Lögreglan láti lítið fyrir sér fara - sérsveit láti ekki sjá sig.

Það er rétt stefna hjá lögreglunni að hafa sig sem minnst í frammi. 

Góðborgarar og venjulegt fólk, eigendur Íslands og umbjóðendur stjórnvalda voru á Austurvelli.

Örfáir unglingar og einhver einhverjir einstaklingar voru með skrílslæti eins og venjulega. 

Búast má við auknum mótmælum frameftir hausti og vetri. 

Það er eins gott að lögreglan hafi vit á að hafa sem minnst afskipti af mótmælum venjulegra borgara, til þess hefur lögreglan í raun og veru engar heimildir.  

Fundafrelsi og málfrelsi er verndað af stjórnarskrá sem er æðri réttarheimild en almenn lög.  Allt í almennum lögum, reglugerðum og lögreglusamþykktum sem er í andstöðu við lýðræðishefðir er ógilt.  

Lögreglan hefur rétt til að stöðva spellvirkja og brotlegan skríl en hefur engar gildar heimildir til að hafa nein afskipti af venjulegum borgurum sem eru að nýta sér fundafrelsi sitt og málfrelsi.

Svokölluð mannfjöldastjórnun ríkislögreglustjóra gegn vörubílstjórum var í framkvæmd alger lögleysa og þjóðarhneyksli.  

Vilji yfirvöld losna snarlega frá þrúgandi stjórnarstörfum, væri besta ráðið til þess að láta svokallaða sérsveit berja borgaranna á Austurvelli eins og vörubílstjóranna forðum.  

Þá er betra að gefa mönnum í nefið.       

 

Geir Jón: Lítið má út af bregða

Athugasemdir

[Eiríkur Sjóberg, 9.11.2008 kl. 02:27]

Vernda þarf lýðræðið.  Tek undir það.

Vernda þarf málfrelsið eins og það er þó rammað inn í íslenska stjórnarskrá, þar sem minnt er viturlega á ábyrgð gagnvart náunganum.  Tek undir þetta.

Fólk verður að hafa frelsi til að koma óánægju sinni á framfæri án afskipta lögreglu.  Tek undir þetta.

Ofbeldi og lögbrot eiga þó ekki að lýðast!

Að leysa deilur með ofbeldi er jafn heimskulegt og merkingarlaust og að leysa deilur með keppni í sjómann!

Eggjakast á veggi Alþingishússins.  Hvaða skilaboðum er nákvæmlega verið að koma á framfæri?  Hver eru hin málefnalegu skilaboð?

 Nú er ég jafn ósáttur við stöðu mála á Íslandi og í heiminum og aðrir.  En ég get ekki tekið undir með þeim sem fara fram með offorsi, gegn lögum og reglu, með merkingarlausum hætti.

 Auðvitað er fólk reitt.  En fólk verður að gæta sín á reiðinni.  Hún er hættuleg.

 Að safnast saman, jafnvel ítrekað, og minna á málefni sín er eina jákvæða leiðin til að koma sínu á framfæri.

 Og jafnvel þótt núverandi stjórnvöld beri mestu ábyrgðina á því hvernig komið er vegna eftirlitslausrar skuldsetningar íslensku bankanna, er ekki víst að kosningar séu tímabærar.  Mikil gerjun er í gangi.  Hugsanlega koma fram nýir stjórnmálaflokkar, hugsanlega klofningsframboð frá núverandi flokkum.  Tek þannig undir með stjórnarandstæðuþingmanninum Steingrími J. Sigfússyni að næsta vor verður réttur tími  til að krefjast nýrra kosninga.

Múgæsing er vel möguleg en leiðir ekki til skynsamlegra lykta. 

 Sameinaðir stöndum vér, sundraðir föllum vér!

 Og, með lögum skal land byggja!

[Ævar Rafn Kjartansson, 9.11.2008 kl. 15:21]

 Mótmæli - Skipanir að ofan neyða lögreglu til að sýna vald?

Megum við búast við þessu næsta laugardag?