Ekki austur ESB gúlag?

Kínverski kommúnistaflokkurinn og gamla Alþýðubandalagið héldu fund á Bessastöðum í gærmorgun.

Fundarmenn voru hr. Össur Skarphéðinsson, hr. Ólafur Ragnar Grímsson og hr. He Guoqiang auk þess var frú Jóhönnu Sigurðardóttir boðið í félagsskapinn.

Að sósíalistar líti á Kína sem fyrirmyndarríkið kemur ekki í óvart, úr því að Sovétið leið út af. 

En að eðalkrati í þriðja ættlið, frú Jóhanna Sigurðardóttir telji eitthvað af Kínverjum að læra í efnahagsmálum, -  kemur á óvart. 

Velferð er engin, í Kína, eins og við þekkjum hana. Nema hjá moldríkri yfirstétt, í landi þar sem allir félagarnir eru jafnir.

Efnahags "galdur" Kínverja er að hafa mokað ódýrri vöru til vesturlanda.  

Varan er ódýr af því að fólkið er á þrælakjörum og ekkert er gefið fyrir óþarfa kostnað eins mengunarvarnir, umhverfis- eða vinnuvernd.  

Eru þetta framtíðarkjör okkar frú Jóhanna?  Eftir að hér verður sett upp ESB gúlag?

Kínverjar eru forn hámenningarþjóð.  Við getum þakkað þeim vinsemd, góð viðskipti og lært af þeim margvíslega speki.       

En það er tæplega í efnahagsmálum, nema fyrir æviráðna stjórnmálaelítuna.  Átti frú Jóhanna við það?

Og af hverju fékk Steingrímur ekki að vera með?  Er hann kominn á námskeið í Kína?  

 

Jóhanna: Lítum til Kína eftir fyrirmyndum