Er ekki eitthvað af þessum lyfjum, á götunni, smygl?

Vissi ekki annað en að það væri búið að herða vel að þessum málaflokki.

Þessi lyf eru öll eftirritunarskyld og sérstaklega litið eftir hvort þeim sé óeðlilega ávísað. 

Eða það héldum við sauðsvartur almúginn.  

Grétar Sigurbergsson er sá geðlæknir sem mest hefur sinnt ADHD og hefur gert það bæði faglega og vel.

Hinir læknarnir eru einnig geðlæknar eða sérfræðingar á sviðum sem sérstaklega snýr að þessum málaflokki.

Þetta er ekki merkilegra en að krabbameinslæknar ávísi mest af krabbameinslyfjum.

Sóðafréttamennska að gera þessa menn tortryggilega.

Á síðustu öld gekk ég vaktir á geðdeildum Landsspítalans og veit að þetta eru öndvegismenn ýmist af eigin reynslu eða afspurn.

Þeir sem þurfa á þessum lyfjum að halda, þurfa þess flestir til langs tíma.

Miðað við þá forsendu eru þessir dagskammta útreikningar ekki réttir.

Flestir vita að öll lyf eru gefin í mismunandi skömmtum eftir mati læknis hverju sinni. Fer það eftir alvarleika veikindanna, aldri og líkamsþyngd sjúklings. 

Enda sést að þarna er reiknað með svipuðum skammti fyrir alla sem fær ekki staðist. 

Séu tölurnar reiknaðar upp, sést að þeir Grétar, Garðar og Ómar ávísa stærri skömmtum enda eru þeir með fullorðna sjúklinga. 

Þeir Grétar og Garðar sjá greinilega sína sjúklinga á þriggja mánaða fresti og ávísa stærri dagskömmtum en Ómar sem sér sína sjúklinga á tveggja mánaða fresti. 

Það þarf ekki að þýða neitt annað en að Ómar sé með yngri sjúklinga eða beiti meira öðrum aðferðum.

Þeir Stefán og Gísli eru með mun minni dagskammta enda eru þeirra sjúklingar ungmenni og börn.  

Stefán er með fötluð börn og skrifar eðlilega stærri dagskammta en Gísli.  

Hins vegar er sjálfsagt að líta eftir því hvort einhverjir sjúklingar selji lyfin sín. 

Contalgin (morfín) gátu ekki einu sinni dauðvona sjúklingar fengið að hafa heima hjá sér fyrir 15-20 árum. 

Þyrftu þeir á því að halda kom hjúkrunarfræðingur heim og gaf þeim sprautu. 

Í þeim málaflokki gæti eitthvað hafa farið út af sporinu sem sjálfsagt er að athuga.  

Þar kæmi ekki á óvart þó að hluti af þeim morfínlyfjum sem seld eru á götunni sé smygl en ekki ávísað af læknum. 

Galdrabrennur höfum við lagt af.  

  

Vilja fund um lyfjamálið