Okkur er alveg sama um það.

Þegar brotamenn flækja sjálfir brotastarfssemi sína vísvitandi.

Þegar lögmenn þeirra tefja málarekstur með öllum mögulegum, og jafnvel ómögulegum ráðum eins og að segja af sér. 

Þá er okkur alveg sama hvað Mannréttindadómstóllinn segir um tafir, eða málsmeðferð, í málum fjárglæframanna. 

Tafir eru einfaldlega brotamönnum sjálfum og kenna og þeirra lögmönnum.

Sama er að segja um tvöfalda eða margfalda refsimeðferð.  Það er afbrotamönnunum sjálfum að kenna. 

Ef eitthvað er athugavert á sviði mannréttindamálanna er það því að breyta þurfi mannréttindasáttmálum.

Þannig að fullt tillit sé tekið til þess flækjustigs og tafa sem brotamenn eiga sjálfir sök á.  

Fjárglæframenn eiga ekki að fá sérmeðferð af því að þeir eru með fullar hendur af illa fengnu fé til málsvarna sinna.

Nær væri að tvöfalda allar fjárglæfrarefsingar en að hlusta á kveinstafi um brot á mannréttindindum brotamanna. 

Við getum að skaðlausu einnig sagt okkur úr Evrópuráðinu og þá þurfum við ekkert að hlusta á Mannréttindadómstólinn. 

Allt sem máli skiptir á sviði mannréttinda erum við með í okkar eigin ágætu stjórnarskrá.

Dekur við fjárglæframenn kemur einfaldlega ekkert til greina.

Frekar ætti að skoða mjög alvarlega að svipta þá ríkisborgararétti og reka þá burt héðan. 

Og alveg sérstaklega þá sem enga iðrun sýna heldur eru þvert á móti að þrasa og þræta fyrir brot sín blygðunarlaust. 

Eftir að hafa gert sitt allra besta til að setja þjóðfélag sitt á höfuðið. 

Það er nefnilega ekkert athugavert við að þjóðríki losi sig við einstaklinga sem framið hafa slík drottinsvik við þjóð sína.  

Heldur þvert á móti eðlilegt og hreinlega sanngjarnt þegar ekkert bólar á játningum, iðrun og yfirbót.   

Því sektina sjá allir. 

-----------

"...Rétt mun og að svipta fólk ríkisfangi í refsiskyni, t. d. vegna stórfellds trúnaðarbrots við ríkið..."   

Úr nefndaráliti sömdu af Gizuri Bergsteinssyni hæstaréttardómara árið 1951.

Aðrir nefndarmenn voru Hans G. Andersen þjóðréttafræðingur og Ólafur Jóhannesson prófessor í stjórnskipunarrétti. 

-----------

Nú þurfum við að fara að ákveða hverja við ætlum að svipta ríkisborgararétti og reka héðan burt. 

Gæti haft víðtækar afleiðingar