Svona þjófavörn ætti að vera í öllum bílum.

Ein frænkan var að fá aftur bílinn sinn sem var stolið við Umferðarmiðstöðina fyrir nokkrum vikum. 

Glöggir lögreglumenn höfðu afskipti af ungum mönnum, á bíl frænkunnar, og tóku eftir límbandi á númeraplötunum.

Límbandi sem breytti einkennisnúmerinu.

Þjófavörn er aðalkosturinn við staðsetningartæki að mínu mati. 

En þá er öruggara að staðsetja tækið á afviknum stað í bifreiðinni. 

Og tengja þannig að ekki blasi við þjófunum.  

Dýrir bílar á meginlandi Evrópu eru einatt með slíkum búnaði.

Enda mörgum lúxusbílum stolið á undanförnum árum og þeir fluttir til austurhluta Evrópu.  

Í öllum flugvélum er senditæki sem fer í gang ef flugvélinni hlekkist verulega á. 

Öll tækni er til staðar til að útbúa ökutæki með þeim hætti.

Slíkt kerfi gæti sparað mannslíf þegar ökutæki lenda í slysum á landsbyggðinni.

Og viðkomandi geta sjálfir ekki hringt eftir aðstoð og aðrir ekki á ferð þá stundina.  

Fróðlegt væri að vita af hverju slíkur búnaður er ekki í nýjum bílum. 

Og engin áform um það. 

Þorsteinn lýsir yfir sakleysi