Fasismi er alltaf slæmur. Verðum að treysta á lýðræði, frelsi og réttarríki.

Hvað sem öllu líður höfum við á vesturlöndum það betra en öll heimsbyggðin. 

Þau lífsgæði höfum við öðlast með lýðræði og frelsi, verndað af réttarríkinu.  

Við verðum að hafa hugrekki til að mótmæla fasisma eins og varð í Þýskalandi á fjórða áratugnum.

Við verðum líka að hafa hugrekki til að mótmæla skrílræði og galdrabrennum.  Við verðum að starfa eftir lögum.  Annars hrynur samfélag okkar. 

Viljum við byltingu og lífskjör eins og á Kúbu?  Nei það viljum við ekki.

Viljum við löglausar handtökur eins og hjá Nasistum? Nei það viljum við ekki. 

Viljum við leggja niður frelsi og mannréttindi? Nei það viljum við ekki. 

Viljum við lögregluríki? Nei það viljum við ekki.   

Að ráðast blint á hluthafa í bönkunum væri lögleysa og ofsóknir.    Engu betri en í Þriðja ríkinu, fastistaríkjum eða komúnistaríkjum.

Yfirvöld hafa lýst yfir að allt verði nú rannsakað.  Viljum við að yfirvöld rannsaki sig sjálf? Nei það viljum við ekki.

Viljum við að allsherjarnefnd Alþingis sé að skipta sér af Ríkissaksóknara og verklagi hans? Nei það viljum við ekki.    Alþingi á aðeins að tryggja nægilegt fé til rannsóknarinnar.    

Ríkissaksóknari telur réttilega að erlendir aðilar verði að koma að slíkri rannsókn.  Aðeins sérfræðingar frá FBI og SEC eða jafnokar þeirra eru færir um slíkt.  Þeir yrðu að fá hér lögregluvald. Allt annað væri kattarþvottur.  Þeir sem störfuðu í góðri trú þurfa engu að kvíða.

Komi eitthvað saknæmt í ljós verður það að fara rétta leið í gegnum dómskerfið.

Verði einhver dæmdur mun hann ekki eiga sjö daganna sæla.  Væri dómþoli ekki til staðar yrði hann eftirlýstur í alþjóðasamfélaginu.  Gríðarlegt alþjóðlegt eftirlits- og regluverk er með peningaþvætti.  Eignir væri hægt að gera upptækar alls staðar í hinum siðmenntaða heimi.  

Aðili sem ætlaði að sleppa frá öllu þessu væri í raun kominn í sjálfskapaða fangavist í fylgsni sínu.          

Vill ekki frysta eignir auðmanna

Athugasemdir

[Sævar Einarsson, 24.10.2008 kl. 03:07]

Viljum við að á meðan á rannsókn stendur að þá bræði pappírstætarar úr sér og gagnaeyðing þurfi að hafa vaktir dag og nótt við að eyða trúnaðargögnum ? nei það viljum við ekki.

[Viggó Jörgensson (IP-tala skráð) 24.10.2008 kl. 12:13]

Það væri nær að passa öryggisafritin úr tölvukerfunum, sérstaklega í Lúxemburg.........