Bragi Árnason prófessor hvatti til vetnisnotkunar fyrir 30 árum.

Það var vonum seinna að Íslendingar hæfu tilraunir með vetnisbíla nú fyrir nokkrum árum.

Þetta er svo snilldarviðbót hjá þessum drengjum á TEZ að blanda vetninu saman við hefðbundið eldsneyti. 

Eldflaugar nota vetni og fljótandi súrefni.  Sú blanda er gífurlega öflug en sprengihætta að sama skapi mikil. 

Vonandi verða engin slys með þessa nýju orkugjafa okkar vetni og metan. 

 

Minnkar bensíneyðslu um 30%

Athugasemdir

[Jón Bragi Sigurðsson, 3.3.2011 kl. 22:22]

Ég spurði nú sjálfan mig að því hvort það væri fyrsti apríl þegar ég las þessa uppskrúfuðu og kjánalega skrifuðu frétt. Þeir eru að "þróa" þetta segir á einum stað meðan á öðrum stað er þetta klárt og kostar svo og svo mikið, ísetning og sjálfur búnaðurinn. 30% og 70-80%! Allt klárt og no problems. Það sem bifreiðaverksmiðjur og mótorframleiðendur úti í heimi eru búnir að vera að vinna að í áratugi með takmörkuðum árangri hefur verið fixað á nótæm í bílskúr uppá Höfða. Hafa menn virkilega ekkert slegið af sjálfumgleðinni, gagnrýnisleysinu og flónskunni á þessum síðustu og verstu tímum?

Fyrir um tíu árum var það uppgefið af snillingum á Íslandi að nú skyldi allt knúið með vetni. Allur bílaflotinn á fáum árum og þar á eftir allur skipaflotinn. Þetta átti allt að gerast á innan við fimm árum. Hver er staðan í dag? Hvað er stór hluti af bílum og skipum knúinn með vetni í dag? Og hvar eru þeir snillingar sem báru þetta á borð þannig að þetta komst meira að segja í erlenda fjölmiðla? Þið sem gleypið þetta gagnrýnislaust; geymið þessa frétt og takið hana upp aftur eftir 1-2 ár og sjáið til hvort þið hafið ekki verið hafðir að fíflum einu sinni enn. Ég viðurkenni að ég lét hafa mig að fífli fyrir tíu árum varðandi vetnið og var meira að segja að grobba mig af snilld vorri við útlendinga en hef ákveðið að trúa þessari frétt vægast sagt varlega.

Eins og ég sagði þá finnst mér líka stíllinn og fullyrðingagleðin í þessarri frétt síður en svo til að vekja trúverðugleika.

[Viggó Jörgensson, 3.3.2011 kl. 22:47]

Þú segir eins og bóndinn sem sagðist bara trúa litlu í einu, Jón Bragi.  

Þetta með vetnið hefur lengi legið fyrir.  Það hefur aðeins verið spurning hvenær það borgaði sig.

Dæmi til hliðsjónar er vindorkan.  Þó að nægur sé vindurinn á Íslandi er það svo svakalega dýr orka, borið saman við vatnsorku,

að Íslendingar munu ekki nýta sér vindorku í fyrirsjáanlegri framtíð.  

En vindorkan er þarna.  Fjárfesting í henni bara borgar sig ekki, eins og sakir standa. 

Það sama á við vetnið, spurning hvenær búnaðurinn borgar sig.  Um það veit ég ekki frekar en flestir aðrir. 

Þeir sem fjárfestu í eyðslufrekum bílum og sitja uppi með þá, hafa margir látið setja búnað í þá til að nýta metan.  

Ég þekki persónulega tvö dæmi.   Þeir menn reiknuðu dæmið þannig út að þeir yrðu annars að leggja þessum bílum sínum

og þar með var sú fjárfesting orðin lítils virði.   Og með góðum vilja reikna menn svo út að þetta borgi sig á einhverjum árum. 

Kannski er það rétt hjá þeim og kannski ekki.  Það er líka dýrt að kaupa nýjan eyðslugrannan bíl.

Lengi hefur verið vitað úr flugvélaiðnaðinum að hægt er að ná meiri orku út úr sprengihreyflum með því að sprauta alkóhólblönduðu vatni inn í sprengirýmið. 

Með kælingunni sem þá fæst má kreista meira út úr hreyflunum.  

Síungir strákar láta setja Nítró búnað í bíla sína og geta með innsprautun aukið aflið í bílum sínum verulega.   Hagkvæmnin er líklega vafasöm. 

Á sama hátt er hægt að sprauta vetni inn á bílvélar og auka afl þeirra.   Því trúi ég eins og nýju neti. 

Um hagkvæmni þessa hefur ekkert verið fjallað svo ég viti.

Hvort þessi fjárfesting komi einhvern tíman úr kafi eins og sagt er í viðskiptafræðinni. 

Eitthvað hlýtur vetnið að kosta að svo einnig búnaðurinn eins og fram kom. 

Hitt er víst að hefðbundið eldsneyti getur hækkað það mikið að þetta borgi sig.

Hvenær og hvort það verður veit ég ekkert um.

Hitt er ég viss um að þetta er hreinni bruni og vélarnar slitna minna en áður og snilldin er minni mengun.   

Kærar þakkir fyrir hugvekjuna og innlitið.

[Jón Bragi Sigurðsson, 4.3.2011 kl. 06:14]

Jú ég er eins og Þórður gamli í Niðurkoti (Sjálfstætt fólk) sem trúði aldrei mjög miklu í einu

Auðvitað óska ég mönnum alls hins besta varðandi þetta. Mér finnst bara blaðamenn dálítið ókrítiskir þegar þeir hlaupa með hvað sem er.

[Viggó Jörgensson, 4.3.2011 kl. 10:38]

Já aumingja Þórður gamli og myllan hans sem aldrei varð. 

Við erum algerlega sammála um að blaðamenn virðast yfirleitt ekki hafa tíma til að vinna hlutina almennilega.

Ég er annars sammála ykkur Þórði gamla og tek öllu með fyrirvara sem mér er sagt.   

[Kristinn (IP-tala skráð) 4.3.2011 kl. 11:01]

Menn hafa nú verið að grúska í þessari hugmynd í einhvern tíma. Leitið að "water 4 gas" og þá kemur margt í ljós. Þetta er t.d. eitthvað sem hver og einn ætti að geta gert sjálfur í skúrnum hjá sér.

http://www.auto-facts.org/water4gas-scam.html

[Viggó Jörgensson, 4.3.2011 kl. 13:00]

Þakka þér fyrir linkinn Kristinn.

Kannski kemur þessi tækni upphaflega frá NASA?

Þeir hjá TEZ vísa á greinar eftir vísindamenn þar, á heimasíðu sinni.

Um kraftinn þarf ekki að efast.

Það sáum við því miður þegar geimferjan Challenger sprakk í tætlur árið 1986 út af einum biluðum O hring.

Ekki treysti ég mér til að ráðleggja öllum almenningi að fikta við þetta í bílskúrnum hjá sér.  

Þetta er málaflokkur fyrir sérfræðinga. 

Kannski í einhverjum tilfellum sjálfmenntaða en gæti líka endað með skelfingu.