Það getum við staðfest.

Við sem vorum alla tíð í skóla með Ingibjörgu Stefaníu getum öll móðgast með henni.

Ómaklegt að hennar mikla persóna sé þynnt úr með þessum hætti. 

Ingibjörg er einstaklingur sem stendur upp úr fjöldanum. Skarar fram úr bæði konum og karlmönnum.    

Ingibjörg er bráðgreind, dugleg, sjálfstæð, ákveðin og hefur alla tíð getað komið vel fyrir sig orði.

Væri glæsilegur stjórnmálamaður að breyttu breytanda.  

Hugsa og framkvæmi sjálf

Athugasemdir

[Ingibjörg Guðrún Magnúsdóttir, 9.7.2010 kl. 13:06]

Erum við ekki nýlega búin að lesa það í fréttunum að maðurinn hennar Jón Ásgeir Jóhannesson hafi verið að ganga frá 500 milljóna króna láni fyrir hennar hönd...

[Viggó Jörgensson, 9.7.2010 kl. 15:04]

Fólk getur svo sem lent í slæmum félagsskap.  Er ekki ástin blind? 

[assa (IP-tala skráð) 10.7.2010 kl. 02:40]

Hugsi hún sjálfstætt og taki eigin viðskiptaákvarðanir þá myndi ég nú frekar segja að það beri merki dómgreindarleysis að setja heila þjóð á hausinn frekar en það sýni greind hennar. Það er a.m.k. nokkuð ljóst að hún hefur þá tekið rangar ákvarðanir í óraunveruleikaþætti sínum.

[Ólafur Ingi Hrólfsson, 10.7.2010 kl. 03:11]

Veldi konunnar byggist á fé sem kom úr Hagkaupsarfinum -

Hól þitt um hana er yfirdrifið - en eins og þú segir sjálfur þá getur fólk lent í vondum félagsskap - mér finnst það ekki greindarmerki að halda áfram í honum ár eftir ár - og einhvernveginn læðist að mér sá grunur að JÁ hafi meiri áhrif á ákvarðanir hennar - - fréttir sem hafa borist bera það með sér - tilfærsla á veðböndum - lántökur sem JÁ stóð í fyrir hana og annað þess háttar.

Tek undir það sem assa segir.

[Viggó Jörgensson, 10.7.2010 kl. 19:00]

Í Breiðagerðisskóla, Réttarholtsskóla og MS kölluðum við skólasystkinin hana Dúddu.

Við vorum eitt árið saman í bekk en vorum alveg á sitt hvorum enda í tilverunni.

Mætti jafnvel segja að við höfum hvorugt þolað hitt. Heilsumst ekki á götu.

Finnst samt ekki ástæða til að úthúða ágætri persónu fólks á grundvelli þess hvernig makinn hafi haldið á spilum þeirra.  

Ég þekki líka vel til Jón Ásgeirs og man ekki eftir neinu fallegu til að segja um hann enda hefur siðblindan skemmt margt fyrir honum. 

Jú hann er ágætur húmoristi og getur meira að segja gert grín að sjálfum sér.

Galdrabrennur lögðum við af á miðöldum. 

Í dag sjá dómstólar um tyftunarmál.   

[assa (IP-tala skráð) 11.7.2010 kl. 04:12]

Var einhver að tala um að ástin væri blind :) Ég held það sé sama hversu greind einhver manneskja er talin vera. Þegar sú sama manneskja sýnir af sér þvílíkt óraunsæi og ég leyfi mér að segja hroka eins og Ingibjörg hefur sýnt, þá hlýtur maður að efast um greind þeirrar manneskju. Það má vera að hún hafi verið skynsöm hér einu sinni, en hún hefur þá villst af leið og tapað áttum rétt eins og hver annar sakamaður.