7430 hryðjuverka- og glæpaaðilar + LÍ á lista Breta.

Á heimasíðu breska fjármálaráðuneytisins, undirsíðu um hryðjuverk og glæpi, er exelskjal með 7430 helstu óvinum mannkynsins en neðst á þeim lista númer 7431 hafa Bretar sett Landsbanka Íslands. 

Á þessari undirsíðu er verið að segja frá kyrrsetningu á eignum hryðjuverka- og glæpamanna og það listað nánar í smáatriðum í exelskjalinu. 

Félagsskapurinn sem Bretar velja okkur er þjóðarmóðgun sem seint verður fyrirgefin.    

Upplistuð eru öll helstu hryðjuverka- og glæpasamtök heimsins, einstaklingar í þeim sem og þeir sem fjármagnað hafa hryðjuverk.

Efst á lista eru Al-Qaida og Talibanar í Afganistan, Pakistan, Saudi-Arabíu, Alsír, Sýrlandi,  Líbíu,  Túnis, Kúvæt, Filipseyjum, Egyptalandi, Palestínu, Jemen, Indónesíu, Sómalíu og víðar.

Þá er sams konar ófögnuður frá Kongó, Zimbabe, Burma, Íran, Hvíta Rússlandi, Súdan, Ivory Coast, Írak, Líberíu. 

Þá eru nokkrir einstaklingar á listanum sem stríðsglæpadómstóll Sameinuðu þjóðanna vil hafa tal  af, út af nokkrum þjóðarmorðum, í fyrrum löndum Júgóslavíu.

Neðstir eru svo við Íslendingar með Landsbankann. 

   

Íslendingar þrjóskir og ósveigjanlegir

Athugasemdir

[Einar Viðarsson (IP-tala skráð) 11.10.2008 kl. 19:22]

Já þetta gengur ekki, við verðum að vera númer 1 á þessum lista eins og öðrum!

[Ævar Austfjörð, 11.10.2008 kl. 23:37]

ertu með slóðina að þessum lista? væri fróðlegt að berja kvikindið augum

[Viggó Jörgensson, 12.10.2008 kl. 15:32]

http://www.hm-treasury.gov.uk/financial_sanctions.htm

Exelskjalið er þarna grænt á miðri síðu.