Decode, ofurlaun, útrás, skuldsett kaup..........

Já hann Hannes hefur kennt okkur Íslendingum margt af því sem hann lærði í Ameríku.   

Hann var fjármálastjóri í Íslenskri erfðagreiningu og kenndi okkur að kaupa bréf í Decode á gráa markaðnum, fyrir skráningu á verðbréfamarkaði.   

Svo voru þeir félagar hann og Kári frumkvöðlar í að innleiða hérlendis erlend forstjóralaun, kaupauka og hvers kyns kauprétti.   

Svo lærðum við að setja fyrirtæki á markað þar sem þau margfölduðust í verði.

Svo lærðum við allt um skuldsett kaup, bæði innanlands og utan. 

Svo lærðum við að verða stórefnuð þó að allt sem við höfum komið nálægt hafi farið lóðbeint á hausinn. 

Við bíðum spennt eftir meiru.

Hannes vill leggja sitt að mörkum við uppbyggingu

Athugasemdir

[Púkinn, 27.10.2008 kl. 19:36]

Neinei, þú misskilur hann..hugmyndin er að sjálfsögðu að þjóðin fylgist nákvæmlega með öllu sem hann gerir....og gerir síðan þveröfugt.

[Marinó G. Njálsson, 27.10.2008 kl. 23:08]

Ég veit ekki hvaðan þú hefur þínar upplýsingar, Viggó.  Ég var starfsmaður deCODE á þessum tíma og sat starfsmannafund á vormánuðum 1998, þegar var verið að kynna fyrir okkur starfsmönnum kaupréttarsamninga sem okkur voru boðnir.  það var áður en ruglið á gráa markaðinum byrjaði.  Á fundinum var Hannes spurður að því hvaða gengi við gætum búist við að bréfin færu upp í.  Hann svaraði:  "Þið getið búist við að bréfin fari upp í 4-5 USD, í hæsta lagi 8 USD."  Þetta er það sem lagt var af stað með og við þessu var búist.  Að verðbréfadeildir bankanna hafi farið í einhverja vímu yfir því að versla með hlutabréf í óskráðu erlendu fyrirtæki sem aðsetur á Íslandi, er varla Hannesi eða Kára að kenna.  Hvað menn voru með í laun kemur þessu máli nákvæmlega ekkert við?

Ég vann með Hannesi sem millistjórnandi í fyrirtækinu og get alveg sagt þér að í þau skipti sem við ræddum þetta mál, sem var kannski 2 - 3 þegar gengi var hvað hæst, þá fannst honum þetta algjört rugl og alls ekki fyrirtækinu til framdráttar gagnvart almenningi.  En manstu, Viggó, hverjir það voru sem græddu mest á þessu?  FBA (Fjárfestingabanki atvinnulífsins)!  Og hver stýrði honum?  Bjarni Ármannsson!

Ég man ekki eftir því að fyrirtæki landsins, þar á meðal Púkinn, hafi kvartað undan þeim samningum sem deCODE gerði um hin ólíku verk.  Þá var fyrirtækinu hrósað fyrir að bjóða velmenntuðum íslenskum vísindamönnum góða, vel borgaða vinnu á Íslandi. Það er leitt hvað menn eru fljótir að gleyma.

Fleiri leiðréttingar:  Hannes var aðstoðarforstjóri, ekki fjármálastjóri.

[Viggó Jörgensson (IP-tala skráð) 28.10.2008 kl. 00:13]

Þú getur þá kannski svarað því Marinó hvort stjórnendur ÍE/Decode vöruðu íslenskan almenning við því að verðið væri algert rugl.

Eins geturðu þá kannski svarað því hvort þeir Kári og Hannes seldu af sínum persónulegu hlutum áður en gengið hrundi eða eftir það.

Þá geturðu kannski einnig svarað því hversu mikið þeir högnuðust eða töpuðu af sölu á bréfum.

Svo geturðu þá einnig upplýst okkur hvort Bjarna Ármannsson dreymdi eina nóttina að hægt væri að kaupa í Decode. Ef ekki hver kom þeim upplýsingum á framfæri við FBA?

Fyrstu árin var Hannes sagður fjármálastjóri en seinna aðst.forstjóri en það er nú aukaatriði. Hann á allavega tvo aðdáendur mig og þig.

[Marinó G. Njálsson, 28.10.2008 kl. 00:47]

Ég man eftir því að Kári Stefánsson kom í viðtal á þessum tíma og notaði orðalagið að "það væri engin glóra í þessu".  Þú verður að hafa í huga, að samkvæmt bandarískum hlutafélagalögum, þá mega stjórnendur fyrirtækja ekki reyna að hafa áhrif á verðmyndun á markaði.  Ég held að þetta sé líka í íslensku lögunum.

Varðandi það hvort Kári og/eða Hannes hafi selt eitthvað, þá hefði ég haldið að þeim hefði verið það óheimilt.  Aftur á móti veit ég að deCODE greiddi eigendum Hans Petersen hf. fyrir Lyngháls 1 með hlutabréfum.  Eins lagði deCODE inn háar fjárhæð í formi hlutabréfa í Velferðarsjóð barna og sagna segir að Kári hafi ráðlagt Velferðarsjóðnum að selja þau bréf strax, þar sem verð þeirra gæti aldrei haldist svona hátt lengi.

Bæði Kári og Hannes áttu stórar fjárhæðir í hlutabréfum í fyrirtækinu, sem gerðu þá alveg nógu ríka á genginu 10 USD, en annars fylgdist ég ekki með því hvenær þeir seldu eða keyptu og hugsanlega nýttu þeir sér gengið á gráa markaðnum.  Ég spyr bara:  Hver hefði ekki viljað selja á USD 60?  Ég hefði gjarnan viljað gera það, en gat það ekki.  (Svona eftir á að hyggja ekki, því þá hefði ég tapað öllu í hlutabréfum í Glitni, Landsbankanum og Kaupþingi )

Viðskipti FBA með bréf í deCODE fóru fram á faglegum nótum og þú getur vafalaust flett því upp.

Ég man ekki til þess að Hannes hafi nokkru sinni verið fjármálastjóri.  Fyrst sá Hjálmar Kjartansson um starfið, svo tók Elín Þórðardóttir við stöðu fjármálastjóra þegar Hjálmar hætti og loks Axel Nielsen.  Þetta hlutabréfamál fór ekki í gang fyrr en um svipað leiti og samningurinn við Roche var gerður, en fundurinn með starfsmönnum var nokkrum dögum áður.  Hlutabréf fóru ekki á gráa markaðinn fyrr en eftir það.

[Viggó Jörgensson (IP-tala skráð) 28.10.2008 kl. 02:02]

Þakka þér svörin Marinó.

Eins og þú veist eru miklar tröllasögur um umdeilda menn.  Hvorki er hægt að hafa þær eftir né leggja trúnaða á nema í mesta lagi 10% af því sem sagt er.  

Bara eitt dæmi af mörgum þar sem HS var kallaður fjármálastjóri:   http://www.kaupthing.is/?PageID=3427&NewsID=3417