Andskotans asni, og lygalaupur, er drengurinn.

Hann flaggaði fölskum doktorstitli mörgum sinnum í blaðaviðtölum.

Maðurinn er greinilega sjúklegur lygari. 

Það sem hann segir er yfirleitt óskiljanleg froða, framsett af yfirlæti og miklum belgingi.

Nema þegar hann hitti á að vera á móti icesave samningunum.  Það skildum við. 

Og við skildum þegar hann lofaði að lækka höfuðstól verðtryggðra húsnæðislána um 300 miljarða strax eftir kosningar.

Ef hann er núna að upplýsa, að fyrir kosningar, hafi hann ekkert skilið í ríkisfjármálum. 

Þá á hann að segja af sér þingmennsku og hypja sig út af skrifstofum Alþingis og burt úr landi.

Eða að einhverjir kannski hjálpi honum áleiðis?

Eða að hann sé einfaldlega að ljúga þessu, sem allt bendir auðvitað til. 

Þá er það einnig sama niðurstaða; af þingi og úr landi. 

Sekur skóggangsmaður ef hann stendur ekki við loforðin.

Svo bæri einnig að rjúfa þing og kjósa aftur án Framsóknarflokksins.  

Allt útlit fyrir að Austurvöllur brenni með haustinu. 

Vandræðalegt fyrir Sigmund Davíð

En kann sem sagt að fljúga.

Maðurinn lærði flug hjá hernum og kann að fljúga.1*)  Það er augljóst.

Það er ekki hægt að segja að hann hafi verið hættulegur almenningi í þeim skilningi.

Hann hefur meira að segja flogið slysalaust við hin erfiðustu skilyrði. 

Sem er meira en hægt er að segja um alla flugmenn með viðeigandi réttindi á viðkomandi flugvélagerðir.

Það er hins vegar engu að síður grafalvarlegt að þetta skuli vera hægt.

Allra alvarlegast er að hann hefur ekki staðist viðeigandi læknisskoðanir svo vitað sé.

Svo er það einnig grafalvarlegt ef hann hefur ekki einu sinni farið í viðeigandi mismunaþjálfun á þær tegundir sem hann flaug.

Kannski stóðst hann öll þau próf og námskeið sem viðkomandi flugfélag sendi hann á?

Eða gat hann framvísað upplognum pappírum um það líka?

Í raun og veru voru tryggingar flugvéla, og líklega farþega, ekki í gildi úr því að annar flugmaðurinn var réttindalaus.

Það er gríðarlega alvarlegt að flugfélög skuli láta fífla sig með þessum hætti. 

Á millilandaflugvöllum starfar ætíð landamæralögregla. 

Kannski að hún ætti að fara að biðja flugmenn um að sýna flugskírteini sín um leið og vegabréfið?   

Er það til of mikils mælst?

Eða geta hryðjuverkamenn gengið inn á flugvellina ef þeir eru í flugmannsbúningi og sýna vegabréfið sitt? 

Við störf eiga flugmenn alltaf að vera með flugskírteinin og heilbrigðisskírteinin á sér. 

Noti þeir gleraugu eiga þeir einnig að vera með auka par af gleraugum.  

Eða ættum við farþegarnir að skoða flugskírteinin úr því að flugfélögunum og yfirvöldum er ekki treystandi til þess?

Hvert er eftirlitshlutverk flugmálayfirvalda í þessum efnum?

Ekkert kannski?  

------------------------

Michael Fay er menntaður flugmaður þannig að mál hans er ekki sambærilegt við mál Franks Abagnale,. 

Sem starfaði sem læknir án nokkurrar menntunar í læknisfræði.  

Þessi Michael Fay hlaut flugmenntun, stóðst flugpróf og fékk flugréttindi í hernum. 

Sama má segja um heilar kynslóðir af t. d. flugmönnum bandarísku flugfélaganna.   

 Hvorugur er þó lagi en þar er grundvallarmunur á.  

Flaug farþegaþotum án réttinda

Bandaríkin veiða mest?!

Eru ekki frumbyggjar í Alaska ennþá að veiða sér hvali í matinn?

Eru þeir hættir því?

Eða telst það ekki með? 

Sjá hér grein, af handahófi, um hvalveiðar Alaskamanna:  

http://depts.washington.edu/rural/RURAL/advice/dtevukpaper.html

Hvalir þurfa vernd

Frábært til hamingju með það.

Hér eru á milli tíu og fimmtán þúsund Pólverjar.

Og ekki vonum seinna að hér sé pólskumælandi lögregluþjónn.

Aleksandra Wójtowicz skipuð lögreglufulltrúi

Sigmundur Davíð má nú við nokkrum vöfflum til viðbótar.

Hann lítur hvort sem er orðið út eins og Kim Jong-un í Norður Kóreu. 

Báðir svona ofdekraðir pappastrákar sem búið er troða í jakkaföt og setja á stall í Flokknum.  

Erfðaprinsar flokkseigenda.  

Hvað þeir bulla svo, og ljúga, skipir aftur engu máli. 

En endilega fáið ykkur meiri vöfflur. 

Það verður það eina sem þið fáið.

Alla vega skuldugur almenningur sem merkti X við B. 

Svo þið fáið að komast upp að hungurmörkum. 

Svo þið getið greyin mín borgað skuldaniðurfærsluna sem þið fáið að gera.

Fáið einhverja lækkun núna en skattgreiðið ríkissjóði síðar.   Já eða börnin og barnabörnin. 

Allt annað er lygi og hókus pókus.     

Ef skattgreiðendur, það er Ríkissjóður Íslands, skulda erlendum vogunarsjóðum kr 300. miljarða.

Þá þurfa skattgreiðendur augljóslega að greiða þær skuldir. 

Fái Ríkissjóður þessa 300 miljarða skuldir gefnar upp,  þá skuldar Ríkissjóður 300 miljörðum minna  en áður. 

Ákveði stjórnvöld að Ríkissjóður greiði kr 300 miljarða í húsnæðisskuldir landsmanna. 

Þá skuldar Ríkissjóður 300 miljörðum meira en áður. 

Þær skuldir, eins og allar aðrar ríkisskuldir, þurfa skattagreiðendur að borga. 

Allt annað er lygi. 

Hins vegar gæti það verið hagkvæmt fyrir ríkið, og þjóðina, að gera þetta.

Til að halda í unga fólkið sem eru jú framtíðarskattþegar og framtíðar vinnuafl í landinu.

En það er hins vegar ljóst að það eru þá skattgreiðendur sem að greiða þessar fjárhæðir til þess að svo megi verða.

Núverandi skattgreiðendur og skattgreiðendur framtíðarinnar. 

Það er auðvitað betra að ríkið skuldi vegna íslensks almennings en að skulda erlendum vogunarsjóðum. 

Núverandi ríkisstjórn vildi ekki skuldbinda ríkið, í þessum tilgangi, út af kröfum ESB í ríkisfjármálum.

En stjórnmálamenn eiga að segja okkur satt.  Það eru skattgreiðendur sem borga en ekki erlendir vogunarsjóðir. 

Það er að segja ef að þessi aðferð framsóknarmanna gengur eftir.

En þar er ekkert í hendi með það. 

Hér er eignarrétturinn verndaður í stjórnarskránni. 

Ekkert heimilar ríkinu að taka bótalaust upp eignir erlendra vogunarsjóða frekar en annarra. 

Og þar eru engir samningar í höfn. 

Allt annað er lygi. 

Svo verður nokkurn veginn sama hvernig þessi skuldalækkunaraðferð yrði útfærð. 

Þá eiga allir eftir að verða óánægðir.

Þeir sem ekkert skulda fá eðlilega ekkert í sinn hlut. 

Þeir sem skulda hóflega fá lítið eða ekkert.

Þeir sem skulda mikið, fá annað hvort sama og hinir og verða óánægðir.

Eða að þeir fái hlutfallslega meiri eftirgjöf en verða þá samt óánægðir. 

Þeir sem fá svo mestu eftirgjöfina verða svo óánægðir með að fá ekki meira gefið eftir. 

Þeir einu sem kannski verða ánægðir verða þeir sem fá allar sínar skuldir þurrkaðar út.

En þá verða allir hinir brjálaðir.  

Verðtryggðar skuldir heimilanna í landinu eru á bilinu 1.400 til 1.450. miljarðar. 

Þannig að þessir 300 miljarðar ef til vill skammt upp í væntingar kjósenda Framsóknarflokksins.

Þeir sem skulda verðtyggð lán fá svo aldrei hlutfallslega eftirgjöf og þeir sem skulduðu gengis "tryggðu" lánin.   

Þeir verða eðlilega allir brjálaðir yfir því að þeir sem mestu áhættuna tóku sleppi svo best. 

Hérlendis verða fjörugar deilur með haustinu og jafnvel nýjar brennur á Austurvelli?  

En þá ekki á afmælidegi Jóhönnu heldur einhverra annarra.  

 

Hér má sjá frábæra reifun dr. Sigríðar Benediktsdóttur þjóðhagfræðings í Seðlabankanum um skuldastöðuna:

http://www.sedlabanki.is/library/Skr%C3%A1arsafn/R%C3%A6%C3%B0ur--erindi-og-greinar/kynningafjarmalastodugleika30april2013.pdf

Vöfflur ekki góðar fyrir vöxtinn

Þarf að heimila þetta hérlendis.

Það er sjálfsagt og eðlilegt að fólk geti ráðið dánarstund sinni.

Bæði háaldraðir og þeir sem haldnir eru banvænum sjúkdómum ættu að eiga kost á aðstoð til að deyja.  

Hvaða sem líður framförum í líknandi meðferð eða verkjameðferð. 

Ætti þessi möguleiki einnig að vera í boði.

 

Fékk aðstoð við andlátið

Viðgerðarmaðurinn er framsóknarmaður.

Allt er háleynilegt hjá forsetanum og Sigmundi Davíð.

Svo leynilegt að Bjarni Benediktsson vissi ekki að hann var í dag að ræða við framsóknarmann sem gerir við kaffikönnur.

Það var enginn tilviljun að Bjarni var minntur á að sækja könnuna í dag. 

Í stjórnarmyndunarviðræðum er drukkið mikið kaffi. 

Kaffikönnurnar verða því að virka á öllum vígstöðvum. 

Á Bessastöðum er séð fyrir öllu.  

Bjarni kannast ekki við viðræður

Össur er lasinn.

Algerlega búinn að týna heilsunni bara og sjálfum sér. 

Samt er hann blessaður búinn að leita víða um lönd.

Bæði að sjálfum sér og einnig bótar á búksorgunum.  

Margsinnis farið  í flestar heimsálfur og meira að segja sett upp sjúkraskýli við Apaflóa í Afríku. 

En galdralæknarnir gátu ekkert gert til bjargar frekar en aðrir.

Nú síðast fór Össur, rétt fyrir kosningar, í lækningaferðalag til Kína en fann þar hvorki heilsubót né sjálfan sig heldur.  

Hvort sem nálastungum var beitt eða ekki er honum heldur að versna eftir heimkomuna, já og kosningarnar. 

Hvern daginn sem Guð gefur yfir er óráðið bara að aukast. 

Ég veit ekki um hitann né svitann á enninu.

En ekki líst manni á ástandið.  

Illt er til þess að vita að þessi stórgáfaði maður.

Hafi bara ekkert vit.  

Össur varar við Sjálfstæðisflokki

Kannski rétt að Sjálfstæðismenn hvíli sig áfram á stjórnarsetu.

Þá ætti flokkurinn ef til von um að ná fyrri styrk á nýjan leik.

Það gerir hann tæpast í hlutverki hækju fyrir Framsóknarflokkinn við að svíkja loforð sem ekkert er í hendi um að hægt sé að efna.

Það væri rétt af Bjarna Benediktssyni að leyfa Sigmundi Davíð að vera bara áfram að spjalla og starfa með vinstri flokkunum.

Á vinstri vængnum eru engir sammála um nokkurn hlut.

Samfylkingin hangir á ESB umsókn eins og hundur á roði.

Engin veit hvaða stefnu Besti flokkurinn hefur á nokkru sviði.   Líklega vilja menn þar ganga í ESB.

Sigmundur Davíð ekki á leið í ESB fyrir utan að vilja varla starfa með flokkaflakkaranum Guðmundi Steingrímssyni.

Sem notaði Framsóknarflokkinn til að komast loksins á Alþingi eftir að Samfylkingin hafði hafnað Guðmundi alla tíð.

Þá er Vg ótalið þar sem þeir sitja á fleti Steingrímur, Ögmundur og Árni Þór sem allir eru í landsliði pólitískra afglapa.

Birgitta er aðeins á höttunum eftir þægilegri innivinnu þar sem launagreiðslur eru nokkuð öruggar.

Svo hún geti einbeitt sér að því að frelsa draumprinsa sína úr álögum.

Bradley Manning úr tugthúsinu og Julian Assange úr sjálfskipuðu stofufangelsi.  

Þannig að því miður hefur hún ekki tíma aflögu til að sinna þjóðþrifastörfum svo sem landsstjórninni hérlendis.

Verði þér að góðu Sigmundur Davíð að standa við öll loforðin og halda vinstra stjórnarhripinu á floti.

Vilji sjálfstæðismenn samt sem áður fara í ríkisstjórn væri rétt af Bjarna Benediktssyni að tilkynna Sigmundi Davíð.

Að Sjálfstæðisflokkurinn hefji ekki formlegar stjórnarmyndunarviðræður við neinn.

Fyrr en formaður Sjálfstæðisflokksins sé sjálfur kominn með stjórnarmyndunar "umboðið".

Vilji Sigmundur Davíð og forsetinn fara í leik.

Því þá ekki að leika við þá.

Það er oft gert við óvita.  

Ræðir við Bjarna aftur í dag

Forsetinn er að plotta.

Það var hann sem fékk Sigmund Davíð til að verja minnihluta vinstristjórnina falli.  

Þessa sem mynduð var eftir hrun af Samfylkingunni og VG sem fengu svo saman meirihluta í kosningunum 2009.

Og forsetinn sýnist enn vera að. 

Hann hefur augljóslega lagt að Sigmundi Davíð að tala við vinstri flokkanna áður en að rætt yrði við Sjálfstæðisflokkinn.

Hjá forsetanum heitir það að skapa sem viðtækasta samfélagslega sátt. 

Minna fór fyrir kröfum um víðtæka samfélagslega sátt til síðustu ríkisstjórnar. 

Þegar sú ríkisstjórn hugsaði eingöngu um inngöngu í ESB þannig að við lá bardögum og mannvígum.  

Eða að forsetinn og Sigmundur Davíð séu enn lengra komnir en nokkur veit af.

Og að vinstri stjórn sé þegar í burðarliðnum ef eitthvað væri að marka Birgittu Jónsdóttur sem það er ekki.

Hún hefur áður misskilið það sem sagt er við hana enda nýgræðingur í vélabrögðum stjórnmálanna. 

Og það verður að segjast að nú skemmta þeir sér vel vinstri menn yfir framkomunni við sjálfstæðismenn.

Hinn mikli "rýnandi" á stjórnamálastöðuna Össur Skarphéðinsson braggast nú vel á fjósbitanum ásamt ættingjum sínum þar.

Merkilegt að Össur skildi ekki vera svona glöggskyggn á stöðu síðustu ríkisstjórnar hjá almenningi. 

Úr því að hann er núna svona flinkur að lýsa þessu öllu fyrir okkur. 

Eða er hann sem fyrrum að lýsa einhverju úr eigin draumaheimum?

Þar sem allt er dásamlegt og alveg sérstaklega í Evrópusambandinu.

Í ESB Össurar er ekkert atvinnuleysi, engin fátækt, engin verðbólga og evran það sterkasta af öllu. 

Aukinheldur allir útbólgnir af styrkjum í viðbót við ofgnótt annarra vellystinga. 

Á ferðum sínum erlendis hefur hann Össur glögglega séð þetta sjálfur. 

Nú er einnig að heyra að Össur telji sig betri stjórnmálamann en t. d. dansara í Svanavatninu hjá Íslenska listdansflokknum. 

Það er ég ekki viss um sé rétt hjá Össuri.

Hann væri örugglega betri í Svanavatninu en í stjórnmálunum. 

Hann sem með öllum klókindunum, og snilldinni,  fór með kjörfylgi Samfylkingarinnar úr 29,8% niður í 12,9%.   

Svo lélegur dansari getur hann varla verið eftir allan veislufögnuðinn í Brussel.   

   

 

Leynifundi formanna lokið