Tók hann ekki lýsið með?

Hafi manngrjónið ekki tekið lýsið sitt með hafragrautnum þá þarf vissulega að sekta hann.

Bifreiðin var ekki á ferð.  Ökumaðurinn var að bíða eftir að komast aftur af stað.

Hvað er athugavert við að ljúka við hafragrautinn sinn þegar bifreiðin er ekki í akstri?

Ég hef séð menn vera að raka sig á rauðu umferðaljósi, konur að mála sig og kemba hár sitt.

Aðrir eru að leita sér lúsa, hreinsa úr nefinu á sér af mikilli samviskusemi ellegar húðhreinsa sig á spegilinn.  

Sé ekkert athugavert við að fólk nýti tímann þegar það er ekki að skapa hættu á nokkurn hátt. 

Verra ef þeir gleyma að koma sér af stað þegar umferðarljósið verður grænt eins og spegillinn.   

En þá njóta þeir yfirleitt góðfúslegrar hjálpar samborgaranna sem flauta lítið eitt og jafnvel örlítið til.  

Lögreglunni væri nær að taka betur á þeim sem eru að snæða heilu máltíðirnar með akstrinum. 

Pylsur, hamborgara, samlokur, að sjálfsögðu með gosdrykk og ís í eftirrétt, allt til að hafa ofan af sér við aksturinn. 

Auk þess auðvitað að vera í hrókasamræðum með farsímann klemmdan á öxlinni.  

Svoleiðis verður fólk sem ekki borðar hafragraut og fúlsar við lýsinu.    

 

 

Borðaði hafragraut undir stýri