Hvaða heilsugæslulækna er konan að tala um? Þeir eru ekki svo margir.

Venjulega er svo mikil bið eftir að komast að hjá heilsugæslulækni. 

Að annað hvort er maður dauður eða batnað þegar maður á svo að mæta í pantaðan tíma.

Því fer maður þá á svokallaða læknavakt, og tekur þar tímann af grátandi börnum eða miklu veikara fólki

Hleypi svo auðvitað börnunum fram fyrir mig í röðinni og sit svo hóstandi yfir hina.   

Miklu nær að fara strax til viðkomandi sérfræðilæknis og spara þá óþarfa ferðir og kostnað.

Fái ég aðkenningu af lungabólgu, upp úr flensu, fer ég því beint til lungnalæknisins.  

Fer ekki fyrst til heimilislæknis á vaktinni, fyrir 2.700. kr. til að hann segi mér að fara til lungnalæknis.

Svo eru þúsundir manna án heimilislæknis.  Á höfuðborgarsvæðinu vantar um 50 heilsugæslulækna.

Í dag var tilkynnt að loka ætti heilsugæslustöðinni á Hellu meðal annars af því að þangað fæst ekki svo mikið sem einn læknir. 

Frú Álfheiður er fyrrverandi heilbrigðisráðherra en virðist búa í einhverjum öðrum heimi en við.

Það eru ekki til nægilega margir heimilis- og heilsugæslulæknar í landinu til að útfæra þessar hugmyndir hennar.

Og alveg langur vegur frá.

Hins vegar virðist frúin eiga í stöðugum útistöðum við læknastéttina. 

Og gerði sitt til að flæma þá úr landi þegar hún var ráðherra. 

Hverju skyldi það sæta? 

Miðað við vinnuálagið í læknanáminu og eðli vinnunnar eru íslenskir læknar á skammarlegum skítalaunum. 

En fái frú Álfheiður að ráða yrði það vandamál reyndar úr sögunni.

Því hér yrðu engir læknar. 

Hér að neðan er svo hlekkur á frábært viðtal við Sigurð Böðvarsson lyflækni og krabbameinslækni í Læknablaðinu. 

Sem var í einhverju erfiðasta læknisstarfi landsins en hafði 650 - 700 þúsund krónur í laun á mánuði eftir 15 ára nám.

Einmitt þegar Álfheiður sem heilbrigðisráðherra fullyrti að læknar hefðu almennt 2 - 3 miljónir á mánuði.   

Maður eins og Sigurður er um það bil tvöfalt klárari en venjulegur ráðherra en var á hálfum ráðherralaunum. 

Sigurður bendir á að hagfræðingur Læknafélagsins, hafi með öllum mögulega fáanlegum gögnum. 

Reiknað út að viðtal við sérfræðilækni kosti ríkið um 6.500.

En viðtal við lækni eða hjúkrunarfræðing, á heilsugæslustöð, kosti ríkið um 9.500. kr. þegar allt er talið. 

Álfheiður talar augljóslega ekki um mál af þekkingu frekar en alþingismenn yfirleitt.

Viðtalið, við Sigurð Böðvarsson, er skyldulesning fyrir þá sem vilja tjá sig af einhverju viti um þessi mál. 

Sem sagt óþarfi fyrir alþingismenn. 

http://www.laeknabladid.is/media/tolublod/1493/PDF/u02.pdf

 

Magnaukning hjá sérfræðilæknum

Athugasemdir

[Jón Steinar Ragnarsson, 30.11.2011 kl. 04:09]

Frábær pistill óborganlegar lýsingar og náttúrlega frábært viðtal við Sigurð.

[Viggó Jörgensson, 30.11.2011 kl. 04:14]

Kærar þakkir Jón Steinar, sem fyrr.