Menn sýni dómstólunum fullkomna virðingu. Hlýði skilyrðislaust öllum tilmælum. Út með skríl.

Sé það rétt að einhverjir hafi ekki samstundis hlýtt fyrirmælum um að setjast átti auðvitað að henda þeim snarlega út. 

Sama á við hafi þeir ekki steinhaldið sér saman og þannig truflað réttarhald.  

Sömuleiðis er bannað að vera dulbúinn á almannafæri og fullkomlega óþolandi að menn séu dulbúnir í dómsölum ríkisins. 

Að menn sýni dómstólunum ekki 100,0 % virðingu er óþolandi og ólíðandi. 

Vilji menn tjá sig með lýðræðislegum hætti skal það ekki gert í dómssölum.  Það gerir aðeins skríll.  

Í dómssölum hafa einungis málsaðilar málfrelsi auk embættismanna réttarins, dómarar, saksóknarar og lögmenn.

Að viðkomandi skyldu sprengja púður við húsnæði dómstólsins segir allt sem segja þarf um viðstadda. 

Viðkomandi áttu greinilega fulla hörku skilið, ofbeldið við dómstólinn byrjaði hjá viðkomandi einstaklingum ekki fulltrúum ríkisvaldsins. 

Það fer ekki vel á því að virtir lögmenn séu að bera í bætifláka fyrir stjórnlausan skríl sem sýnir í verki vilja til að troða virðingu dómstólanna niður í svað stjórnleysis og skrílmenningar.  

Hvað verður þá eftir af réttarríkinu ef slíkur ruslaralýður á að vaða uppi?  

 

„Þinghald undir lögreglustjórn“

Athugasemdir

[Jóhann (IP-tala skráð) 30.4.2010 kl. 22:28]

Var það andlegt ofbeldi gagnvart dómaranum, sem viðhaft var í dómsalnum af hálfu þeirra sem vildu ekki setjast á gólfið? Þar sem þú virðist ekki hafa það á takteinunum hvað ofbeldi þýðir, þá skulum við skoða lítillega hvað orðið merkir.

Ofbeldi merkir "valdbeiting". Ofbeldismaður er sá sem beitir beitir valdríki eða ofríki. Í þingsalnum á sínum tíma var lögreglan ein um ofbeldið. Nú stundar hún það enn og aftur og "gætir friðarins" í réttarsalnum, meðan fjallað er um ofbeldisverknað þeirra gegn saklausu fólki sem gerðist svo djarft að hrópa skoðanir sínar á stað þar sem því var fullkomlega löglegt að vera, á tímum þar sem öllum viti bornum mönnum var löglegt að vera æpandi og klórandi eftir réttlæti, örvæntingarfullum tímum sem enn sér ekki fyrir endann á.

Það að flugeldur var sprengdur í anddyrinu segir allt sem segja þarf um þann einstakling sem sprengdi flugeldinn og þá sem studdu hann í verknaðinum. Þú, líkt og ótal margir aðrir, viljið dæma allan þann fjölda fólks sem hefur fengið nóg af spilltum stjórnmálamönnum út frá róttæklingunum. Það er vitlaust. Þú veist þetta alveg jafn vel og ég. Þú veist hversu vitlaus málstaður þinn er en gerir það engu síður því þú vilt fylgja - í orði allavega - þeim öflum sem hafa komið okkur út á vonarvöl.

Þú hefur ef til vill tengsl inn í þennan hóp og þykir bara ágætt að lögreglan handtaki og tuski unglingana til; því það gerir unglingana reiðari. Rótækari. Ofbeldisverk fylgja í kjölfarið. Það gefur ykkur afsökun fyrir því að beita enn frekara ofbeldi. Vopna jafnvel lögregluna betur? Þá kannski ekki bara gegn róttæklingunum, heldur líka gegn þeim friðsömu.Réttar- og lögregluríkið þitt og vina þinna verður senn að raunveruleika.

Já, við sjáum öll í gegnum þig.

Vertu spar á stóru orðin þar til þú færð séð hvað við hin fáum áorkað. Hvað ætli verði hið fyrsta sem við troðum niður í kokið á stjórnmálamönnunum? (Já, þessum sömu og fé var borið á, reglulega.)

Ást,

Jóhann.

[Sigurður Haraldsson, 1.5.2010 kl. 02:20]

Viggó nefndu mér nokkur dæmi um afbrotamenn sem ekki hafa haft klút fyrir vitunum þegar kemur að réttahöldum yfir þeim?

Eða er það kannski til að fela andlit fyrir myndavélum?

[Viggó Jörgensson, 1.5.2010 kl. 02:23]

Jóhann minn kæri.

Ekki þarftu að lesa nema örlítið brot af mínum skrifum til að sjá að ég er ekki fylgjandi lögleysu hjá handhöfum ríkisvaldsins við borgaranna.

En það eru takmörk fyrir öllu.   

Í jarðarför standa menn upp og setjast eins og presturinn skipar og grjóthalda sér saman nema þeir séu beðnir um að syngja.   

Í dómsölum standa menn og sitja eins og þeim er sagt möglunarlaust.  Að öðrum kosti á að henda þeim út.   Hvað getur verið svona flókið?

[sigkja (IP-tala skráð) 1.5.2010 kl. 02:28]

Það verður víst alltaf til fólk sem telur sig svo merkilegt að það þurfi ekki að sýna öðrum almenna kurteisi.

Fólk sem ekki slökkvir á gsm símum í bíó eða á jarðarförum.

Fólk sem kastar rusli út um bílglugga. 

Fólk sem skemmir eigur annarra, veldur þjóðfélaginu skaða og er almennt öllum til ama.

Fólk sem ekki getur borið virðingu fyrir neinu og telur hvert pirrandi smáatriði í ömurlegu lífi sínu gefa sér guðdómlegan rétt til að vera með leiðindi og dónaskap.

Í eðli sínu er þetta sama frekjan og siðblindan og sjá mátti hjá okkar spilltu pólitíkusum og útrásarvíkingunum frægu.

[corvus corax, 1.5.2010 kl. 07:37]

Það er ekki hægt að sýna þeim dómstólum virðingu sem skipaðir eru dómurum með þeim einkavina-fjölskyldu-spillingarskipunum sem hafa viðgengist undanfarna áratugi. Það er búið að eyðileggja trúverðugleika og virðingu dómstóla Íslands með valdníðslu og spillingu og trónir þar á toppnum risarotþró spillingarinnar sem sumir kalla hæstarétt.