Skilaðu þá ofurlaununum sem þú fékkst fyrir "frábæra" frammistöðu, aftur til bankans

Á síðasta áratug komst í tísku að láta börn stjórna öllu í landi hér.  

Lífsreynsla komst úr tísku og öllum með heilbrigða skynsemi og lífsreynslu var ýtt úr stjórnunarstöðum.  Öllum gömlu gildunum sem mannkynið hefur lifað eftir, var hent.

Helst áttu börn að vera í öllum ráðherrastólum og sitja sem forstjórar í fyrirtækjum landsmanna.   

Á meðan útsala var á fjármagni á lágum vöxtum frá Japan og víðar og íslenska krónan með allt í plati gengisskráningu, út af Kárahnjúkum, voru hér allar forsendur rangar eins og hver sveitamaðurinn vissi. 

Á mölinni trúðu menn því virkilega að íslensku börnin væru klárari í viðskiptum en þjóðir sem voru búnar að stunda verslun og viðskipti, í hátt þúsund árum lengur en Íslendingar.    

Launin sem þessi ungmenni skömmtuðu hvert handa öðru voru algerlega utan við allt siðferði og íslenskan veruleika.    

Bjarni Ármannsson á einnig eftir að gera þjóðinni grein fyrir sínum hlut í DeCode bólunni hér um árið. 

 

Bjarni Ármannsson: „Ég get verið sjálfum mér reiður"