Notkun öryggisbelta á ekki að vera val - heldur lagaskylda.

Ef allir væru alltaf með öryggisbeltin spennt, yrðu tiltölulega lítil meiðsli á fólki í langferðabílum, við veltur á jafnsléttu. 

Á vefnum eru ítarlegar skýrslur um rannsóknir á rútuslysum.  

Aðalvandamálið er að fólk situr ekki með beltin spennt.

Farþegar kastast út og verða undir bílnum. 

Farþegar kastast langar leiðir inni í bílnum og slasast meira en skyldi.

Sömuleiðis kastast þeir á aðra farþega og báðir slasast.   

Farþegar í öryggisbeltum geta slasast nokkuð við að reka höfuðið í gler, gluggapósta, sæti og sessunauta en það eru venjulega mun vægari meiðsl en þær alvarlegu afleiðingar sem geta leitt af því að vera beltislaus.      

Líðan frönsku konunnar stöðug

Athugasemdir

[Ólafur Þórðarson, 22.7.2010 kl. 19:17]

Einmitt.

Einnig á að skoða með að lækka hámarkshraða, ekki að ég segi að það sé valdur í þessu tilviki.

[Hörður Halldórsson, 22.7.2010 kl. 21:33]

Vann fyrir nokkrum árum hjá verktaka.við virkjanaframkvæmdir .Starfsmennirnir voru keyrðir upp eftir á mánudagsmorgnum og heim um helgar.Man hvað öryggisbeltum var ábótavant í rútunni,en hún var keyrð býsna rösklega.

Á virkjanasvæðinu hins vegar var ströng hjálmskylda og var framfylgt af öryggisfulltrúa. Jafnvel þó að menn væru á "öruggu svæði " kannski að taka til vörur eða þess háttar alltaf var hjálmskylda.Síðan mátti þeysa með mannskapinn á 110 km hraða á blautu svelli í beltislausri rútu. .