Enginn að rannsaka tengsl við skattaparadísir - auðvitað ekki........

Af hverju hrundu hér fjármálastofnanir sem fengu fína einkunn á álagsprófi hjá Fjármálaeftirlitinu rétt áður.  

Vona að viðskiptaráðherra viti að sama Fjármálaeftirlit er nú að rannsaka sjálft sig að þessu leyti.  

Vona líka að viðskiptaráðherra viti að innanhússfólk var ráðið til að stjórna bönkunum án auglýsingar.  Ekki veit ég hvort eitthvað misferli var á ferð í einhverjum bönkum t. a. m. Glitni eða Kaupþing.  Því síður hvort núverandi stjórnendur vinni hörðum höndum að því að sópa öllu undir borð.    

En Guð komi til, traustverkjandi eru vinnubrögðin ekki og því síður hafin yfir vafa.  

Er svo ekki einn viðskiptasnillingurinn að reyna að kaupa einn af bönkunum í Luxemburg?  

Það kæmi sér sérstaklega vel að bankinn yrði keyptur af ríkinu áður en íslensk yfirvöld drattast til að skoða þar gögn og reikninga tengda skattaparadísum.  

Erlendir blaðamenn danskir og rússneskir hafa ítrekað skrifað um aðila sem eiga að hafa haft eitthvað misjafnt í pokahorninu tengt bönkunum í Luxemburg.   Samfylkingin er greinilega allt of tengd þessu máli til að eitthvað verði rannsakað.  

Björgvin vissi ekki um KPMG fyrr en í gær