldast er að kynna sér þetta á vef Veðurstofunnar: 

http://www.vedur.is/skjalftar-og-eldgos/jardskjalftar

og á vef Jarðvísindastofnunar Háskólans:

http://jardvis.hi.is/

Í þessari frábæru vísindagrein sem ætti að vera skyldulesning: 

http://earthice.hi.is/sites/jardvis.hi.is/files/Pdf_skjol/2008jokull58_mtgetal_volchaz.pdf

Haraldur Sigurðsson eldfjallafræðingur er með frábært blogg: 

http://vulkan.blog.is/blog/vulkan/

Á vef ISOR.IS er líka frábært efni á sviði orkurannsókna með snilldarlegum kortum, t. d.:

http://isor.is/sites/isor.is/files/Jar%C3%B0fr%C3%A6%C3%B0i%20og%20jar%C3%B0hiti%20%C3%A1%20Austurlandi%20-%20Haukur%20J%C3%B3hannesson.pdf

Sjá einnig: eldgos.is og 

http://johann.rasmusmath.com/jarvefur/

Ísland er tifandi tímasprengja

Glæparíkisstjórn undir verndarhendi Kína.

Fyrir um áratug voru nokkrar miljónir íbúa Norður Kóreu sveltir til bana.

Á sama tíma lifðu þeir glæpamenn í vellystingum sem halda þar um stjórnartaumanna.

Ennþá eru mörg hundruð þúsund manna eða miljónir í fangabúðum stjórnarinnar.

Og eru þar við einhverjar herfilegustu aðstæður sem hugsast getur í Asíu. 

Stjórn Norður Kóreu hefur leyft sér að eyða þjóðarauðnum í hervæðingu og kjarnorkurannsóknir. 

Og yfirleitt allt annað til að tryggja sér völdin til frambúðar. 

Geimflaugaskot eru aðeins hluti af viðleitninni til að kjarnorkuvopnavæðast. 

Sameinuðu þjóðirnar sendu Norður Kóreu mikla matvælaaðstoð þegar hungursneiðin var þar sem mest. 

Sú aðstoð var öll hirt upp af her stjórnarinnar og varð líkast til að halda glæpaskrílnum við völd.  

Á árinu 2013 er það ein mesta skömm alþjóðasamfélagsins að viðurkenna stjórnina í Norður Kóreu. 

Nú þegar við erum laus við Saddam í Írak og Gaddafi í Líbíu. 

Stórglæpalýðurinn í stjórn Norður Kóreu væri ekki við völd nema fyrir vernd Kínverja.

Kínverja sem keyrðu á skriðdrekum yfir eigin námsmenn á Torgi hins himneska friðar árið 1989.

Og eru, með takmarkalausri ósvífni, langt komnir að eitra fyrir öllum jarðarbúum með skefjalausri mengun.

Í ársbyrjun 2013 má mannkynið skammast sín meira en nokkru sinni fyrr. 

Mest fyrir Kínverja og fylgifé þeirra.  

Eftirskrift:

Nú er svo komið í höfuðborg Kína að þar þarf stundum að fresta flugi út af mengunarþoku.

Sjá grein í New York Times:

http://www.nytimes.com/2011/12/07/world/asia/beijing-journal-anger-grows-over-air-pollution-in-china.html?_r=0

Sáttatónn hjá Kim Jong-un

Frábært.

Ferðaþjónusta kemur með tekjur, í erlendum gjaldeyri, inn í landið. 

Bara að þau í Þingholtunum fari ekki að auglýsa sig sem Rauða hverfið í Reykjavík.

Þá er þetta alveg frábært framtak í bleiku.  

Hvar eru annars fálkaorðurnar þeirra í ferðaþjónustunni?

Eva Sigurbjörnsdóttir hótelstjóri var þó að vísu að fá einn slíkan nú um áramótin. 

Tími til kominn að þeir sem afla gjaldeyrisins fái riddarakross en ekki bara þeir sem eyða honum. 

Kexruglað ástand við Hallgrímskirkju

Hjörleifur er með þetta.

Ekki verður Hjörleifur sakaður um að vera hægri maður eða fulltrúi einhvers útgerðarauðvalds.

Um langt skeið hefur Samfylkingin haft í forystu sinni fólk sem ekki getur stjórnað landinu.

Það fólk vill koma stjórn landsins til ESB en sitja áfram í ríkisstjórn, helst eitthvað fram yfir andlátið.   

Utanríkisráðherra í hlutverki loddara

Og sendi afrit af öllum pappírum á skattstofuna.

Þetta ætti Steingrímur að taka upp hérlendis.

Væri þá stíl við önnur vinnubrögð. 

Skrái lengd og fjölda klósettferða

Við þökkum Eiríki Inga. Ætti að vera skyldunámsefni.

Algerlega mögnuð kennslustund að hlusta á Eirík Inga í Kastljósi. 

Heyra hvernig vel menntaður sjómaður hélt stórkostlegum andlegum styrk. 

Og tókst á við gífurlega lífshættu án þess að leggja árar í bát.

Nýtti menntun og þjálfun til þess að bregðast rétt við hörmulegum aðstæðum.

Svo langt sem það var á hans mannlega valdi.  

Eiríkur Ingi sýndi okkur að hægt er að lifa af aðstæður sem sýnast algerlega vonlausar. 

Þakka Eiríki Inga og fjölskyldum hans látnu skipsfélaga fyrir þessa kennslustund í að vera Íslendingur. 

Mörg okkar erum komin töluvert langt frá upprunanum og þeirri lífsbaráttu sem heldur okkur á floti. 

Og hversu máttug náttúruöflin eru í landinu okkar og í kringum það.

Þar sem ekki er alltaf óhætt að skeppa á skyrtunni milli húsa.

Réttast að þessi Kastljósþáttur yrði skyldunámsefni í skólum landsins. 

Í námsgreininni sem heitir lífsleikni. 

  

Þakklátur fyrir að vera á lífi

Gleðileg jól.

Það var falleg jólagjöf að aflétta áhyggjum móðurinnar.

Óska öllum Íslendingum velfarnaðar bæði þeim sem eru að heiman eða heima.

Bæði þeim fáu sem ég þekki og þeim fjölda sem ég þekki ekkert.  

Og ekkert síður þeim sem sitja í fangelsum eða ríkisstjórninni.  

Gleðileg jól til ykkar allra. 

Gaf sig fram vegna mömmu sinnar