Reka svo allt partíið úr landi. Ekkert réttlætir veru svona manna hérlendis.

Þessa menn á að reka úr landi fyrir fullt og allt eftir afplánun.  Ekkert réttlætir veru þeirra hérlendis.  Hamli vera okkar í Schengen eða aðrir alþjóðasamningar brottrekstri eigum við Íslendingar að hætta aðild að slíkum samningum þegar í stað.   Eins og Bretar og Írar eigum við að standa utan Schengen.  Þeir stjórnmálamenn sem ekki ætla að standa að úrsögn úr Schengen eru helstu stuðningsmenn glæpa hérlendis. 

 

Í fangelsi fyrir árás á lögreglu

Athugasemdir

[Einhver Ágúst, 28.10.2009 kl. 21:54]

Komdu nú með tölur eða rök máli þínu til stuðnings, svo menn fari nú ekki að telja þig annaðhvort heimskann eða útlendingahatar, jafnvel bæði.

Stuðningsmenn glæpa? Hvað með að lögleiða eiturlyf frekar? Það myndi fækka glæpum hér á landi um svona 60% og gefa lögreglunni svigrúm til að beita sér gegn umferðarómenningunni hér og fjármálaglæpum.

[Viggó Jörgensson, 29.10.2009 kl. 04:48]

Sæll Ágúst. 

Það skiptir engu hvort ég er heimskur eða útlendingahatari, aðeins málefnið.  Ég get þó sagt þér að ég umgengst ekkert afbrotafólk, hvorki íslenskt eða erlent.  Nær allir erlendir einstaklingar sem ég hef kynnst hérlendis eru mikið ágætisfólk sem bætt hefur menningu okkar og þjóðfélagið að mínu mati.

Ég get ómögulega fallist á að ég sé útlendingahatari þó að ég sé á móti innflutningi á glæpamönnum.  Ertu ósammála því?

Það er hins vegar sanngjarnt og málefnalegt hjá þér að biðja um tölur. 

Samkvæmt Hagstofunni voru hérlendis um áramót 315.459. manns þar af voru erlendir innflytjendur 27.240. eða alls 8,6% af landsmönnum.  

Samkvæmt heimasíðu héraðsdómstólanna hafa verið kveðnir upp dómar yfir u.þ.b. 439 nafngreindum einstaklingum á þessu ári.  Nánar tiltekið fyrir ofbeldisbrot, auðgungarbrot, brot gegn lögreglu og valdstjórninni og fíkniefnabrot.  Í framangreindum tilvikum var hægt að sjá á nafni viðkomandi hvort hann var innlendur eða innflytjandi.  Þessi  8,6% innflytjenda fremja 19,1% framangreindra afbrota. 

Innflytjandinn fremur 2,2 afbrot miðað við 1 á Íslendinginn.  Segir það þér eitthvað? 

Miðað við dagskrá dómstólanna fer þetta hratt versnandi.  Ég bæti kannski við þessar upplýsingar á morgun.         

[Viggó Jörgensson, 29.10.2009 kl. 09:38]

Sæll Ágúst. 

Reyndar er hlutfallið 2,5 afbrot á innflytjenda miðað við 1 á Íslending. 

Ég er sammála þér um íslenska umferðarmenningu hún er slæm ennþá en hefur batnað mikið.  Kannski er það innflytjendum að þakka. 

Fjármálabrot eru í góðu rannsóknarferli nú um stundir, þau taka hins vegar mjög langan tíma. 

Mín vegna má að vel athuguðu máli leyfa kannabisefni hérlendis.  Hins vegar ættu þau aðeins að vera leyfð í einhverjum einum bæ á landinu eins konar Kristjaníu okkar.  Þar gætu þeir sem vilja lifa rólegu B lífi reykt sitt hass í friði og unnið kannski 2-3 tíma á dag við blóma- sveppa- eða hænsnarækt.  Þjóðfélagið á ekki að reyna að steypa alla í sama mótið. 

En það yrði að vera alveg skírt að sterkari efni yrðu ekki þar.  E rfitt í framkvæmd eða hvað?  

[Einhver Ágúst, 29.10.2009 kl. 16:33]

Góður Viggó, en það vantar inní jöfnuna að af okkur sem teljumst íslendingar er nú stór hluti ellilífeyrisþegar og börn sem lækka nú bæði glæpatíðni afar mikið. Það má svo segja að uppistaðan í 27 þúsundum erlendra íbúa landsins séu fólk á aldrinum 20 til 50 ára, semsagt verkafólk og einmitt þeir sem standa i glæpum, flestir gera glæpi að atvinnu sinni á sama aldri og annað fólk vinnur sína vinnu, þó er eftirlaunaaldurinn víst eitthvað lægri hjá glæpamönnum enda er þetta víst hörkupúl.

 Þetta er ekkert svo alvitlaust með einhver einn bæ hjá þér og sýnir að þú ert nú frekar víðsýnni en flestir, en það sem er nú að gerast er "stríð" gegn eiturlyfjum sem hefur á hvorri hlið gríðarstóra hagsmunahópa, annars vega löggæsluna og hins vegar eiturlyfjasalana, þetta skilur eftir hóp í miðjunni sem líður hvað mest fyrir ágang þessara tveggja hópa.

Og þar sem raunin er nú sú að sarafáir deyja af völdu ólöglegra vímugjafa hér á landi heldur vegna lyfja sem skrifuð eru út af læknum, þ.e.a.s. rítalíns og morfínefna er nú skrítið hvað við eyðum miklum fjármunum í þetta stríð sem engann endi hefur, flest stríð verða nú að enda er það ekki?

En takk fyrir gott svar og ef þú athugar vel þá kallaði ég þig hvorki heimskingja né útlendingahatara. 

Au revoir frá parís þar sem allt morar af útlendingum......yndisleg borg. 

[Viggó Jörgensson, 29.10.2009 kl. 18:00]

Vildi að ég væri kominn í Latínuhverfið, uppáhaldshverfið mitt af öllum stöðum.  Bestu kveðjur til Parísar.