Vill ekki nýjar tekjur og vill að hvalurinn fái að éta okkur út á gaddinn. Eru meindýr sem ætti að nær útrýma.

Auðvitað ættu Íslendingar að stofna frekar sjálfir álver og fá allar tekjurnar af því.  Félagi Steingrímur aðalritari VG er á móti allri atvinnusköpun og öllu sem gefur nýjar tekjur.  

Einnig er hann á móti hvalveiðum, þó að hvalurinn sé að éta okkur út á gaddinn. Það að hval væri nær útrýmt um aldamótin 1900 varð til þess að Íslendingar gátu með auknum fiskveiðum komið undir sig fótunum. 

Skíðishvalir á stærð við smáskip gleypa átu frá loðnu og smádýrum.  Þar með minnkar fæði fyrir þorsk, ýsu og annan bolfisk. 

Tannhvalir éta svo loðnu og annan smáfisk frá bolfiskinum.  

Þar í viðbót éta tannhvalir geysimikið af bolfisk.  Það nýjasta er að hrefna éti um 300 þúsund tonn af þorski og ýsu árlega.  

Hvalir eru jafnúteltir í lífkeðjunni og risaeðlur.  Hvort er mikilvægara fólk eða hvalir? 

Hvalarækt er svipað vitlaus og ef sauðfjárbóndi ræktaði tófur fyrir utan túngarð sinn.  

VG vill fyrir alla muni leyfa þessari skepnu að éta okkur til fátæktar og leysa atvinnumálin með atvinnubótavinnu á kostnað galtóms ríkiskassa.   

Steingrímur á móti Helguvík

Athugasemdir

[Elvar Geir Sævarsson (IP-tala skráð) 6.3.2009 kl. 14:16]

Hvalurinn er ekki að éta okkur út á gaddinn og álverin senda gróðann úr landi. Þú þjáist af bjálkablindu. En ekki örvænta, það er til lækning.

[Viggó Jörgensson, 6.3.2009 kl. 14:34]

Ég veit að það er ekki línulegt samband á milli þess sem hvalurinn étur og minnkun á bolfisk.

En heldur vildi ég að við veiddum sjálf það sem hvalurinn étur, það er bara alveg gríðarlegt.  

Ég hef oft bent á að við ættum að eiga álverin sjálf til að allar tekjurnar nýttust okkur sjálfum.  

En samt sem áður er hér fjöldi fyrirtækja sem hafa tekjur af þjónustu við álver og starfsmenn þeirra, auk skatta sem þessir aðilar greiða.   

[Héðinn Björnsson, 6.3.2009 kl. 14:35]

Eitt er nú að vilja sjálfbærar veiðar á hvölum eins og flestir Íslendingar en ertu í alvörunni á því að við ættum að gera það sem við getum til að útrýma öllum hvalastofnum. Alveg! Það geta ég alls ekki fallist á!

[Viggó Jörgensson, 6.3.2009 kl. 14:55]

Auðvitað ekki alveg Héðinn, ekki frekar en ref eða mink, en tjónið af þessum kvikendum er gríðarlegt. 

En Elvar Geir.  Sjálfur var ég sósialisti um fermingu og alveg þar til ég sá að sú fallega hugsun gengur ekki upp nema í bók. 

Seinna sá ég svo að hrein frjálshyggja gengur heldur ekki upp nema í bókum.   

Bæði þessi kenniverk gleymdu að gera ráð fyrir eðli mannsins.  Maðurinn er alltaf í innri togstreytu á milli samkenndar með öðrum mönnum annars vegar og eigingirni hins vegar.  

Kommúnismi og sósíalismi gleymdu að gera ráð fyrir því að maðurinn þarf að fá persónulega umbun til að gera sitt allra besta.  Þetta sá Deng gamli í Kína, rétt fyrir andlátið og leyfði lítilsháttar einkarekstur.   

Frjálshyggjan gleymdi hins vegar að gera ráð fyrir hinum siðblindu sem ganga alltaf yfir öll mörk í eigingirni sinni.  

Svo geta menn sagt að fólkið hafi brugðist en ekki stefnan.   Sannleikurinn er sá að þjóðfélagskerfi sem gerir ekki ráð fyrir eðli mannsins er auðvitað stórgallað, jafnvel ónýtt.   Þetta þarf t. d. Alan Greenspan að upplifa rétt fyrir andlátið.