Læknar hafa samið alvarlega af sér.

Læknar hafa klúðrað launamálum sínum alveg ótrúlega.

Maður með 533.157, kr. í mánaðarlaun á að fá kr. 5.331. á tímann í yfirvinnu. 

Þessar gæsluvaktir eru líka klúður.  Ein gerð þeirra er þannig að ekki er greitt fyrir útköll eins og hjá öðrum stéttum.  

Það er bara rökleysa að sérfræðingur á deildum með bráðveiku fólki geti verið heima hjá sér á lúsalaunum af því að hann sé á einhvers konar gæsluvakt.  Það segir sig alveg sjálft að slíkur sérfræðingur mun verða kallaður á sjúkrahúsið og fyrir það á hann að fá ríkulega greitt í samræmi við menntun og ábyrgð.  

Þá eru í annan stað aðeins greiddir 2 tímar fyrir útkall í kjarasamningum þar sem aðrar stéttir hafa alltaf fengið greidda 4 tíma.  

Frá öndverðu hefur lunginn úr bestu námsmönnum landsins reynt sig við læknanám. 

Auk þess að hafa verið harðsnúnir námsmenn þurfa læknar oft að vera í skóla og starfsnámi nær hálfa ævi sína. 

Heilbrigðiskerfið er læknar og læknar eru heilbrigðiskerfið svo að ég einfaldi hlutina nokkuð. 

Við Íslendingar höfum eitt besta heilbrigðiskerfið í heimi.  Það er ekki til að hafa í flimtingum að okkar reyndustu læknar séu á faraldsfæti. 

Frekar vildi ég tvö eða þrefalda laun lækna en að snúa til fortíðar þegar fólk dó eftir að hafa stigið á ryðgaðan nagla, hvað þá meir.    

Frekar ætti að leggja niður nær allar stofnanir ríkisins heldur en stappa heilbrigðiskerfið ofan í svaðið. 

   

Erfitt starf og illa launað

Athugasemdir

[valdimar (IP-tala skráð) 7.7.2010 kl. 17:06]

Er ekki eitthvað bogið við fréttaflutning sem gefur til kynna að læknir hafi svipuð laun og kaffibarþjónn um tvítugt? Ættum við ekki að fá heildarlaun Sigurðar læknis upp á borðið? Þess utan er umhugsunarvert að læknar sem notið hafa stuðnings íslensks samfélags til sinnar menntunar láti sig hverfa frá vellaunuðum störfum á Íslandi vegna þess að grasið er grænna erlendis.

[gnúsinn (IP-tala skráð) 7.7.2010 kl. 20:01]

A. Þessi störf eru einmitt ekki vel launuð, þess vegna er grasið grænna erlendis (og ekki bara grænna, grasið er sviðið og óætt hérna megin)

B. Hvaða stuðning íslensks samfélags?? Jú vissulega er hægt að læra grunnnám læknisfræði á Íslandi og fá fyrir því námslán en þá eru eftir amk jafnmörg ár erlendis og þar fæst ekki snefill af stuðningi. Lesið viðtalið.

[gnúsinn (IP-tala skráð) 7.7.2010 kl. 20:02]

C. Alveg sammála, læknar geta sjálfum sér um kennt því þeir hafa algjörlega samið af sér.

[valdimar (IP-tala skráð) 7.7.2010 kl. 20:31]

gnús, þú segir þessi störf ekki vel launuð, hvað er borgað? Svo segir þú að "ekki fáist snefill af stuðningi" fyrir framhaldsnámi erlendis. Þetta er rangt. Viðurkennt framhaldsnám er lánshæft nema framhaldsnámið sé hluti að launuðu starfi enda óþarfi að lána slíkum námsmanni. Kíktu á linkinn.http://www.lin.is/Namslan/uthlutunarreglur/reglur_2010_2011/lanshaeftnam.html

[obiwankenobi (IP-tala skráð) 8.7.2010 kl. 01:01]

Það er ýmist að læknar séu skammaðir fyrir að væla yfir of lágum launum eða gagnrýndir fyrir að hafa ekki verið of harðir í baráttu um há laun. Þeir mega greinilega ekki segja nokkurn skapaðan hlut á meðan hjúkrunarfræðingar, kennarar og fleiri stéttir geta endalaust barmað sér. Valdimar, hin hlægilegu laun sérfræðings í námi erlendis duga ekki til að halda uppi fjölskyldu, hvað þá að fjármagna ferð hennar út og heim aftur. Það sem flugfreyja er búin að hafa í tekjur á þessum 11 árum sem tekur að verða sérfræðingur getur hver sem er reiknað, ekki nenni ég því svosem nú.