Tvískinnungur vesturlanda.

Sameinuðu þjóðirnar þyrftu helst að banna vopnasölu.

Stór hluti þjóða heims býr við ömurlegar aðstæður.

Ólæsi, fáfræði, óheilnæmt neysluvatn o. s. frv. 

En svo aumt land er ekki til.

Að þar séu ekki næg vopn í landinu.      

Svo að innfæddir geti murkað lífið hver úr öðrum. 

Á meðan glæpamenn á valdastólunum maka krókinn. 

Á viðskiptum við vesturlönd og stórveldin.

Er hjálpa spilltum stjórnarherrum að arðræna heilar þjóðir. 

Og senda þeim vopn og stríðstól fyrst af öllu.

Með kærum þökkum fyrir viðskiptin.   

Samþykkti viðskipti við Gaddafi

Athugasemdir

[Axel Jóhann Hallgrímsson, 19.9.2011 kl. 00:51]

Sammála hverju orði. Fyrsta verk vesturlanda, þegar um hægist í Líbýu, verður að uppfæra vopnabúr nýju valdhafana í Líbýu, ef þau eru ekki þegar byrjuð á því. Greiðslan verður svo reidd fram í svartagulli.

[Viggó Jörgensson, 19.9.2011 kl. 13:55]

Þakkir Axel.

Maður spyr nú að vopnasölu Bandaríkjamanna, Rússa og Kínverja.

En gaman væri að vita hvar vopnaframleiðsla Svía endar.

Eða hinna þjóðanna í hinni friðelskandi Evrópu. 

[el-Toro, 19.9.2011 kl. 20:48]

sælir drengir,

Líbía er sennilega með þeim stærstu dæmum sem við fáum um tvískinnung vesturveldanna.  sjón er sögu ríkari.

sameinuðu þjóðirnar bönnuðu vopnasölu til Líbíu.  ályktun sú er hægt að lesa á netinu.  Googla hana og sjá fyrir þig sjálfur.  en "AÐEINS" vesturlöndin (aðalega Frakkar) brutu sína eigin ályktun hjá sameinuðu þjóðunum og vopnuðu uppreysnaröflin með léttum vopnum svo sem rifflum og skotfærum.  einnig eru til fréttir um matvælasendingar og einhverskonar eldflaugar (væntanlega sem þú berð yfir öxlinni). 

og hvað segja fjölmiðlarnir.  EKKI NEITT.  þeir aðstoða frakka við að túlka að slíkt sé leifilegt þrátt fyrir vopnasölubannið sé í gildi.  en frakkar virðast hafa túlkað það sem svo að þeir mættu aðstoða uppreysnarmennina, en engir aðrir mættu vopna menn Gaddafi...enda var jú vopnasölubann.....merkilegt alveg að fjölmiðlarnir séu svona meðvirkir í stríðsátökum.

hvað með flugbannið sem NATO átti að sjá um.  fjölmiðlarnir fjölluðu um hlutverk NATO sem vopnabræður uppreysnarmanna eins og ekkert væri sjálfsagðara.  þrátt fyrir að ályktun UN um flugbannið tók á "ENGAN" hátt á slíkri starfsemi sem NATO síðan framkvæmdi í Líbíu.....Fjölmiðlar....er eitthvað skrýtið að maður er hættur að treysta þeim....?

ekki var ráðist inn í Líbíu vegna slæms ástands landsins.  Líbía var ríkasta land Afríku fyrir NATO.  hagkerfi Líbíu var stærra en landa eins og Rússlands.  og það sem fjölmiðlar segja ekki frá....rann mikið af olíu auðnum til framkvæmda fyrir fólkið í landinu.  stjórnarfar landsins er svo önnur saga.  sem og okkar eigið álit á Gaddafi.  ég er aðeins að telja fram staðreyndir.

nú er búið að skýra frá því að hinir nýju valdhafar í Líbíu ætla að setja saman stjórnarskrá byggða á Sharia lögunum.  ISLAMISTAR???

en það sem fær Bandaríkin, EU og NATO til að geta haldið áfram slíkum ófagnaði sem átti sér stað í Líbíu, er í raun fjölmiðlarnir.  aldrei hef ég áður séð þeim eins beitt og þarna.  slæmt var það þegar Georgíumenn réðust á rússa eða öfugt og í Írak. 

[Axel Jóhann Hallgrímsson, 19.9.2011 kl. 23:22]

Svíar eru eiginlega mestu hræsnararnir, opinberlega tala þeir fyrir friði og gagnrýna stórveldin hægri vinstri fyrir þeirra hernaðarstefnu, en eru sjálfir svo stórtækustu vopnaútflytjendur heims, ef miðað er við höfðatölu.