En fáum við eldsneyti á bílinn? eða förum við með strætó þegar olía verður til?

Rækilega er komið fram að hér verður geysilegur gjaldeyrisskortur, gangi áætlanir AGS eftir. 

Steingrímur virðist þess fullviss að íslenska þjóðin vilji ólm gera með honum sósíaldemókrataíska tilraun með íslenska þjóðarbúið.  

Við prófum að verða öll jafnfátæk, og afar, og langömmur okkar voru í æsku.   Förum að ganga aftur yfir fjallvegi, í heilsubótarskyni, og skoða landið okkar.  

Hér verður ekki til gjaldeyrir, til að eyða í neina vitleysu.  Innflutt eldsneyti setjum við á fiskiskip, og ráðherrabíla, en leggjum öllum einkabílum.  

Við eyðum engum gjaldeyri í utanlandsferðir heldur viðrum okkur innanlands.  Kominn tími til ekki satt.  Sumir nota aldrei svalirnar sínar í fríum.

Ekki sóum við heldur gjaldeyri í innflutt snakk, óþörf lyf eða heilsubótarvörur.  Hvað þá pólska stólpípulækna.  Við löbbum sjálf af okkur spikið og týnum lyfjagrös í neyðartilfellum. 

Svo förum við aftur að vinna 18 tíma á sólarhring.  Ekki veitir okkur af aukavinnunni fyrir erlendum skuldum sem við eigum auðvitað að borga, þó að við höfum aldrei stofnað til þeirra. 

Þetta verður auðvitað stórmerk tilraun, hjá Steingrími, um fyrirmyndar ríkið.  Verst ef við sem erum á miðjum aldri, og yngri, ætlum kannski ekki að vera öll með.  

Sumir hafa eytt ævinni í að greiða verðtryggðar skuldir sem þeir stofnaðu jú til sjálfir.  Þessir aðilar ætla svo að gera upp, þessar skuldir sínar, fyrir andlátið.  

Þó að þeir fegnir vildu, hafa þeir því miður ekki tök á, að greiða einnig icesave skuldirnar með Steingrími. 

Meirihluta alþingismanna er auðvitað frjálst að greiða icesave skuldirnar, eða kaupa sér lottómiða, en við hin ætlum flest að segja pass í þetta skiptið. 

Ef einhver hitti Steingrím og vildi skila bestu kveðju, en að það standi bara þannig á núna.       

Alvarlegar dylgjur