Taka frekar upp ný úrræði.

Reynsla Bandaríkjamanna sýnir ótvírætt að fangelsi leysa engan vanda.

Það var mjög gott skref að bjóða upp á samfélagsþjónustu í stað fangavistar, hérlendis. 

Hinn dæmdi gerir þá samfélaginu uppbyggilegt gagn auk þess sem hann sjálfur, og fjölskylda, verða fyrir lágmarks skakkaföllum.  

Það þarf að halda áfram á þessari braut.  

Sá sem ekki getur haldið sig á réttum kili á höfuðborgarsvæðinu ætti að dæmast í þjóðþrifastörf á landsbyggðinni.

Á stað þar sem annars hefur þurft að flytja inn starfsfólk frá öðrum löndum.  

Og svo öfugt. 

Náttúrubarnið sem bryti af sér á landsbyggðinni yrði svo dæmdur til að starfa við þjóðþrifastörf hinu megin á landinu, kannski 101 Reykjavík.   

Að sjálfu leiddi að viðkomandi yrði að vera allsgáður til jafns við samfélag sitt.

Og hafi afbrotin verið framin í áfengisvímu yrði valinn staður þar sem ekki væri hægt að kaupa sér áfengi, aðeins gos í söluskála. 

Og enn mætti halda áfram á slíkri braut. 

Sá sem hlyti óskilorðsbundinn dóm fyrir ölvunarakstur yrði mögulega dæmdur til að vinna með fórnarlömbum umferðarslysa, að umferðarfræðslu í skólum o. þ. h.  

Fangelsismál föst í ríkisstjórn