Annað bindiefni eða mengað salt?

Í nokkra áratugi höfum við ekið á þessari gerð af slitlagi án þess að svona ósköp hafi komið upp á. 

Við höfum líka saltað tjörubikaða vegi í áratugi þannig að ekki er söltunin sérlega trúverðug skýring.

Bindiefnið í tjörunni, eða eitthvað annað, hlýtur að vera af lakari gæðum en áður eða hreinlega minna af því. 

Leysiefnin í tjörunni gætu einnig verið af lakari gerð eða meira af þeim. 

Eða saltið mengað af einhverjum efnum sem ekki voru í því áður. 

Eins og staðan er núna er trúlegast að einhver hafi verið að spara og notað lélegri efni en áður.   

Salt er bara of ódýr skýring eins og kannski vegurinn sjálfur.    

Blæðandi þjóðvegur stórhættulegur

Hreint sjálfsmorð.

Árum saman höfum við vitað af dauðarefsingum vegna fíkniefnasmygls í Indónesíu.

Það er því hreint sjálfsmorð að fara þangað með heil fimm kíló af kókaíni eða að smygla fíkniefnum þangað yfirleitt. 

Nokkrir ungir Íslendingar hafa því miður kynnst því á eigin skinni hversu afleit hugmynd það er að ástunda slíkt í þriðja heiminum.

Þar sem fangelsisdómar eru þungir og fangelsisvistin algerlega hroðaleg og ekki skepnum bjóðandi.

Hreinasta glapræði að vera með fíkniefni víðast hvar í framandi löndum. 

Þarf ekki svo mikið sem dauðarefsingu til að sjá það.

Reyndar þarf ekki að ferðast nema til Færeyja til að komast að því að Íslendingar taka frekar vægt á þessum brotum. 

Eða hvað þá meir. 

Bresk kona dæmd til dauða

Ekki fara til Alsír, Níger, Mali eða Burkina Faso.

Einhverjir muna kannski þegar franski heimsmeistarinn, í fótbolta, Zinedine Zidane skallaði andstæðing sinn á vellinum. 

Sá hafði sagt eitthvað óvirðulegt um móður Zidane og var samstundis skallaður svo að hann hné óvígur til jarðar.

Zidane tók ekkert tillit til þess að hann yrði settur í leikbann eða að heimurinn væri að horfa á hann.

Zidane er upprunninn af Berbum í Norður Afríku en þeir eru þekktir bardagamenn s. s. Kabýlar og Tuaregar. 

Og það er hreint og beint alveg skelfilegt að Al-Qaeda sé nú að hreiðra um sig meðal þessa fólks.

Það er í suðurhluta Alsír, norðurhluta Mali, Níger, hluta Nígeríu, og allra norðast í Burkina Faso.

Sama á við um Máritaníu meðfram landamærum Mali og yfirhöfuð á svokölluðu Sahel svæði í Afríku.  

Þungvopnaðir fyrrum málaliðar Gaddafi hafa flúið heim á þessar slóðir og stunda þar mannrán á vestrænu fólki. 

Og heimta fyrir það stórar upphæðir í lausnargjald auk þess að stunda smygl á dópi, tóbaki, kynlífsþrælum og vopnum. 

Og ekki er það til að gleðja okkur frekar að í Níger eru fjórðu auðugustu úrannámur heimsins. 

Ekki kemur til greina að Al-Qaeda fái að festa rætur á þessu svæði eins og þeir ætla sér. 

Þegar vestræn ríki leystu vandamálið með Gaddafi bjuggu þau til annað aðeins sunnar. 

Það verður víst ekki friður um okkar daga frekar en endranær.

-------------------

Önnur vandræðalönd fyrir ferðamenn í Asíu og Afríku: 

Reyndar á alls ekki að fara til suðurhluta Líbýu, Sinai eyðimerkurinnar í Egyptalandi eða Sýrlands.

Og ekki til herteknu svæðanna í Ísrael eða Líbanon og helst ekkert til Líbanon yfirleitt. 

Til Jemen, Írans og Íraks er ekkert vit að ferðast.  

Til Afganistan, eða Pakistan, ætti helst ekki að fara sem ferðamaður og alls ekki til Talibana héraðanna þar eða í Uzbekistan. 

Enginn ætti að fara til Kamerún, Lýðveldisins Kongó, Djibouti, Erítreu, Eþíópíu, Suður

Súdan eða Úganda.

 Algerlega er galið að fara til Sómalíu sem á heimsmet í sjóránum og mannránum.

Það á heldur alls ekki að fara til vandræðahéraða í löndunum sem eiga landamæri að fyrrnefndu löndunum.

Svo sem í Angóla, Búrúndi, Mið-Afríkulýðveldinu, Chad, Kongó, Fílabeinsströndinni, Eþíópíu, Kenía, Líberíu, Nígeríu, Rúanda eða Súdan. 

Á eyjunni Madagaskar, út af austurströnd Afríku, er það orðin "þjóðaríþrótt" að ræna ferðamönnum.   

Austurlönd fjær: 

Forðast skal að fara til vandræðahéraða á Indlandi og alls ekki á fara til Kasmír og fleiri óeirða héraða.   

Engin ætti að leggja í óþarfa ferðalög til Búrma, suðausturhluta Bangladess eða Kyrgyzstan. 

Það segir sig sjálft að ekki er hægt að ferðast til geislavirkra svæða í Japan og sumir telja hættu þar af eldflaugum Norður Kóreu. 

Ekki fara til syðsta hluta Filippseyja og alls ekki til syðstu strandhéraðanna út af hættu á mannránum og hryðjuverkum. 

Ekki er ráðlegt að fara til syðsta hluta Thailands sem næst er Malasíu og alls ekki til hofborganna á milli Thailands og Kambódíu.

Evrópa: 

Ekki á að fara að óþörfu til norðurhéraðanna í Kosovo eða borgarinnar Pristina út af hryðjuverkahættu.

Ekki til suðurhluta Georgíu, né norðausturhluta Armeníu, sem snúa að Azerbaijan og alls ekki til vesturhluta Azerbaijan.

Helst ekki til syðstu héraða Rússlands og alls ekki suðaustur héraðanna við Svartahaf eða þeirra sem snúa að Azerbaijan.

Ekki á að fara að nauðsynjalausu til ákveðinna héraða í austurhluta Tyrklands, svo sem við landamæri Sýrlands og Íraks.  

Ameríka: 

Alls ekki ferðast til héraðanna sitt hvoru megin við landamæri Kólumbíu annars vegar og Venezuela, Panama og Ecuador hins vegar. 

Ekki hægt að fara lengur sem ferðamaður til Haíti vegna ört fjölgandi mannrána á vesturlandabúum. 

--- 

Ferðaheimildir: http://www.fco.gov.uk

Kalla sendiráðsfulltrúa heim frá Malí

Skráð að maðurinn væri með vitræna skerðingu.

Sjálfur kannaðist maðurinn eðlilega ekki við að hann þjáðist af vitrænni skerðingu sem á almennu máli þýðir bjáni.    

Vitsmunanna vegna taldi maðurinn sig færan í flestan sjó og gæti sem best verið forsætisráðherra þess vegna.

Þannig að ef haldið væri áfram með þetta dæmi, tekið af handahófi, um alþekktan einstakling.

Þá hefði hann ekkert síðri vitsmuni en frú Jóhanna okkar Sigurðardóttir. 

Og því getum við nú trúað og von að maðurinn fengi bætur.   

Læknafélagið greiði miskabætur

Útsýni er verðmæti.

Ótrúlega lengi var útsýni ekki metið sérstaklega til hækkunar á fasteignamarkaði.

Áratugum eða heilli öld á eftir erlendum þjóðum vildu Íslendingar ekkert borga sérstaklega fyrir útsýni úr íbúðum sínum. 

Kannski af því að við höfum enga skóga og flestir njóta víðrar fjallasýnar í dagsins önn.

Dýrustu fasteignir í New York eru t. d. í kringum Miðgarð (Central Park) á Manhattan eyju.

Allra dýrastar eru útsýnisíbúðirnar frá suðri og austri þar sem búa margar af ríkustu ekkjum heims.

Þessar sem halda uppi einhverju fullkomnasta hátæknisjúkrahúsi veraldar.

Þar sem boðið er upp á hátæknilækningar, krabbameinsmeðferð og líffæraskipti fyrir gæludýr. En þetta var nú útúrdúr.  

Hérlendis er ekki ýkja langt síðan að byrjað var að verðmeta útsýni sérstaklega.

Á tíunda áratugnum var selt einbýlishús í Öskjuhlíð þar sem verðið á húsinu var metið kr 27 miljónir og útsýnið á kr 16 miljónir.

Húsið seldist á 43 miljónir sem kaupandinn lagði glaður út. 

Sama er í seinni tíð að segja um allar sjávarlóðir og alveg sérstaklega á Reykjavíkursvæðinu.

Þær dýrustu eru nú við Skerjafjörð og svipað gildir um fasteignir á sjávarlóðum á Seltjarnarnesi. 

Í einbýlishúsahverfum eru húsin við sjóinn, eða húsin með besta útsýnið, að jafnaði með hæsta fermetraverðið. 

Þá er vissulega eftirsóknarverðara að búa í húsum sem snúa í suðurátt. 

Fyrir kom að lóðum var skilað aftur á norðurhluta Seltjarnarness út af ísköldu sjávarrokinu af norðan.    

Því eru húsin við sjávarsíðuna, í suðurhluta Kópavogsbæjar, eftirsóknarverðari en þau sem snúa til norðurs við Fossvoginn sjálfan. 

Sjávarlóðirnar í suðurhluta Kópavogsbæjar snúa að Kópavoginum eins og norðurlóðirnar á Arnarnesi. 

Þær eru svo aftur síðri en þær sem snúa til suðurs að Arnarvoginum o. s. frv

Talandi um veðrið þá eru fasteignir að jafnaði dýrari ef þær snúa í halla til suðurs þar sem þá er bæði skjól og sól. 

Svo sem Laugaráshverfið, Fossvogshverfið og Suðurhlíðar Kópavogs.   

Á síðustu árum þekkjum við nýjar og dýrar fasteignir við Skúlagötu í Reykjavík og t. d. í Sjálandshverfinu í Garðabæ.

Þar er sérstaklega gert ráð fyrir eldra fólki sem í staðinn fyrir útivist í hraglandanum vill greiða talsvert fyrir fallegt útsýni. 

Og vissulega er einnig víða glæsilegt útsýni úr íbúðum í efri byggðum Reykjavíkursvæðisins. 

Útsýnisíbúðirnar eru dýrari og seljast fyrr.  

Hönnuðir hafa einnig breytt afstöðu sinni til útsýnis.

Fyrr á árum voru það sparnaðarsjónarmið sem réðu gluggastærð í húsum. 

Ekkert var sérstaklega gert í því að hafa glugganna stærri þó að konunglegt útsýni blasti við. 

Það hefur sem betur fer breyst því hitt var sannanlega synd. 

Íslendingar hafa hins vegar lengi haft þann sið að reyna að byggja sjúkrahús, og elliheimili, þar sem útsýnis nýtur sem víðast yfir. 

Það er áhersla sem verður að haldast.

  

Ragnar Kjartans og Ásdís Sif selja íbúðina

Flott hjá Óla og Dóru.

Og hárrétt hjá forsetanum að vekja athygli á " ...mikilvægi heimskautanna fyrir loftslag jarðar og framtíðarheill mannkyns.“

Við núlifendur verðum áreiðanlega kölluð heimska kynslóðin í framtíðinni.

Erum að drepa okkur, og afkomendur okkar, með skefjalausri mengun. 

En vissum betur.

Vinir forsetans í Kína eru ókrýndir heimsmeistarar í mengun og sóðaskap sem er ekki einkamál Kínverja.  

Forsetinn mætti vel greina okkur frá því, hvort hann hafi barið rækilega á Kínverjum út af mengunarmálum. 

Eða hvort hann gat það aldrei, í pestinni þar, fyrir ofnæmi, höfuðverk og hósta.   

 

„Við Dorrit óskum þér til hamingju“

Rekinn fyrir að fylgja stefnu Vinstri grænna.

Ekki bregst hann okkur þessi yndismaður Steingrímur J. Sigfússon. 

Nú sagði þessi dýrlingur okkur í Kastljósi að Jón Bjarnason alþingismaður mætti halda skoðunum sínum.

Steingrímur gleymdi að geta þess að í VG á enginn að hafa neina skoðun nema hann sjálfur. 

Og þess vegna er Jón Bjarnason rekinn úr utanríkismálanefnd Alþingis.  

Af því að Jón fór eftir stefnu Vinstri hreyfingarinnar grænt framboð og því sem hún lofaði kjósendum.

En stefnuskráin er ekki skoðun Steingríms heldur var hún bara upp á punkt.  Það gat nú hver maður séð nema þau í VG.       

Stefnan er ekki annað en alls konar fagurgali; frelsiskjaftæði um femínista og hvaðeina, til að lokka að atkvæðin.

Eini frjálsi maðurinn í Sovétríkjunum, á sinni tíð, var Stalín sjálfur.

Og eini skoðanafrjálsi maðurinn í VG er Steingrímur sjálfur. Hvað er eiginlega svona flókið Jón Bjarnason?

Og Guð komi til. Í VG er Steingrímur vissulega sá eini sem má skipta um skoðun.

Og það hefur Steingrímur gert svikalaust fyrir alla. 

Á kjörtímabilinu hefur Steingrímur skipt oftar um skoðun en nærbuxur.

Sem er óheppilegt fyrir mann sem í sífellu gerir upp á bak og axlir.

En furðar sig samt á að fækki í félagsskapnum. 

     

 

Jóni var boðið sæti í nefndum

Hér eiga engir hælisleitendur að vera nema helst frá Grænlandi.

Alla aðra á að senda aftur samdægurs til landsins sem þeir komu frá. 

Samkvæmt reglunum eiga þeir að sækja um hæli í því landi Evrópu sem þeir komu fyrst til.

Þetta fólk er því allt saman lögbrjótar og hefur auk þess sýnt sig að því að vera hreinir raðlygarar.

Lýgur til um aldur og yfirleitt allt annað sem það segir. 

Árið 2008 voru hælisleitendur 90% þeirra sem greindust með HIV veiruna hérlendis. *1)

Þeir eru því líka að sækjast eftir að komast inn á íslenska heilbrigðiskerfið.

Fram hefur komið að hælisleitendur brjóta allar reglur sem þeir eiga að fara eftir.

Eru í svartri vinnu, reyna að svindla sér um borð í skip o. s. frv. 

Hvernig skyldi kynhegðun þeirra vera?

Eina þjóðin sem kemur hingað beint eru Grænlendingar.

Burt með alla hina. 

Strax. 

 

*1) Heimild: Landlæknisembættið; Farsóttafréttir. 

Toppnum ekki náð enn

Svanur og Þorvaldur koma aldrei fram fyrir almenning sem fræðimenn.

Hvorki Svanur Kristjánsson né Þorvaldur Gylfason birtast almenningi sem einhverjir óvilhallir fræðimenn. 

Þeir eru eingöngu stjórnmálamenn og tala ætíð þannig, þó að stjórnmál séu ekki þeirra aðalstarf. 

Allt sem þeir segja á opinberum vettvangi verður að skoðast og meta í því ljósi.

Hvað þeir gera upp í Háskóla er mér ókunnugt um.

Vonandi eru þeir fræðilegir þar.   

Segir fræðimenn skorta heiðarleika

Afsökunarbeiðnin er ekki tekin til greina.

Fram kom í Kastljósþætti að Kolbrún Karlsdóttir, formaður Bergmáls hefði kallað þrjá þolendur kynferðisbrota lygara.

Hún sagði starfsmönnum Kastljós að þolendur væru að ljúga því að þau hefðu sagt henni frá brotum KVÞ:

Það er nú heldur betur að koma í ljós að það sem þetta fólk hefur sagt frá, fyrir daufum eyrum, er satt.  

Formaður Bergmáls hefur ekki sagt af sér og ekki beðist afsökunar á þessu.

Afsökunarbeiðnin er því ekki tekin til greina.  

Fari öll Trúfélög og líknarfélög, norður og niður, haldi þau hlífiskildi yfir kynferðisglæpamönnum.

Kynferðisglæpamenn eru örugglega ennþá í "góðum málum" í einhverjum þeirra. 

Engin spurning um það heldur að finna þá. 

http://www.mbl.is/frettir/innlent/2013/01/08/karl_vignir_hefur_hlotid_dom/

Getur einhver útskýrt fyrir mér af hverju trúfélög, sbr. hlekkinn hérna fyrir neðan.

Tilkynna ekki barnaverndaryfirvöldum um allar kvartanir um kynferðismisnotkun eða tilraunir til þess?

Og um alla meinta kynferðisglæpi til lögreglu? 

Það er yfirvaldanna að finna út úr því hvað getur átt við rök að styðjast en ekki viðkomandi klúbbs eða samtaka. 

Þó að ekki takist að sanna slíkt er nauðsynlegt að slíkir aðilar séu á skrá ef að fleiri kvartanir koma inn vegna sömu aðila. 

Tek fram að þeir Vottar sem ég þekki eru yndislegt fólk. 

http://www.visir.is/sjo-tilkynningar-hja-sofnudi-votta-jehova/article/2011709059957

Við þekkjum söguna af Byrginu og kærurnar frá Krossinum.

Það er örugglega fleira í gangi.

Það þarf að gera það að lagaskyldu að tilkynna skuli allar kvartanir um kynferðisbrot til Barnaverndarstofu.

Starfsfólk þar er vant því að greina hismið frá kjarnanum og gæti séð hvaða mál eiga að fara til lögreglu. 

Alþekkt er t. d. að í heiftúðugum forræðisdeilum, yfir börnum, er það að verða staðlað að foreldrar brigsli hinu um kynferðismisnotkun.

Það sem skiptir máli varðandi slíkar tilkynningar er að Barnaverndarstofa hafi á sinni hendi allar upplýsingar um slíkar kvartanir.

Stundum sér starfsfólk Barnaverndarstofu, eða lögreglu, í hendi sinni að málið er tilhæfulaust með öllu.   

En ef sami einstaklingur er aftur ásakaður um kynferðislega tilburði við allt önnur börn.

Af mismunandi aðilum, við mismunandi skilyrði á mismunandi stöðum og tímum.

Þá er komin ástæða til að vara við viðkomandi hvar sem hann fer til viðkomandi barnaverndaryfirvalda og lögreglu. 

Það bara verður að breyta lögum þannig að þetta sé mögulegt.  

Og samkvæmt núverandi lögum um persónuvernd er það heimilt ef um almannahagsmuni er að ræða.

Það eru almannahagsmunir ef börnin okkar eru í hættu.     

 

Bergmál biðst afsökunar