NATÓ er friðarbandalag. VG vill Steingrím í rannsókn.

Ekkert stríð hefur verið innan landa Atlantshafsbandalagsins frá stofnun þess. 

NATÓ er því sannkallað friðarbandalag sem aldrei hefur farið í stríðsrekstur nema til að frelsa íbúa frá árásum og stríði. 

NATÓ löndin friðuðu Balkanskaga og er aðeins hægt að ásaka þau um að hafa verið of seinþreytt til aðgerða þar. 

Nú hefur þetta öflugasta friðarbandalag, fyrr og síðar, komið frá völdum versta stríðsherra samtímans. 

Gaddafi einræðisherra í Líbýu var alla tíð í stríði af einhverju tagi við nágrannalönd sín, þjóð sína og vesturlönd. 

Studdi alla stríðsherra veraldar, alla hryðjuverkamenn og yfirleitt öll skítseyði veraldarinnar þvert og langt. 

Sóaði stórum hluta af þjóðarauði Líbýumanna í stríðsrekstur og hryðjuverk. 

Með því að hreinsa þetta mannúrhrak af valdastól hefur NATÓ unnið stórkostlegt afrek í þágu friðar og mannúðar. 

Ég legg til að íslenska ríkisstjórnin skrifi nóbelsnefndinni og krefjist þess að NATÓ fái friðarverðlaun Nóbels.

Margir muna þá tækni Kínverja að skamma Albani þegar þeir meintu Sovétmenn. 

Eða var það öfugt? 

Þessi tækni kommúnista var hluti af svokallaðri Kremlólógíu.  

Nú eru Vinstri Grænir brjálaðir við Steingrím J. Sigfússon sem leyfði NATÓ að nesta út her. 

Og senda til höfuðs Vinstri Grænum í Líbýu og hinum elskaða bróður leiðtoga Gaddafi.  

Eins og allt annað fyrir ráðherrastólinn.

Og nú vilja Vinstri Grænir að Steingrímur láti rannsaka á sér höfuðið.  

En geta ekki sagt það við hann sjálfan þar sem hann er jú hinn elskaði bróðir leiðtogi. 

Í staðinn skamma Vinstri Grænir Albaníu eða Össur og hóta þeim rannsókn. 

Sama hvort er.  

Einhugur í VG um úrsögn úr NATO

Athugasemdir

[Rauða Ljónið, 29.8.2011 kl. 23:47]

Þetta sagði Álfheiður Ingadóttir um þetta mál m.a. í mars 2011 á Alþingi:
"Ég bind miklar vonir við það, frú forseti, að öryggisráðið sem situr nú á fundi nái í dag langþráðri niðurstöðu um frekari aðgerðir til að verja líbísku þjóðina gegn hernaði Gaddafís. Vopnasölubannið og aðrar þær aðgerðir sem voru ákveðnar í febrúar sl. hafa því miður ekki haft mikið að segja því að þvert á vonir um að Gaddafí mundi víkja fyrir lýðræðisbylgjunni hefur hann lagt undir sig hvert vígið á fætur öðru og nú bíða menn þess að Bengasí falli og í kjölfarið óttast menn, með réttu, víðtækar hefndaraðgerðir og jafnvel þjóðarmorð.

Því má það ekki dragast lengur, ekki deginum lengur, að það verði látið á það reyna í endanlegri atkvæðagreiðslu í öryggisráðinu hvaða þjóðir það eru sem þar munu beita neitunarvaldi gagnvart því að koma líbísku þjóðinni til hjálpar. Það er mín skoðun að á það verði að reyna fyrst því að ég tel ekki að Bandaríkjamenn einir eða með viljugum þjóðum eða NATO sem slíkt eigi að fara inn í annað arabaríki án samþykkis og ákvörðunar Sameinuðu þjóðanna.

[Viggó Jörgensson, 30.8.2011 kl. 12:19]

Samkvæmt ályktun VG

verður Álfheiður send í rannsóknina með Steingrími...

[el-Toro, 30.8.2011 kl. 23:40]

sælir,  er þetta kaldhæðni að NATO sé friðarbandalag?  :) 

mögulega ef NATO fengi friðarverðlaun nóbels, þá mundu þeir fella af stalli þann friðarverðlaunahafa sem flesta hefur drepið...sjálfan Obama.  en best obama fék nóbelin....því ekki NATO.

eins og staðan er í dag, þá hefur Obama drepið fleiri saklausa borgara um allan heim heldur en allir aðrir friðarverðlaunahafar nóbels frá upphafi....ekki slæmt record það.

en af allri kaldhæðni undanskildri.  þá þykist ég vita að þú sért vel lesin og ég yrði ekki hissa þó þú hefðir komið til Líbíu.  það dæmi ég af skrifum þínum hérna á mbl.is  en ég verð að skjóta aðeins á þig, að heimurin er ekki einsleitur!!!.  Gaddafi er ekki einsleitur, hann hefur bæði slæma hluti gert og góða.  Aðgerði NATO gegn serbíu og afleiðingar þeirra (kosovo) eru ekki bara góð.  þau hafa haft slæmar afleiðingar jafnt á við þær góðu.  ég veit hver afstaða þín til málsins í Líbíu er, en mér finnst stundum vanta hina hliðina á hlutunum sem þú amast út í.

þess vegna spái ég oft þegar ég les greinarnar þínar hvort þú lesir þér til á báða bóga? 

ég er ekki að gagnrýna þig, síður en svo.  ég veit að þetta er þín skoðun sem þú heldur uppi.  en á öllum þessum atriðum sem þú telur upp í þessari grein þinni, er önnur hlið.  önnur hlið sem lítur ekki allt of vel út fyrir vesturveldin.  mér finnst vanta í greinar þínar báðar hliðar á málefnunum sem þú skrifar um.  hvað finnst þér?  ertu á annari skoðun um þetta heldur en ég?  yrði þá ekki í fyrsta sinn ;)

kveðja.