Völd eru hættuleg í röngum höndum.

Þarna er skýrt dæmi um að ákveðin gerð af fólki má aldrei fá nein völd.

Fólk sem skilur ekki muninn á aðalatriðum og aukaatriðum.

Fólk sem skilur ekki að markmiðið og tilgangurinn er það sem reglur snúast um.

Hjálpartæki, leiðbeining og tillaga um aðferð.   

Þeir sem halda að reglurnar sjálfar séu aðalatriðið, eða jafnvel eina atriðið sem skiptir máli, eiga engin völd að hafa. 

Halda að sjálfstæð tilvera regluverksins sé æðri en það samfélag sem reglurnar eiga að þjóna. 

Ákvæði um að banna kynlíf í fangaklefa þar sem börn eru viðstödd.

Eru þá til að ná því markmiði að börnin verði ekki vitni að því þannig að þau skaðist ekki.  

Það fólk sem alltaf tekur orðalagið fram yfir tilganginn getur verið til stórhættulegrar óþurftar í samfélaginu. 

Jafnvel valdið stórkostlegum skaða á neyðarstundu.

Þarna sefur fimm mánaða gamalt barn.  Hvaða skaða gat það orðið fyrir?  Jafnvel vakandi?

Fólk eins og þessa fangaverði á alltaf að reka, þegar í stað, úr opinberri þjónustu.   

Og þá ekki síst fyrir þann dómgreindarskort að hafa ekki borið málið undir yfirmenn sína. 

Fangaverðir eru ekki síður starfsmenn fanganna en samfélagsins. 

Og eiga að gæta þess að föngunum líði ekki ver en efni standa til.

Og alveg fráleitt að þeir leggi sig í framkróka við að skerða lífsgæði fanganna umfram það sem liggur í hlutarins eðli. 

Þeim hefði verið nær að bjóðast til að gæta barnsins. 

Sem er ólíkt skemmtilegra starf fyrir heilbrigt fólk. 

En að eyðileggja ástir foreldranna sem lýsir frekar sjúku hugarfari.   

Allt öðru máli gegnir þó um lögfræðinga sem vinna við að dæma og úrskurða.

Þeir eiga hafa kunnáttu til að meta slíkt í réttu samhengi. 

      

Máttu ekki trufla kynlíf

Brostin augu í boði Schengen og ESB.

Fyrir áratug tróðum við nokkrir, karlar af kútmagakvöldi, inn Aðalstræti. 

Förunautar voru lögmenn að kanna hagi skjólstæðinga í hvunndagslífinu.  

Staðkunnugur steðjaði inn Fishersund, hvar kasta skyldi mæðinni um sinn.

Það reyndist vera nektarbúlla, hvers nafn ég lagði ekki mig.

Þar sátu með veggjum kviknaktar stúlkur frá Balkanlöndum og nærsveitum. 

Milli þess sem þær stigu nektardans í sal, sem frægt er orðið. 

Nokkru síðar fjölluðu dómstólar um dansæfingar þessar.

Og skýrir skoðun lögmanna á málsatvikum.      

Þegar þarna var komið, inn í nóttina, var ég orðinn allsgáður af öli kútmagakvöldsins. 

Og ömurleikinn blasti við. 

Þessar stúlkur voru með brostin augu þó þær kreistu fram sín gervibros.

Það var augljóst að þær langaði til að vera einhvers staðar.

En alls ekki þarna. 

Hef ég ekki litið, með eigin augum, meiri mannlegri eymd og niðurlægingu.     

Og þó ég kunni margt betur en að skammast mín.

Þá gerði ég það þarna.    

Síðar ræddi ég þessi mál við kunningjakonu. 

Er hefur sem lögmaður reynt að styðja við slíkar dansmeyjar.  

Og fékk hjá henni það sem vantaði. 

Upp á þekkingu mína á þessum málaflokki.

Alþingismenn hafa greitt götu mansals á Íslandi.

Alþingismenn gengu í Schengen fyrir stórkaupmenn með fólk og fíkniefni.  

Hvað alþingismenn hafa gert fyrir þessar stúlkur veit ég ekki. 

En þeir vilja að minnsta kosti hafa þetta svona.  

Vera í Schengen og ESB til viðbótar.

Hvers vegna vildi Kolbrún Halldórsdóttir, alþingsmaður og ráðherra. 

Banna opinberum starfsmönnum að kaupa sér vændisþjónustu?  

Af hverju eru sumir alþingismenn svo hrifnir af evrópskri spillingu?  

 

 

  

Tvær nektardansmeyjar sviptu sig lífi

Bankarnir buðu alþingismönnum sérstök kjör á kúlulánum.

Rannsóknarnefnd Alþingis ekki ætlað að fjalla um það.  

Fyrir bankahrun voru einhverjir bankanna með sérstaka lánasamninga sem alþingismönnum stóð til boða. 

Varaþingmenn og sveitarstjórnarmenn fengu einnig slík lán. 

Þetta voru kúlulán á vildarkjörum sem almenningur fékk ekki.

En þingmennirnir þurftu engin veð og áttu ekki að bera neina áhættu.

Sveitarstjórnarmaður, og varaþingmaður, taldi sér það til tekna fyrir síðustu kosningar. 

Að hann hefði ekki tekið nema tvö hundruð miljónir í kúlulán á þessum vildarkjörum. 

"En ég hefði getað fengið þrjú hundruð miljónir..." sagði hann svo kjósendum, hann var sko ekki verstur. 

Vilja rannsaka þingmenn og búsáhaldabyltinguna

Var ættaður frá Sýrlandi og Þýskalandi.

Einn allra merkilegasti maður samtímans Steve Jobs. 

Faðir hans var frá Sýrlandi sem er jú nærri uppruna siðmenningarinnar. 

Móðir hans af þýskum ættum.  Þjóðverjar eru jú þjóða snjallastir í tækni og vísindum. 

Hefðbundið skólakerfi hentaði ekki Jobs. 

Enn ein vísbendingin um að það sé of einsleitt. 

„Finna aldrei annan slíkan“

Framsóknarflokkurinn fær greiðslu fyrir liðsstuðning.

Helgi Hjörvar er eiginlega of heiðarlegur maður fyrir stjórnmálin.

Nú þegar ríkisstjórnin fer loksins að greiða Framsóknarflokknum fyrir liðveislu. 

Á Helgi ekki að vera með þetta múður.

Og hvar hefur Helgi frétt að pólitísk spilling hafi nú gufað upp í skyndingu.

Hvernig ætti það að vera? 

Í landi þar sem forsætisráðherrann hefur verið 33 ár á þjóðþinginu?  

Og fjármálaráðherrann litlu skemur.

Og biðu bæði í áratugi eftir að komast í spillinguna aftur.  

Og hafa aukið spillinguna á ný til að bæta sér upp biðtímann og bætt við leyndarhyggju.     

Hvað flokkur nánast ættleiddi Jón Ásgeir Jóhannesson athafnamann? 

Eða grænmetissalan úr Öskjuhlíðinni, Pálma Haraldsson athafnamann?

Eða Jón Ólafsson sjónvarpsstöðvar eiganda?

Eða framsóknarmennina í Kaupþingi, Búnaðarbanka?

Þegar Davíð Oddson fór að skammast yfir athafnasemi þeirra og vinnubrögðum?

Það var Samfylkingin er þáði ríkulegar greiðslur frá þessum aðilum. Sem ekki eru allar lýðum ljósar.

Og það var einmitt Baugur og fleiri sem kostuðu frú Jóhönnu Sigurðardóttur á þing. 

Með hvaða skilmálum?

Björgvin G. Sigurðsson er gamall vikapiltur Baugs.  Hann er enn á Alþingi.  

Og hvar eru fjörutíu eða fimmtíu miljónirnar sem Össur fékk gefins, fyrir stofnbréfín í SPRON? 

Hvað fékk Ingibjörg Sólrún fyrir sín bréf?   

Var það ekki spilling Helgi? 

Sú saklausasta, Steinunn Valdís Óskarsdóttir, sagði ein af sér.   

Engan á að undra sorgarferli þjóðarinnar eftir allar þær svívirðingar. 

Sem ekki grær um heilt á meðan gerendurnir sitja enn á Alþingi eða í umboði þeirra.  

En ég skil mæta vel, að þér líði ekki sem best, í þessu spillingarbæli, minn elskulegi Helgi.

Heiðarlegur maðurinn sem á allt gott skilið.    

Segir ráðninguna hneyksli

Helförin heldur áfram.

Það er engum samningum hægt að ná við Evrópusambandið.

Samfylkingin heldur áfram að saurga Alþingi og þjóðina með þeirri blekkingu. 

Málið liggur algerlega ljóst fyrir. 

Allar þjóðir Evrópusambandsins enda á að fara eftir sömu reglum og lúta sömu yfirstjórn. 

Að halda því fram að hægt sé að semja um eitthvað annað er málflutningur sjúklegra lygara.

Því þar er því ranglega haldið að þjóðinni að slíkir sérsamningar væru til allrar framtíðar.

Á vettvangi Evrópusambandsins eru engir slíkir samningar til.

Tímabundnar ívílnanir teljast ekki með í þessu tilliti.

Hvort við fengum að gera hitt eða þetta, í tiltekinn tíma eftir inngöngu.

Er alveg kristaltært að, eftir þann tíma, við Íslendingar réðum nákvæmlega engu um okkar mál. 

Á þeim sviðum sem Evrópusambandssamstarfið tekur til.

Og þar er bæði leynt og ljóst - aðallega leynt - unnið að því að fjölga þeim sviðum. 

Síðast á sviði löggæslumála, hermála og utanríkismála. 

Og ekkert er yfirleitt að marka löggjöf Evrópusambandsins, þannig að á hana sé treystandi.

Evrópudómstólinn hefur margsinnis dæmt það sem honum sýnist.

Á grundvelli þess sem hann segir standa, á milli línanna, í stofnsamningum sambandsins. 

Evrópusambandið hefur frá stofnun, bandalaganna, ekki gert annað en að færa sig sífellt upp á skaftið. 

Og það mega þeir eiga í Brussel að þeir reyna ekkert að leyna endanlegum markmiðum sínum. 

Það er að sambandið endi sem Bandaríki Evrópu. 

Ísland endar þá ekki öðruvísi en sem fylki í því sambandsríki.

Rétt eins eins og Alaska og Hawaii eru fylki í Bandaríkjum Norður Ameríku. 

Og sjálfstæði og fullveldi þjóðarinnar tapað fyrir fullt og allt.   

 

Liggja samningsmarkmiðin ekki fyrir?

Hvar hefur maðurinn verið ? ESB met í lýðskrumi ?

Er þetta ekki örugglega sami Árni Páll?

Og þessi sem setið hefur í ríkisstjórn í 2 ár.

Ráðherra í ríkisstjórn sem afhenti bankanna til erlendra okurkalla. 

Ríkisstjórn er var með eignarhald á bönkunum og hafði afhendingarkjörin í hendi sér.  

Ef þetta er sami maðurinn.

Þá hlýtur þetta að vera ESB met í lýðskrumi. 

 

Vill afskrifa meira en minna

Hætt í leikhópi Jóhönnu?

Frá því að frú Jóhanna Sigurðardóttir settist í stjórnarráðið.

Hafa alþjóðlegir bankar stjórnað landinu í gegnum AGS og ESB. 

Sem sést vel á 65 miljarða hagnaði þeirra hérlendis í nýjustu uppgjörum.

Þetta er samt leyndarmál. 

Og því hefur frúin, sem þótti ágæt dramaleikkona á árum áður, einbeitt sér að leikferlinum á ný.

Gengist fyrir hverri leiksýningunni á eftir annarri.   

Svo að við komumst ekki að þessu með bankanna og ESB. 

Fyrst var það tragitian Rannsóknaræðið.

Þá Landsdómsuppfærslan sem enn stendur yfir við hlið Þjóðleikhússins. 

Síðustu sýningar að hefjast.

Næst kom stjórnlagaþing, farsi sem tókst stórkostlega að flestra mati. 

Þó urðu þar nokkrir fulltrúar fúlir er föttuðu ekki að þetta var leiksýning, bara allt í plati. 

Inn á milli hefur svo verið boðið upp á tragikómísk verk, þar sem grátbólgin frúin ákallar forsetann.   

Í aukanúmeri fá menn svo Prúðuleikhús með látbragðsleik frúarinnar sjálfrar í samstarfi við fjölmiðla. 

Þegar hún sýnir hvernig maður man ekkert, óþægilegt, né skilur. 

Auk þess segir Össur Skarphéðisson ævintýrasögur frá Undralandinu ESB, í leikhléum.    

Lengi gekk hið sígilda verk: Íhaldið kemur og tekur ykkur í pokann sinn, en nú hefur sýningum verið frestað. 

Þá eru ótaldir leikhópar með ágætar samráðsuppfærslur. 

Þar sem Hagsmunasamtök heimilanna ætla nú að svíkja lit.  

Það borgar sig aldrei að treysta neinum. 

O svei.  

 

Hagsmunasamtökin ekki með

Ýtt við stjórnarhækunni.

Hinir gömlu flokkseigendur Framsóknarflokksins eiga því ekki að venjast.

Að einhverjir geti fengið það hjá þeim frítt.

Hvorki atkvæði eða stuðning.

Fyrst hljóp kaupamaðurinn Guðmundur Steingrímsson á hjáleigu Össurar Skarphéðinssonar.

Án þess að flokkurinn fengi svo mikið sem alin af vaðmáli eða ýsusporð.  

Og nú hefur fegurðardísin Siv Friðleifsdóttir látið sama Össur tæla sig.

Til fylgilags við ríkisstjórnina án þess að setja svo mikið sem síðubita í ask flokksins.

Slíkar óráðsíu skepnur skulu ekki ylja sér við langelda flokksins eða gína yfir kjötkötlum né búrlyklum. 

Frekar en hjá hinum gengna flokksmanni Bárði á Búrfelli.    

Annarra flokka hækjur, eða frillur, eru ekki hafandi á betri bæjum. 

Nema þá sem hornkerlingar í hallærum.

Haldi menn ekki uppi húsaga og um sig.

Ja hvar endar þetta þá?

Næst reynir mannfýlan kannski að forfæra smalastúlkuna, hana Vigdísi okkar.

Tekur kannski allan flokkinn.

Á bakið og hleypur bara burt.

Eins gott að Sigmundur myndi síga í.

Já mikill er andskotinn.

Best að læsa að sér lokrekkjunni og láta sig dreyma, þó ekki um Guðmund eða Sigmund.  

Össur???

Nei það kallast martröð. 

Siv hættir sem varaforseti

Nei getur það verið?

Við eigum bæði klárustu fjármálamennina og vitrustu stjórnmálamennina.

Þannig eru Jóhanna og Össur einu stjórnmálamennirnir í Evrópu og heiminum. 

Sem hafa vit á efnahagsmálum og segja allt í lagi með evruna.

Sem meira að segja þeir í Brussel halda í lífshættu.

Sjálfur Árni Páll hefur staðfest það.  Og sá maður er nú ekki vanur að fara með annað en fleipur. 

Við spyrjum sko að endalokum. 

Því skulu menn sko kynnast þegar Össur minn leggur Brussel að velli.  Og í rústir.

Steingrímur verður framkvæmdastjóri NATÓ og lætur sprengja AGS í Washington.

Þessa sem eru búnir að sparka í rassg**tið á honum í tvö ár.  

Þannig að vont er að sitja lengi, í ráðherrastólnum, í einu. 

Hún Jóhanna endar sem forstjóri Sameinuðu þjóðanna og Ólína sáttasemjari.

Þá skuluð þið Kana fíflin fá að kynnast því. 

Við getum líka sent þær strax ef þið þorið.  

 

Hlegið að Íslendingum