Arðrændu Ísland eins og nýlendu í Afríku.

Núverandi auðlegð Breta byggist á arðráni frá fyrrum nýlendum þeirra í Afríku og Asíu.  Um aldir tóku þeir traustataki öll teljanleg verðmæti frá þeim löndum, rétt eins og fiskinn við Íslandsstrendur. 

Og Bretar eru enn að.  Það þarf að rannsaka rækilega þátt Breta í gengisfalli íslensku krónunnar um síðastliðna páska.  

Áhlaupið kom um páska, það var ekki tilviljun.  Þá voru seðlabankar og stjórnsýslan í fríi og því ekki von á mótvægisaðgerðum.   

Við viljum fá nákvæm svör. 

Hvað græddu breskir vogunarsjóðir og aðrir á skortstöðutöku í íslenskum  krónum. 

Þar á eftir þarf að leita með logandi ljósi í öllu bresku lagaverki að refsiákvæðum vegna þessa og einnig hvort vogunarsjóðir þessir séu skaðabótaskyldir. 

Augljóst er að tilgangurinn var að valda íslenska hagkerfinu gífurlegu tjóni og hagnast á því.   

Í hinu dásamaða lagaverki EES, var ekkert eftirlit með vogunarsjóðum af því að þeir voru ekki í eigu almennings.  Þeir máttu allt.  Og þeir gerðu líka allt.  

Svo vilja menn ganga í ESB, hjálpi oss allir heilagir.          

 

Grimmúðlegt og úthugsað auglýsingabragð

Athugasemdir

[hörður halldórsson (IP-tala skráð) 14.10.2008 kl. 12:27]

Þeir eru samankomnir í London. Bófar frá Rússlandi Afríku og Íslandi.

[Helgi Hrafn Jónsson, 14.10.2008 kl. 17:16]

Ekki gleyma því að íslensku bankarnir gerðu stórkostleg áhlaup á ísl. krónuna, ávallt rétt á undan ársfjórðungsuppgjörum sínum.

Mér finnst við íslendingar þurfum að passa okkur á því hverning við komum fram við erlenda aðila í þessu máli.

Það er til dæmis alveg fráleitt ef rétt er að við ætlum að ábyrgjast meira af sparifé íslendinga hérna heima, en sparifé fólks í útlöndum. Ég skammast mín.

Kveðja,

Helgi Hrafn