Eigum að stefna Bretlandi.

Nær enginn vafi er á því að breska fjármálaráðuneytið hafði ekki lagastoð til að frysta eigur Landsbankans í Bretlandi.   Að minnsta kosti ekki í þeim lögum sem vísað er í.

Íslenska ríkið á hiklaust að fara í prófmál og láta á þetta reyna.

Aldrei hafa Íslendingar kynnst annarri eins framkomu eins og Gordons Brown í vikunni.  Dómgreindarleysi mannsins er hreinlega ógnun við heimsfriðinn, kæmu slíkar aðstæður upp.    

Það er gríðarlegt ábyrgðarleysi af Bretum að hafa þennan mann á stóli forsætisráðherra.   

Í tilraun til að auka persónulegar vinsældir sínar heima fyrir, fannst honum ekkert vandamál að Íslandi yrði gjaldþrota.  Honum tókst það líka með okkar stærsta banka, Kaupþing, án dóms og laga.  

Aldrei hefur nokkur maður valdið íslenskri þjóð, öðru eins fjártjóni og Gordon Brown.  Adólf Hitler kemst ekki einu sinni nálægt því.

Maðurinn krefst þess að Íslendingar axli ábyrgð.  Bretar verða líka að axla ábyrgð á hans gerðum og fjármálaráðherrans.

Brown gekk allt of langt

Athugasemdir

[Magnús Jónsson, 11.10.2008 kl. 10:40]

Held að það sé borðliggjandi að stefna breska ríkinu, þetta atkvæðaplott hans Browns sett allt draslið á hausinn. KB og LB fullyrtu að þeir ættu eignir og vel ríflega það fyrir þessu öllu. Landsbankinn sagðist hafa átt 4000 milljarða og KB örugglega miklu meira. Ef að menn hefðu fengið frið fyrir þessum páfagauk til að vinna úr þessu væri staðan allt önnur.

Í stað þess sjá þúsundir íslenskra fjölskylda ekkert nema atvinnuleysi og örvinglan á næstu misserum.

Ástandið var að vísu ekki gott en þessi gjörningur hjá bretum rak naglann í kistuna.

Nú kemur ekkert annað til greina en að fara fyrir dómstóla með allt uppá borðinu. Þá kemur í ljós að þessi breski páfagaukur í raun tók íslenska fjármálakerfið og íslenska skattaþræla af lífi.

Maður er gáttaður eiginlega af hverju þessi páfagaukur sé ekki búinn að senda nokkra kjarnaodda hingað yfir okkur líka.