Sjálfsritskoðun fjölmiðla - á móti lýðræði - skipuleg þöggun mótmæla.

Fjölmiðlamenn landsins hafa algerlega brugðist þjóðinni undanfarin ár.  

Þeir hafa verið meðvirkir bæði með stjórnvöldum og fjármálabullum í siglingunni að feigðarósi. 

Sjálfsritskoðun fjölmiðlamanna hefur verið aumkunarverð.  Enn stunda þeir þöggun á lýðræðisaðgerðum almennings.    

Nær aldrei er sagt frá því fyrirfram að almenningur ætli að koma saman í anda lýðræðisins og mótmæla t. d. á Austurvelli eða halda fund í Iðnó.  

Lýðræðisást fjölmiðlamanna og fagmennska takmarkast greinilega við eignarhaldið á fjölmiðlunum. 

Örfáir blaðamenn hafa verið eins og hrópandinn í eyðimörkinni en þeir hafa auðvitað ekki fengið vinnu hjá stóru fjölmiðlunum.

Þar hafa eigendur helst sætar klappstýrur sem mega mæta í partýin þeirra, sem fá svo mynd af sér í nýja kjólnum í Séð og heyrt.           

Eggjum kastað í Alþingishúsið

Athugasemdir

[101 (IP-tala skráð) 8.11.2008 kl. 17:43]

Og auðvitað fjalla krakkarnir (kalla sig blaðamenn)  á fjölmiðlunum um aukaatriðin.

Leitið í þessum miðlum að því sem Einar Már sagði í sinni mögnuðu ræðu eða þá það sem Sigurbjörg Árnadóttir sagði um finnsku leiðina.

Finnið það hvergi því þessir fákunnandi og skilningslausu börn sem hafa það hlutverk að miðla fréttum geta ekki greint aukaatriðin frá aðalatriðunum.