Dr. Lilja Mósesdóttir hagfræðingur er mest hagfræðimenntuð á Alþingi.

Þó að Lilja sé stjórnarþingmaður hefur hún lýst því yfir að hún átti sig ekki á stærðargráðu skuldbindingarinnar vegna núverandi frumvarps um icesave samninginn eða því hvort þjóðarbúið ráði við þessa skuldbindingu svo vel sé. 

Hvað var hagfræðidoktorinn að segja okkur.  Að íslenska ríkið geti mögulega orðið gjaldþrota? 

Það var allan tímann ljóst að ekkert sem stendur skráð í stjórnarskránni hindrar svo viðarhlutamikla lagasetningu Alþingis.  

Spurningin er hvort undirstöðureglur stjórnskipunarinnar, grundvallarreglurnar sem eru óskráðar meginreglur, standi því í vegi að Alþingi sé heimilt að setja þjóðarbúið og ríkið í svo mikla hættu með almennum lögum.   

Svo mikla hættu að mest menntaði alþingismaðurinn á því sviði treystir sér ekki til að standa að málinu.  Örfáir alþingismenn eru hagfræðimenntaðir.  

Svo kvartaði dr. Lilja yfir því að skuldaþolsútreikningar Alþjóðagjaldeyrissjóðsins hefðu ekki fengist afhendir.  Útilokað væri að samþykkja icesave frumvarpið án þess að leggjast yfir þá útreikninga. 

Aðrir stjórnarþingmenn virðast engar áhyggjur hafa af þessum upplýsingaskorti.  Ábyrgðarleysið er gríðarlegt og það af ásetningi. 

Hinn djúpvitri prófessor Sigurður Líndal er eðlilega með efasemdir um málið.   Ef rétt er haft eftir að samviskusamir fyrrum nemendur hans hafi engar efasemdir er það auðvitað athyglisvert.    

Mál þetta verður skoðað og rýnt á næstu áratugum.  Hvað út úr því kemur veit ég ekki frekar en aðrir. 

Fari allt á versta veg mun hins vegar verða almennur vilji til að láta þá sem ábyrgð bera sæta öllum viðurlögum sem við verður komið.   Menn myndu ábyggilega skoða vel hvort  t. d. 91. gr. almennra hegningarlaga gæti átt við.

...91. gr. .....skal sæta fangelsi allt að 16 árum. ...Sömu refsingu skal enn fremur hver sá sæta, sem falið hefur verið á hendur af íslenska ríkinu að semja eða gera út um eitthvað við annað ríki, ef hann ber fyrir borð hag íslenska ríkisins í þeim erindrekstri...

Sjálfur á ég ekki von á að þetta eigi við um samninganefnd um icesave eða þá alþingismenn sem samþykkja icesave frumvarpið.   En undanfarið hefur margt gerst sem maður átti aldrei von á að upplifa. Guð gefi að við sleppum frá þessu.

Stenst Icesave stjórnarskrá?

Athugasemdir

[Sigurður Haraldsson, 2.12.2009 kl. 12:50]

Við sleppum ekki það er ljóst en Iceave er prófsteinn á hvað við látum vaða yfir okkur. Að neita Iceave eins og það kemur fyrir nú er glapræði og hreint sjálfsmorð fjárhagslega fyrir ísland.