Ríkisstjórn Jóhönnu Sigurðardóttur er fallin. Samfylking og VG með minnihluta á þingi.

Nú er Samfylkingin með 19 alþingismenn og Vinstri hreyfingin grænt framboð með 11 alþingismenn. 

Samanlagður þingstyrkur ríkisstjórnarflokkanna á Alþingi er því 30 alþingismenn. 

Róbert Marshall, hefur lofað að verja ríkisstjórnina falli og þar með hefur ríkisstjórnin opinberlega 31 þingmann á bak við sig.

Samkvæmt þingræðisreglunni ber Jóhönnu Sigurðardóttur að fara á Bessastaði og biðjast lausnar.

Fari Jóhanna ekki sjálfviljug er rétt að stjórnarandstaðan beri fram vantraust svo að þjóðin fái þetta á hreint.

Þjóðinni kemur þetta nefnilega við er það ekki.  

„Kornin sem fylltu mælinn“

Athugasemdir

[Jón Steinar Ragnarsson, 24.1.2013 kl. 04:49]

Þetta verður látið óáreitt þar sem allir flokkar eru með allt niðrum sig og treysta sér ekki í kosningar alveg strax. Eða bara alls ekki. Engin trúir skoðanakönnunum um fylgi. Það er bara hipsumhaps hvað ómynd við fáum í staðinn.

Sænskir demókratar sátu fleiri kjörtimabil í minnihluta. Íslenskir kratar eru gjarnir á að apa upp sænsku línuna og treysta því að þeir hafi komið öllu í slík óefni að enginn þori að taka við eins og sænskir flokksbræður.

[Viggó Jörgensson, 24.1.2013 kl. 11:48]

Þetta er alveg rétt hjá þér Jón Steinar.

Og að á norðurlöndunum hafa setið minnihlutastjórnir en það er bara ekki venjan hér hjá okkur.

Ég hefði hins vegar viljað fá fram vantraust svo að þessi stjórnarskrár vitleysa hætti.