Verra klúður en kreppan?

Aðgerðalaus hefur ríkisstjórnin fylgst með þessu máli.

Hvorki ríkisstjórnin né aðrir virðast hafa hugmynd um hvort bankarnir fari aftur á hausinn. 

Það er kannski ætlunin en lendir það á almenningi?

Svo sitja ráðherrar og segja réttilega að þeir viti ekkert um stöðu málsins.

Verra er að þeir segjast ekkert eiga að stjórna atburðarásinni. 

Nú segir t. d. SP fjármögnun að þeir ætli einhliða að gera upp skv. frumvarpi félagsmálaráðherra um bílalán. 

Kemur svo hvert fjármálafyrirtækið á eftir öðru með sína aðferð?  Verður það nýtt klúður? 

Svo gildir auðvitað það sama um húsnæðislán bundin við erlent gengi.  Á það líka að lenda einhvern veginn? 

Ríkisstjórnin ætlar að láta þetta allt reka á reiðanum. 

Og kemur svo sem ekki á óvart.

Líklegt að vextir Seðlabanka gildi

Athugasemdir

[Gunnar Ársæll Ársælsson (IP-tala skráð) 19.6.2010 kl. 00:56]

Það er ekki hægt að breyta samningsbundnum vöxtum í gengislánum.

Neytenda lög.

Ákvæði 3. mgr. 36. gr. c. sömu laga er svohljóðandi:

„Samningur telst ósanngjarn stríði hann gegn góðum viðskiptaháttum og raski til muna jafnvægi milli réttinda og skyldna samningsaðila, neytanda í óhag. Ef slíkum skilmála er vikið til hliðar í

heild eða að hluta, eða breytt, skal samningurinn að kröfu neytanda gilda að öðru leyti án breytinga verði hann efndur án skilmálans.“

[Viggó Jörgensson, 20.6.2010 kl. 13:03]

Kíktu á þetta Gunnar Ársæll.  

Úr lögum um vexti og verðbætur  nr. 38/2001 

"  18. gr. Ef samningur um vexti eða annað endurgjald fyrir lánveitingu eða umlíðun skuldar eða dráttarvexti telst ógildur og hafi endurgjald verið greitt ber kröfuhafa að endurgreiða skuldara þá fjárhæð sem hann hefur þannig ranglega af honum haft. Við ákvörðun endurgreiðslu skal miða við vexti skv. 4. gr., eftir því sem við getur átt."

"4. gr. Þegar greiða ber vexti skv. 3. gr., en hundraðshluti þeirra eða vaxtaviðmiðun er að öðru leyti ekki tiltekin, skulu vextir vera á hverjum tíma jafnháir vöxtum sem Seðlabanki Íslands ákveður með hliðsjón af lægstu vöxtum á nýjum almennum óverðtryggðum útlánum hjá lánastofnunum og birtir skv. 10. gr. Í þeim tilvikum sem um verðtryggða kröfu er að ræða skulu vextir vera jafnháir vöxtum sem Seðlabankinn ákveður með hliðsjón af lægstu vöxtum á nýjum almennum verðtryggðum útlánum hjá lánastofnunum og birtir skv. 10. gr."

[Viggó Jörgensson, 20.6.2010 kl. 13:06]

Gunnar Ársæll

Þú ert að tala um lög um neytendalán nr. 121/1994

Þau eru réttlægri en lög um vexti og verðbætur af tveimur ástæðum. 

Seinni lögin eru yngri lex posterior. 

Mikli veigameira er þó að seinni lögin segja sjálf að þau séu sérlög, lex specialis, gagnvart öðrum lögum nema hin taki sérstaklega fram að svo sé ekki.  Það gera neytendalánslögin ekki.    

[Sigurður Haraldsson, 21.6.2010 kl. 09:59]

Bankarnir eru að fara á hausinn aftur stjórnvöld geta ekki sagt það af þeirri einföldu ástæðu að þá myndu allir fara og taka út peninga sem þeir eiga og þeir færu allir á hausinn á sama augnabliki en eins og staðan er í dag gerist það hægar en endar á sama veg allir í þrot!