Þingmenn útrásarvíkinga grafa undan trausti á dómstólum og lögreglu.

Dómstólar, saksóknaraembætti og lögregla eru stofnanir fólksins í landinu. 

Afbrotamenn og utangarðsfólk reynir jafnan að gera þessar stofnanir ótrúverðugar. 

Útrásarráðherrann fyrrverandi Björgvin G. Sigurðsson er á Alþingi í boði Baugs og slíkra fyrirtækja.

Nú þurfa útrásarvíkingar að nota alla sína sendisveina til að grafa undan trausti á réttvísinni í landinu.

Öll hálmstrá skulu gripin í þeim tilgangi.

Þegar Björgvin var ráðherra hreyfði hann ekki litla fingur til að hreyfa við málum þessum.

En nú líður að því að sérstakur saksóknari fari að ákæra húsbændur hans og þá þykir honum rétt að vera búinn að vinna fyrir kosningaframlögum. 

Þeir eru ekki flóknir þessir menn. 

 

Fylgst með að málið fari í réttan farveg

Athugasemdir

[Olgeir Engilbertsson (IP-tala skráð) 20.7.2011 kl. 23:48]

Ekki ætla ég að fara að verja útrásarráðherra en ýmislegt klúður í sambandi við rannsókn þessara mála á sínum tíma var slíkt að mjög margir í kerfinu vilja ekki fyrir nokkurn mun að farið verði að grufla í málinu. Eitt  sem   fullyrt er er til dæmis það að íbúarnir á hæðinni fyrir ofan kjallarann á Hamarsbrautinni hafi aldrei verið yfirheyrðir um mannaferðir eða annað í sambandi við meint morð á Guðmundi Einarssyni. Í morðmálum er afar bagalegt að hafa ekkert lík. Játningar virðast hafa verið þvingaðar fram með  ýmsu harðræði sem endaði með að sakborningar játuðu hvað sem var til að  sleppa í bili.

[Viggó Jörgensson, 22.7.2011 kl. 01:03]

Sæll Olgeir. 

Harðræðið var ekkert í sambandi við játningarnar í Guðmundarmálinu.

Þær runnu hratt upp úr sakborningum.

Erla Bolladóttir gaf fyrstu skýrsluna um það sem hún vissi um málið.

Þegar sú skýrsla var lesin upp fyrir Sævar heitinn, um hálfum mánuði eftir að sú rannsókn hófst,

tók Sævar orðið af lögreglumanninum og sagði sjálfur efnislega frá því sama og Erla hafði sagt.

Þetta var tæpum tveim vikum eftir að sú rannsókn hófst.

Jón Oddson hæstaréttarlögmaður, réttargæslumaður Sævars, var viðstaddur þessa játningu Sævars og undirritun skýrslunar.

Jón var sömuleiðis viðstaddur þegar Sævar játaði það sama fyrir Sakadómi Reykjavíkur.

Harðræðið byrjaði um misseri seinna.

Þá var allt þjóðfélagið algerlega farið á taugum út af Geirfinnsmálinu

og sakborningarnir í Guðmundarmálinu búnir að ljúga 4 saklausa menn í gæsluvarðhald,

þar sem þeir sátu í allt að 105 daga og hafa aldrei náð sér.

Þarna virðist það hafa gerst að fangaverðir hafi verið fengnir í lið með rannsóknarlögreglunni.

Fangaverðirnir höfðu hvorki kunnáttu né þjálfun til að standa í slíku.

Og það er alveg ljóst að einhverjir þeirra fóru offari enda hvorki fagmenn í rannsóknum eða yfirheyrslum.