Reyna að sækja - um 50 látnir fundust 2009

Enn sem komið er hafa engir náðst af hafsbotni úr Air France flug 449. 

Slysið varð aðfaranótt 1. júní árið 2009.  Vikurnar á eftir fundust um 50 látnir á floti í sjónum. 

Meðal þeirra sem fundust voru flugstjórinn.  

Mjög sterkar líkur eru á að hann hafi verið í koju þegar slysið varð. 

Hann var með fleiri flugtíma en flugmennirnir tveir til samans.  

Í þessu langa flugi voru þrír flugmenn í stað tveggja á styttri leiðum.

Það var eðlilegt að flugstjórinn hvíldist um miðbik flugsins, venjulega viðburðaminnsti hluti þess. 

Nokkrar þotur flugu um sama svæði á svipuðum tíma.  

Allar hinar nema ein, beygðu framhjá miðju óveðursskýs sem var á flugleiðinni. 

Þessi eina var fjögurra hreyfla risaþotan Boeing 747-400 sem kölluð er Júmbó, heildarflugtaksþungi um 400 tonn. 

Vélin sem fórst var af gerðinni Airbus 330-203, tveggja hreyfla breiðþota, heildarflugtaksþungi um 168 tonn.  (-233 tonn eftir týpum. )  

AF flug 449 fór einnig beint í gegnum miðjuna en náði ekki út úr veðurkerfinu.  

Líkur eru á að minna ský hafi byrgt flugmönnunum sýn á veðurratsjána, á stærra skýjakerfið. 

Og þeir hafi ekki séð stóra þrumuskýskerfið fyrr en þeir voru lentir inn í því. 

Ekki er ómögulegt að annar flugmannanna hafi verið á salerninu þegar ósköpin dundu yfir.   

Talsverðar líkur á að allir þrír hraðamælaskynjarar vélarinnar (pitots tubes) hafi orðið óvirkir í einu, vegna ísingar. 

Þessi gerð af pitotum (Thales AA) er næm fyrir mengun og losar sig síður við óhreinindi en síðari týpa sem einnig er betri í slagveðursrigningu (Thales BA).

Að missa út alla hraðamæla (öll kerfin þrjú) leiddi mögulega til þeirrar atburðarásar sem  flugmönnunum vannst ekki tími til að komast út úr. 

Margsinnis höfðu flugmenn á þessari vélargerð misst út einn og tvo skynjara. 

Airbus verksmiðjurnar voru búnar að mælast til að skipt yrði um a. m. k. hluta af þessum skynjurum.   Air France var búið að móttaka þá rétt fyrir slysið.  

Mögulega voru aðeins 4 mínútur frá byrjun til enda þeirrar atburðarrásar sem leiddi til slysins.

Á þessum fjórum mínútum sendi flugvélin frá sér yfir 20 sjálfvirk bilanaboð. 

Flest þeirra fóru á skjá flugmannanna.  

Á sama tíma fór sjálfstýringin af vélinni, sjálfstýringin af hreyflunum, stjórnkerfin og stjórntölvurnar fóru út hver á eftir öðru.  (Þau eru þrjú).

Sumir í flugheiminum telja jafnvel mögulegt að vélin hafi fengið ísingu á sig alla, ekki aðeins hraðaskynjarana (pitots). 

Í flughæð vélarinnar getur ísing ekki myndast undir venjulegum kringumstæðum. 

Þrumuskýið sem vélin fór í er eina skýtegundin (cumulus nimbus)  sem nær upp í farflugshæð farþegaþotna

og reyndar upp í þá hæð sem Concord flaug í.  (60.000. fet).

Svo stór farþegaþota á að komast klakklaust í gegnum slíkt ský, fullyrða sumir airbus flugstjórar.  

Einnig þó að hraðamælar detti út, þá eiga flugmennirnir að stilla hreyflanna, á þessari vélargerð,  á tiltekið afl og nef vélarinnar ákveðnar gráður yfir sjóndeildarhring, eftir flughæð og þyngd vélarinnar.

Þannig átti vélin að geta flogið innan síns hraðasviðs í betri skilyrði, þrátt fyrir að allar upplýsingar vantaði um flughraðann.   

Þetta þarf að gera áður en lagst er í lestur á öllum tölvuboðunum, það má ekki gleyma að fljúga vélinni eða að fylgjast með tölvunum þegar sjái þær um stjórnina.  

Í þessari hæð er hraðasviðið þröngt, of mikill hraði veldur höggbylgjum, of lítill hraði þýðir ofris og vélin missir flugið og fer hratt niður.  

Með tækin í lagi er auðvelt fyrir flugmenn að bjarga sér út úr ofrisi í slíkri hæð.  

Sumir hafa gert því skóna að flugmennirnir hafi ekki strax sett hreyflanna á rétt afl og vélina í rétta stöðu - út af öllum tölvuboðunum sem helltust yfir þá.  

Áður óþekkt magn af boðum á svo stuttum tíma.

Spurning hvort tölvutæknin sé til bóta á neyðarstundu, þrátt fyrir allt.  

Einhverjir telja að elding eða eldingar hafi spilað inn í, en það þykir mjög ósennilegt.  

Vitað er að vélin var heil þegar hún lenti í sjónum og að hún var með nefið lítillega reist upp.  

Og þó að hún hafi verið á einhverjum, nú óþekktum, hraða fram á við, var höggið, niður á við, svo gríðarlegt að allir hafa látist samstundis, af hrygg, háls og mænuáverkum. 

Það skiptir flugheiminn, ekki síst Airbus verksmiðjurnar, gríðarlegu máli að flugritarnir náist óskemmdir til skoðunar.      

Ein tilgátan er nefnilega einnig, að þarna hafi verið óþekkt veðurfyrirbrigði á ferðinni sem orsakist af hlýnun jarðar. 

Það er að eitthvað þarna inn í þrumuskýinu hafi hegðað sér ofsafengnar og hraðar en menn eiga að venjast.  

Fljótlega eftir slysið var skipt um hraðamælisskynjarana í þessari vélargerð og eru þeir nú frá öðrum framleiðanda, af gerð sem hafði reynst ónæmari fyrir ísingu.    

 

Sækja lík úr vél Air France