Annað ríki og lög á nóttinni? Þreföldum fjölda lögreglumanna.

Margt höfum við venjulegir Íslendingar látið yfir okkur ganga undanfarin ár.  

Óbundið frelsi í landsstjórn og efnahagsmálum.  Algert frelsi hefur aldrei gengið upp í samfélagi.  Sú stefna hefur nú í eigin græðgi étið sig sjálfa á heimsvísu.    

Hér hefur einnig verið frelsi til setja upp glæpastarfssemi.   Allir glæpamenn velkomnir frá tilteknum Evrópulöndum, án skoðunar eða skráningar.    

Þó að menn væru eftirlýstir af Alþjóðalögreglunni og í sínu heimalandi, voru þeir velkomnir til hins frjálsa Íslands.    Þó að þeir hafi barið fólk og nauðgað hérlendis, var þeim einnig velkomið að fara aftur og þakkað fyrir komuna - án dóms.   

Hér er einnig frelsi til að flytja inn dóp og konur í kynlífsþrælkun á hinu frjálsa og siðmenntaða Íslandi. 

Eftir dagvinnutíma leggur rikisvaldið að mestu niður völd og glæpalýður telur sig hafa völd ríkisins.    Örfáir lögreglumenn eru á vakt.   Í drykkju- og dópveislur erlendra manna eru sendir tveir íslenskir lögregluþjónar til löggæslu.   Þeir erlendu eru vísast  fyrrverandi hermenn og þrautþjálfaðir í ofbeldisverkum og taka öllum afskiptum illa, þó að allt sé atferli þeirra ólöglegt.  

Litlum sögum fer af því að glæpaskríl sé vísað úr landi.  Hið frjálsa Ísland er vísast búið að stimpla landvistarleyfi eða úthluta viðkomandi ríkisborgararétti.   

Á Íslandi er líka frelsi til að misþyrma samborgurunum.  Sjálfsagt þykir að sparka í höfuð liggjandi fólks langa stund og skilja eftir til ólífis.  Meira að segja börnin eru gengin til leiks.  

Ákveði Íslendingar að hér verði siðað og gott samfélag er mikið tiltektarverk framundan.   

Manni hent fram af svölum