Vill sr. Bjarni brenna sr. Geir á báli ?

Þeir sem ganga með þingmanninn í maganum hlaupa eftir öllu sem til vinsælda er fallið.

Skiptir þá engu hvaða heimsku skríllinn aðhyllist þennan daginn né heldur þveröfugt þann næsta.   

Skríllinn man það ekkert hvort eð er.  

Auðvitað er hafið yfir allan vafa að frumskylda allra manna er að vernda öll mannanna börn. 

Allt eðlilegt fólk hefur mikla ánægju af því að fylgjast með þroska barna.

Allt eðlilegt fólk vill vernda börn frá hvers konar hættum og gildir þá einu hvers börn það eru. 

Ekki liggur minnsti vafi á að sr. Geir Waage er í þessum hópi eðlilegs fólks sem setur velferð barna í forgang allra hluta. 

Menn með barnagirnd ættu frekar að snúa sér til sr. Bjarna Karlssonar en sr. Geir Waage.  

Sr. Geir Waage myndi án vafa láta slíka menn játa á sig brot sín fyrir réttum yfirvöldum áður en dagur væri að kveldi kominn.   

Sr. Bjarni myndi ef til vill íhuga hvað væri vinsælast hjá kjósendum.  Ekki veit ég það. 

Geir Waage hefur aldrei hlaupið eftir vindum Ragnars Reykás og hans geysimörgu ættingja. 

Geir Waage er að tala um grundvallaratriði og þá jafnvel fræðilega frekar en hitt.

Þessi umræða um þagnarskyldu á alltaf rétt á sér og varðar fleiri stéttir en presta svo sem lækna. 

Fyrir nokkur hundruð árum hefði sr. Bjarni Karlsson orðið feikivinsæll fyrir að vilja brenna sr. Geir Waage á báli fyrir rangar skoðanir.  

Slíkt hugarfar skoðanakúgunar er jafn slæmt nú og það var þá og sannanlega ekki kristilegt. 

Pax vobis cum.  

 

 

„Nú þarf Geir Waage að hætta“

Athugasemdir

[Jón Aðalsteinn Jónsson, 22.8.2010 kl. 13:04]

Já það eru margir fletir á þessu máli og ég er sammála þér að flestu leiti og sem fyrverandi sóknarbarn Geirs þá velkist ég ekki í vafa um að hann setur velferð barna og annarra í forgang um leið og hann stendur fastur á grundvallar atriðum hlutur sem að við mörg mættum taka okkur til fyrirmyndar og ég leifi mér að fullyrða að yrði prestur áskynja um illa hluti myndi hann finna leið til að vinna á þeim án þess að rjúfa trúnaðarheit sitt. Það eru jú margar leiðir að hverju markmiði.

[Anna Sigríður Guðmundsdóttir, 22.8.2010 kl. 13:49]

 Viggó og Jón Aðalsteinn. Ég tek undir orð ykkar. M.b.kv.