Enginn sé hærri en forsætisráðherra. Fækka þingmönnum.

Íslenskir ofurlaunaforstjórar sögðu að það væri svo mikil eftirspurn eftir þeim erlendis. Þeir væru bara farnir ef þeir fengju ekki alþjóðleg markaðslaun.

Svo hét það að ríkið yrði að greiða hærri laun svo að menn færu ekki í einkageirann og bankanna. 

Nú eru þessi rök haldlaus og ekki viðeigandi lengur.  Nú í endurreisninni á enginn ríkisstarfsmaður að hafa hærri laun en forsætisráðherra. 

Forsetaembættið á að leggja niður í núverandi mynd.  Áfram verði kjörinn forseti sem einnig verði þá forseti Alþingis svo hann hafi eitthvað gagnlegt fyrir stafni.    

Fækka á þingmönnum í 31.   Meirihluti þingmanna hefur engan nýtilegan starfa.  

Sumir þingmenn halda að Alþingi sé eitthvað framhald af menntaskólakappræðum og  háskólapólitíkinni.  Þetta fólk hefur ekki minnsta grun um hvernig verðmæti þjóðarinnar verða til og hefur aldrei unnið gagnlegt handtak.  Lifir í draumaheimi þar sem allt er gott og fallegt.  Telur að ekki megi nýta landið okkur til framfærslu og helst ekki borða fiskinn eða dýrin.   Auðvitað er þetta góðhjartað fólk sem vill vel.  Það á hins vegar að kenna á leikskóla en ekki sitja á Alþingi.  

Bankastjórarnir með of há laun