Það er sem sagt til leynilegur baksamningur?!.

Það liggur ljóst fyrir að forsvarsmenn ESB ríkja þurftu að halda andlitinu heima fyrir og sýnast beita Íslendinga fádæma hörku.  

Þeir hafa sjálfir viðurkennt að ESB regluverkið var ekki í lagi og engan veginn undirbúið undir kerfishrun. Nú síðast fjármálaráðherra Hollands. 

Mig hefur lengi rennt í grun að til væri leynilegur baksamningur um að Bretland og Hollland hafi lofað, bak við tjöldin, að fella niður skuldbindingar okkar að hluta eða öllu leyti, á síðari stigum. 

Ef þetta væri raunin er eðlilega ekki hægt að segja frá þessu opinberlega.  Þá ættu forystumenn stjórnarandstöðunnar að hafa látið af andstöðu sinni við icesave, væru þetta ásættanlegir baksamningar.  

Þarna væri þá komin skýring á því sem annars væru hrein landráð við íslenska þjóð af hálfu stjórnarþingmanna, af hverju þeir ætla að samþykkja icesave samninginn. 

Svo leynilegur væri þá slíkur baksamningur að félagi Ögmundi hefur þá ekki verið kunnugt um hann.    Eða ekki talið hann nægilega góðan. 

Ef leyniatriðið sem félagi Steingrímur aðalritari getur ekki greint frá, væri á hinn bóginn einhverjar frekari hótanir frá ESB löndum, væri hlutur stjórnarliðsins hálfu verri en landráð. 

Um slíkt þyrfti þjóðin að vita og geta þá sjálf ákveðið hvort hún vill segja sig úr NATO og gefa Evrópu langt nef þó að það yrði erfitt í framhaldinu.   

Svo er auðvitað spurningin hvort Stalín hafi birst Steingrími í draumi og sagt að allt færi vel. 

Frá slíku trúnaðarsambandi væri auðvitað ekki hægt að segja opinberlega, það verða menn að skilja. 

Verður að klára Icesave af ótilgreindum ástæðum