Ríkisstjórnin styður Catalinu?! Fær svo að starfa áfram.

Atvinnulífið er á heljarþröminni út af aðgerðum ríkisstjórnarinnar eða aðgerðaleysi.

Okurháir vextir og hækkandi skattar eru þar aðalsmerkið.

Eini atvinnurekandinn sem ríkisstjórnin hefur ekki áform um að bregða fæti fyrir er Catalina Mikue Ncogo.

Ríkisvaldið hefur engin áform uppi um að flytja frumvarp til laga um heimild til að svipta glæpamenn ríkisborgararétti.

Hér er átt við þá sem fengið hafa slíkan rétt úr hendi Alþingis.

Að þeir missi réttinn um leið og þeir verða dæmdir fyrir glæp.

Ríkisstjórnin kynnti á sínum tíma áformaðan stuðning sinn við nýsköpun.

Þar á meðal kvikmyndagerð, ferðaþjónustu og aukið viðhald á vegum ríkisins.

Nýsköpun í mansali, kvennakúgun, vændi og þrælahaldi var ekki nefnt.

Hér eru næg vandræði þó að erlendir glæpamenn séu ekki verðlaunaðir sérstaklega með ævarandi starfsréttindum hérlendis.

En glæpamenn þurfa ekki að kvíða framtíðinni.

Í fjárlagafrumvarpi Steingríms er löggæslan skorin duglega við trog.

Þökk sé góðu fangelsiskerfi okkar, þá getur Catalina haldið nýsköpunarstarfi sínu áfram úr grjótinu.

Eftir þessi rúm þrjú ár verður hún vísast með hórukassa í hverju kjördæmi.

Dómur yfir Catalinu þyngdur

Athugasemdir

[Þórdís Bachmann, 3.6.2010 kl. 21:52]

Verulega þörf athugasemd:

Að þeir missi réttinn um leið og þeir verða dæmdir fyrir glæp.

Versta er, að löggjafinn þykist ekki ná utan um lögin; þykist ekki getað refsað þeim sem á að refsa samkvæmt öllum skilningi manna.

Vegna þess, hefur skapast eitrað andrúmsloft á Íslandi.

Veit að stórt er spurt, en verðum við ekki að byrja í stjórnsýslunni - eins og hún leggur sig (lágt).

[Durtur, 4.6.2010 kl. 10:58]

Þá verðum við að svipta íslenska glæpamenn ríkisborgararéttinum líka, það er ekki hægt að mismuna fólki eftir að það er orðið Íslendingar. Kannastu við Stjórnarskrá Lýðveldisins Íslands?

Annars skil ég þig ekki alveg, ertu að segja að Ríkisstjórnin hafi hvatt Catalinu litlu til þessa athæfis með því að láta hana fá íslenskt ríkisfang? 

[Viggó Jörgensson, 4.6.2010 kl. 12:32]

Þetta er nú skrifað í hálfkæringi minn kæri Durtur.

Kannast vel við stjórnarskrána, jafnræðisákvæði hennar og bann við afturvirkni á refsikenndum viðurlögum. 

En ef þú vilt að ég tali í fúlustu alvöru þá er minn punktur þessi: 

Lögum um útlendinga á að breyta þannig að þar standi skírum stöfum að útlendingar sem fái íslenskan ríkisborgararétt,

á grundvelli laga frá Alþingi, skuli sviptir þeim rétti að lokinni refsivist fyrir glæp og vísað úr landi með endurkomubanni. 

Hér á ég við alvarlegustu glæpi. 

Ríkisstjórnin áformar ekki að ganga úr Schengen og koma á fyrra skipulagi að við ráðum sjálf hvaða fólk er í landinu. 

Hér er frjálst heimboð fyrir atvinnuglæpamenn austur Evrópu að hreiðra hér um sig.   Nýju vinirnir úr ESB.  

Selja börnum okkar eiturlyf o. s. frv.  Þrælka konur í hórdóm o. s. frv.  

Hér var aðeins sveitalöggæsla og hún fer minnkandi. 

Rétt eins og  glæpamennirnir hafi hannað kerfið sjálfir.   Hver segir líka að þeir hafi ekki gert það.

Mín vegna hefur það verið spilltur stjórnmálamaður á launaskrá einhverrar mafíu sem fann upp þessa Schengen vitleysu.  

[Viggó Jörgensson, 4.6.2010 kl. 12:35]

Sæl Þórdís.

Við þurfum að kjósa hæfara fólk til að stjórna.

Það er langtímaverkefni. 

Bkv. Viggó.