Og hættan í umferðinni eykst. Lúxustollar á varahlutum.

Steingrímur talar bara um nýja bíla.

Þessi alþýðuhetja kaupir alltaf nýjan forstjórajeppa t. d. stóran Land Cruiser. 

Hann þykist ekki vita að sauðsvartur almúginn er á gömlum bílum. 

Lægra leggst enginn í sýndarmennsku en Steingrímur Jóhann Sigfússon. 

Þegar hann ekur á Bessastaði í gömlum Volvo, viti hann þar af sjónvarpsmyndavélum.   

Volvoinn er þannig grænn á litinn að sumum verður meira flökurt yfir bílnum en ökumanninum og er þá langt til jafnað.

Þessi Volvo akstur lýsir Steingrími hins vegar prýðilega. 

Sumir námsmannabílanna á götunum eru vafasömu ástandi sem er væg lýsing. 

Varahlutir í bremsur hafa tvöfaldast í verði eins og annað.  

Bremsu-, stýris- og hjólabúnaður, hjólbarðar, demparar og önnur öryggistæki teljast vera munaðarvarningur og skattlögð samkvæmt því. 

Þær skatttekjur eru svo vísast margfalt lægri en slysakostnaðurinn í heilbrigðiskerfinu út af vanbúnum ökutækjum. 

Að ekki sé minnst á dauðsföll, örkuml, þjáningar og vinnutap.  

 

 

Stefnir í bílaskort í landinu

Athugasemdir

[Olgeir E. (IP-tala skráð) 2.5.2011 kl. 09:57]

Það eru dæmi um að varahlutir keyptir á netinu frá USA kosti með sköttum og flutningi rúmlega 1/4 af verði hér í " góðgerðastofnunum ". Það dugar ekki öllum að eiga litla bíla sem búa við misjafnlega vonda vegi og aðstæður á landsbyggðinni. Það virðist reyndar vera stefna stjórnvalda að draga alla til Reykjavíkur í staðinn fyrir að láta landsbyggðina njóta meira þeirra verðmæta sem þar verða til .

[Bergur (IP-tala skráð) 2.5.2011 kl. 12:23]

Olgeir. Það að varahlutir eru ódýrari á netinu er ekki vegna tolla eða skatta þar kemur til ofurálagning varahlutasala hér á landi. Sem dæmi þá kostaði 1 bremsuskál á Renault 19 17000 hjá B&L en á sama tíma kostaði bremsuskál á 40 tonna vörubíl 12000 hjá ÓSAL

[Viggó Jörgensson, 2.5.2011 kl. 18:03]

Þakkir fyrir innlitið og athugasemdirnar strákar.

Maður þarf samt að átta sig á framleiðslulandinu þegar maður ber saman verð á varahlutum. 

Að minnsta kosti á hvers vegum hluturinn er framleiddur. 

Kínverjar eru manna duglegastir að falsa varahluti sem þeir selja fyrir lítið.  

Þeir hika ekki við að setja skrúfbolta í styrkleikaflokk 4,6 þar sem á að vera 10,9 skv. fyrirmælum framleiðanda.   

[Einar Steinsson, 2.5.2011 kl. 18:10]

Þessi athugasemd um Volvoinn hans Steingríms er ómakleg og til mark um það að þú skilur engan veginn þankagang þeirra sem hafa áhuga á gömlum bílum.
Ég á sjálfur bíl á svipuðum aldri og Volvoinn hans. Gamlinginn er sparibíll, ekki notaður til daglegs brúks heldur þegar eitthvað stendur til. Þegar farið er í veislur og mannamót, leikhús eða jafnvel þegar farið er með fjölskylduna í góðu veðri á sunnudögum að kaupa ís, og hann er helst ekki hreyfður nema í góðu veðri nema sérstaklega mikið standi til.
Ef ég væri að fara á Bessastaði að stofna til nýrrar ríkisstjórnar færi ég örugglega á gamla bílnum eins og Steingrímur gerði. Í hans augum eins og mínum er gamall 30-40 ára eða eldri bíll í góðu standi miklu flottari heldur en nýr sálarlaus margra miljón króna Benz eða eitthvað álíka.

[Viggó Jörgensson, 2.5.2011 kl. 20:47]

Ég átti von á þessari athugasemd Einar.

Ég á sjálfur bíla af árgerðum 1967 og 1996.  Báðir antik fyrir sinn hatt. 

Skólabróðir minn í gagnfræðaskóla og menntaskóla var alla tíð í Fornbílaklúbbnum.

Ágætur vinnufélagi minn var formaður Fornbílaklúbbsins. 

Ég er bara ágætlega kunnugur þessum hugsanahætti í kringum gamla bíla.

Ælugræni Volvoinn hans Steingríms er ekki bíll til að nota við hátíðleg tækifæri, til þess er hann allt of venjulegur. 

Steingrímur er að snobba niður á við með því að mæta á þessum Volvo sínum. 

Tær sýndarmennska til að sýnast deila kjörum með alþýðu fólks.  

"...Já greyið, ætli þetta sé frúarbíllinn...?"  Eru viðbrögðin sem hann er að kalla eftir.    

[Viggó Jörgensson, 2.5.2011 kl. 20:57]

Já Einar ég gleymdi þeim bílum sem hef selt á undanförnum árum.

Unimoginn minn árgerð 1963 seldi ég manni sem lofaði að fara vel með hann. 

Fáum árum seinna sá ég hann á bílasölu og varð óhress með ástand hans.

Ég keypti hann því snarlega til að ráða því hver ætti hann framvegis.  

Hann er í góðum höndum. 

Jagúarinn minn árgerð 1992 seldi ég eldri manni sem hafði sérstakan bílskúr fyrir hann. 

Maður sem ég veit að fer vel með hann. 

Land Rover sem ég tók upp í annan bíl, vildu margir ungir strákar kaupa, sem ég tel að hefðu eyðilagt hann. 

Ég seldi hann bónda frænda mínum sem hefur gert hann upp. 

Eins og hann hefur gert upp alla sína bíla, dráttarvélar og heyvinnutæki.  Hans elsta dráttarvél er Massey Harris Pony í fínu standi. 

VW bjöllu á svipuðum aldri og Land Roverinn seldi ég mönnum sem ég sá til að fóru vel með gömlu bílanna sína.  

Ég vona að þetta segi þér eitthvað.  

[Einar Steinsson, 2.5.2011 kl. 22:02]

Nei Viggó, nú ert það þú sem ert snobbaður, "Ælugræni Volvoinn hans Steingríms er ekki bíll til að nota við hátíðleg tækifæri, til þess er hann allt of venjulegur" er setning sem lýsir góðum skammti af snobbi finnst mér. Það eru fjöldi meðlima Volvoklúbba út um allan heim sem eru þér algjörlega ósammála, það þarf ekki að leita lengra en á þessa Íslensku spjallsíðu http://volvospjall.is til að finna nokkra. Fornbíll er aldrei "venjulegur" jafnvel þó hann hafi verið það þegar hann var nýr.

[Einar Steinsson, 2.5.2011 kl. 22:07]

Já þetta segir mér heilmikið, enskir myndu kalla okkur þrjá, þig mig og Steingrím "petrolhed's" og það er hið besta mál

[Viggó Jörgensson, 3.5.2011 kl. 00:32]

Já ég skal viðurkenna að ég er bílasnobbaður og er svolítið petrolhead.

Þessi 1996 bíll minn er Jagúar sem ég gæti alveg látið jarða mig í.

Ég myndi hins vegar ganga aftur og ofsækja þá sem settu mig niður í Volvo.

Hef samt átt 2 sjálfur og nánir ættingjar marga. Góðir bílar úr góðu stáli.

Gæti alveg hugsað mér gamlan Volvo kryppu eða Amason.

En Guð komi til, ekki gamlan 144, það er ekki fornbíll í mínum augum.

[Viggó Jörgensson, 3.5.2011 kl. 00:41]

Og þá á ég við Einar að þeir eru nánast enn í daglegri notkun